Umbwilo 2:19 - Amazwi Yakwe Leza 2013

¹⁹ Namanya vino ukacita, nga nu kutemwa kwako, na vino waya uwakutailwa. Namanya kutumikila kwako, na vino ukateeka umwenzo. Namanya ukuti ndakai ukucita ivisuma kuluta vino wacisile pa kutandika.

Umbwilo 2:19 Kruisverwysings

Yobo 17:9

Antu akailola kwati alio yakacita vyaololoke, yene caluta! Lyene yaya akailola kwati akayele, nayo kwene yatiyacila sile mwenemo.

Masamu 92:14

Ino ikaseeka iviseekwa nalino yatikota kwene, nu kuya sile ileleme nupya iyamaka.

Mapinda 4:18

Inzila ya antu asuma, yaya wa luswepo lwa pamacaca, lulo ulukakulilako mpaka ilanzi ilisanzama.

Luka 1:23

Lyene lino uluti lwa kutumikila kwakwe lwasila, apita ukwakwe.

Yoane 15:2

Tata akasisya misambo yonsi muli nene ino isyaseeka vizao, nga yonsi ino ikaseeka, yene akaitungwila kuti izifiwe nu kuseeka vizao vingi.

Kolose 3:14

Na pa vintu vii vyonsi mulundepo ukutemwa kukakundanya vintu vyonsi pamwi mukulemana kumalilike.

1 Tesalonika 3:6

Ndakai Timoti wataweluluka, nupya watatunena vya pa utailo winu nu kutemwa kwinu. Wene watunenyile ukuti mwemo lyonsi mukatwelenganya ningo nga nu kuti mukalondesya kutulola, wakwe vino naswe tukalondesya kumulola.

2 Tesalonika 1:3

Mwe ina itu, tulinzile kutaizya Leza nsita zyonsi. Catuzipila kucita cii, pamulandu wakuti utailo winu ukukula cuze nga nu kutemwana pakasi kinu kukukulilako.

1 Timoti 1:5

Pano twimilila pa kunena antu kukwata kutemwa kuno kukafuma mu mwenzo uswepe, nu kwelenganya kusuma nu utailo uwa mpomvu.

1 Petulo 4:8

Kuluta pali vyonsi, mutemwane nu mwenzo onsi, pano kutemwa kukalenga kwelelana maifyo aingi.

2 Petulo 1:7

Ku kuipelesya ku umi wa kupepa Leza ungilizyini kutemwana kwa wina. Alino ku kutemwana kwa wina ungilizyini kutemwa antu onsi.

2 Petulo 3:18

Lelo mwemo mutwalilile kukula mu cikuku nga nu mukumanya Yesu Klistu, Mwene witu nupya Katuula witu. Kunoli kuye lulumbi, ilelo na manda pe! Ameni.

Umbwilo 2:13

Namanya kuno ukaikala akuno Ciwa wika cilimba cakwe ca wene. Mwemo mwaya akutailwa kunondi, nupya mutatala mwata kutaila nu mu nsita kwene ino Antipa kambone wane uwakutailwa wakomilwe kumwinu kuko kuno Ciwa akaikala.

Umbwilo 2:9

Namanya intazi zyako. Namanya ukuti wewe mupina. Lelo mu cumi wewe mukama! Namanya vilandwa viipe vino yakutumpwila yao akailanda ukuti Ayuda nalino yasi Ayuda. Yene yali mwi umba lyakwe yao yakwe Ciwa.