Umbwilo 21:10 - Amazwi Yakwe Leza 2013

¹⁰ Mupasi Wamuzilo antungulula, nga umungeli ansenda nu kuntwala papela ya mwamba utali cuze. Alino andanga Yelusalemu, Musumba Wamuzilo, ula ukwika kufuma kwiyulu kuli Leza. Wene wayengesanga nu lulumbi lwakwe Leza.

Umbwilo 21:10 Kruisverwysings

1 Yamwene 18:12

Nga cakuti nala nafumapo, limwi Mupasi wakwe Yawe amakutwala ku ncende yuze, ino nemo nsikumanya. Lelo ndi cakuti naya nanena Aabu ukuti wemo uli kuno, alino ndi cakuti wene wiza wazana usi penepo, ale lyene angiza ankomole sile. Uwaiusya ukuti nemo naipelesya ukupepa Yawe ukufuma ku wance wane.

2 Yamwene 2:16

Alino yavwanga yati, “Lola, swe aomvi yako tukweti antu amakumi yasano, aonsi yamaka sana. Leka tufume tukulonda ukuli Eliya umusambazi wako, pano limwi Umupasi wakwe Yawe watiumutwala kumwi kuno ungaya ukamusye papela ya mwamba umwi nanti mu cifoloma cimwi.” Elisya nawe aasuka ati, “Awe mutaya kweneko.”

Ezekelo 11:1

Nupya mupasi wankatwisye nu kuntwala ku mpongolo ya Ng'anda ikulu yakwe Leza iyalozizye umulyango uku ufumondaka. Papa kwene apa mpongolo apali aonsi ukulingana ni mpendwa ya makumi yaili na yasano. Pali alio apali na Yazaniya umwana wakwe Azuli na Pelatiya umwana wakwe Benaya, intunguluzi zya yantu.

Ezekelo 11:24

Pacisila Mupasi wakwe Yawe iunyemula nga untwala ku azya ku mpanga ya Babiloni. Vyonsi vii vyacitike umu cilolwa, ndi muno Mupasi wakwe Yawe wandanzile. Lyene cilolwa cino nakweti icipita,

Ezekelo 3:14

Fwandi Umupasi wakwe Leza iunkatusya nu kunsenda, ala umwenzo wane ukunyongotoka wakwe cimwi, nupya nasosile na Yawe ala watampoka amaka.

Ezekelo 8:3

Watambalike icali wikasa, andema nu kunyele zyane. Alino Umupasi iunkatusya umupela apakasi kansi ni yulu umu vilolwa vyakwe Leza, nu kuntwala uku Yelusalemu uku mulyango wa mpongolo ya mukasi, iyalolenkana uku katutu, pano akaluwi ka uzuwa kimikwa, kano kakalenga nu uzuwa uyeko.

Milimo 8:39

Lyene lino wafuma mu manzi, Mupasi wa Mwene usenda Filipo. Mutungwi nawe atamuweni nupya, lelo atwalilila nu lwendo lwakwe, azanga cuze.

Galatiya 4:26

Lelo Yelusalemu wa mwiyulu umuntungwa, nupya wi kwene ali mayo witu.

Umbwilo 1:10

Pa wanda wa Mwene Mupasi Wamuzilo aikila panondi nga nuvwa izwi likulu, lino ilyuvwikike kwati lya ntandala, ala likulanda ku cisila cane.

Umbwilo 11:2

Lelo utapima misolo ya kunzi, pano yene yapeelwa ku antu Akulukuwa, yene yalalyatola Musumba Wamuzilo kulingana ni myezi makumi yani na iili.

Umbwilo 17:3

Mupasi Wamuzilo antungulula, nga mungeli ansenda ku lwanga. Kuku akuno naweni mwanaci atenzi pa cilyanyi ciyenzu cino calemvilwepo mazina ya miponto kuli Leza. Cilyanyi cii cakweti mitwe cinimbali ni mpembe ikumi.

Umbwilo 21:2

Lyene ndola Musumba Wamuzilo, Yelusalemu mupya, ukwika kufuma mwiyulu kuli Leza. Wene wateyanyiziwe kwati a nawinga wino wayemviwa pa kukomanya iya wakwe.

Umbwilo 3:12

Wino alacimvya ndamucita lupanda mu ng'anda ikulu yakwe Leza wane, nga nawe atalatala afumemo. Panoli ndalemba izina lyakwe Leza wane nga ni zina lya musumba wakwe Leza. Musumba uwo a Yelusalemu mupya, uno ukwika kwiyulu kufuma kuli Leza wane. Nupya panoli ndalemba izina lyane ilipya.

Umbwilo 4:2

Lilyo kwene Mupasi Wamuzilo antungulula. Alino kuku kwiyulu indola cilimba ca wene na umwi atenzi penepo.