Umbwilo 19:9 - Amazwi Yakwe Leza 2013

⁹ Alino mungeli anena ati, “Lemba uti, Alongo ayao aamwa ku cimulo ca winga wa Mwana wa mfwele.” Mungeli alundapo kulanda ati, “Yaa amazwi ya cumi yakwe Leza.”

Umbwilo 19:9 Kruisverwysings

Ezaya 8:1

Yawe wanenyile ne Ezaya ati, “Tola icakulembela penepo icikalamba, nga ulembe ni vilembelo ivikulu uti, ‘Maeli Syalali Hasyi Bazi.’ Kuli kuti ‘Kalauka ukuzanza, onona zuwazuwa.’

Habakuku 2:2

Yawe wangaswike ati, “Lemba umbwilo uu, uulembe ningo apa vipampa, kuti umuntu uwalola awelenge ukwaula intazi.

Luka 22:16

Caleka namunena vino ntalalya Cimulo nacuze kufika lino cilacitwa nupya mu Wene wakwe Leza.” [

1 Timoti 1:15

Muvwango uu, uwa cumi wakuti, Klistu Yesu wizile muno nsi ku kutuula yakaifya. Nupya nene kaifya uwaluta onsi.

1 Timoti 4:9

Muvwango uu uwa cumi, nupya ulinzile kupokelelwa nu kutailwa nu mwenzo onsi.

2 Timoti 2:11

Muvwango uwa cumi ukati, “Ndi twafwa pamwi nawe, ale lyene nupya tulaya aumi pamwi nawe,

Tito 3:8

Muvwango uu uwa cumi. Nkulonda kuti walanda nu kukonkomezya vintu vii, pakuti yao ataila Leza yasakamale insita zyao mu kucita vintu visuma, ivyakwazwa umuntu wensi.

Umbwilo 1:1

Mu lupapulo luu mwalembwa vicitwa vino Yesu Klistu waumbwile. Leza wamupile umbwilo pakuti alange aomvi yakwe vintu ivili nu kucitika zuwa. Klistu watumile mungeli wakwe ni landwe lya kuumbula kuli Yoane muomvi wakwe.

Umbwilo 1:19

Lyene lemba vintu vino walola, ivintu vikucitika ndakai ni vilacitika.

Umbwilo 10:4

Lilyo kwene lino kupangalansya kwasila, nali pipi nu kulemba vino vyalanzilwe. Lelo nuvwa izwi kufuma mwiyulu likunena liti, “Sunga inkama pali vino kupangalansya cinimbali kwati kulanda. Utalemba!”

Umbwilo 14:13

Nupya nuvwa izwi kufuma mwiyulu likuti, “Lemba ukuti, Alongo ayao yano kufuma ndakai yakufwila mu kutumikila Mwene!” Mupasi Wamuzilo nawe ati, “Endi! Yene yalailyokezya kupuza ku kuombesya kwao, pano milimo yao isuma ikuyalondela.”

Umbwilo 17:1

Nupya mungeli wenga pa angeli cinimbali yano akweti ngeso cinimbali aiiza kunondi ati, “Iza kuno, nga nani namakulanga kuvunukwa kwakwe cizelele wino wamanyikwa cuze. Wene uli musumba uno uwakulwa pipi ni nguzi zingi.

Umbwilo 17:17

Pano Leza wiika mu myenzo yao kuti yafikilizye kulonda kwakwe na kuti yawikizyanye nu kupeela uwene wao ku cilyanyi kufika lino mazwi yakwe Leza yalafikiliziwa.

Umbwilo 2:1

“Lemba ku ntunguluzi yakwi uvi ku Efeso uti, “Lii ilandwe kufuma kuli wino alemile ntanda cinimbali mwi kasa lyakwe lilunji nupya wene akapita pakasi ka vyakutekapo inyali cinimbali.

Umbwilo 2:12

“Lemba ku ntunguluzi yakwi uvi ku Pegamu uti, “Lii ilandwe kufuma kuli wino uwakwata lupanga lukali koili.

Umbwilo 2:18

“Lemba ku ntunguluzi yakwi uvi lyaku Tiatila uti, “Lii ilandwe kufuma ku Mwana wakwe Leza, wino amanso yakwe yakaloleka wa cimbilimbili ca moto, nga ni ngazo zyakwe nazyo zikayengesa wa cela cino cazifiwa.

Umbwilo 2:8

“Lemba ku ntunguluzi yakwi uvi ku Similina uti, “Lii ilandwe kufuma kuli wino uwakutandika nupya uwakusyalikizya. Wene wafwile nupya ali nu umi.

Umbwilo 21:5

Lyene wino atenzi pa cilimba ca wene avwanga ati, “Ndakai vintu vyonsi nkuvicita ivipya!” Alino anena ati, “Lemba vii, pano mazwi yaa acumi nupya yalinzile kutailwa.”

Umbwilo 22:6

Alino mungeli anena ati, “Mazwi yaa acumi nupya yalinzile kutailwa. Nu Mwene Leza, wino akapeela Mupasi wakwe kuli yakasema, wene watumile mungeli wakwe kuti alange aomvi yakwe vintu vino vyasya vicitike zuwa.”

Umbwilo 3:1

“Lemba ku ntunguluzi yakwi uvi ku Sadisi uti, “Lii ilandwe kufuma kuli wino uwakwata mipasi cinimbali yakwe Leza nga ni ntanda cinimbali. Namanya vino ukacita na vino antu yakati wewe mumi lelo wewe mufwe!

Umbwilo 3:14

“Lemba ku ntunguluzi yakwi uvi ku Lodesiya uti, “Lii ilandwe kufuma kuli wino akwamwa Ameni, kambone uwakutailwa nupya uwa cumi. Wene ali ntulo yakwe vyonsi vino Leza waumba.

Umbwilo 3:20

Uvwa! Njimi pa mulyango nkukonkonsya. Muntu umwi ndi uvwa izwi lyane nu kunjulila, nemo namaingila mu ng'anda yakwe nu kulya pamwi nawe, nawe amalya pamwi nani.

Umbwilo 3:7

“Lemba ku ntunguluzi yakwi uvi ku Filadefia uti, “Lii ilandwe kufuma kuli wino uwamuzilo nupya uwa cumi. Wene akweti mfungulo yakwe Kateeka Davidi, nupya lino wayula mulyango, kusi umuntu nanti wenga angauyala, na lino wene wauyala, kusi muntu nanti wenga angauyula.