Umbwilo 14:2 - Amazwi Yakwe Leza 2013

² Alino nuvwa izwi kufuma mwiyulu lino lyuvwikike wa kupooma kwa manzi aingi, nupya wa kupangalansya kwa mvula kukulu. Lyuvwikike wa lwimbo ulwimbwangwa na yakiimba yano akulizya mapango.

Umbwilo 14:2 Kruisverwysings

2 Samueli 6:5

Davidi nawe pali pamwi na ina Izlaeli yonsi ala yakuzevya apapezile amaka yao yonsi kuti yacindike Yawe. Ala yakulizya yababatoni, na yabanjo, nu tungoma, ni minsokwe, ni viwaya.

2 Milandu 20:28

Iumba lili lifika umu Yelusalemu ku Ng'anda ikulu yakwe Yawe, ala yakulizya iviwaya, yabanjo ni ntandala.

Masamu 147:7

Imbilini Yawe inyimbo zyakumutaizya lizizini Leza witu izeze.

Masamu 149:3

Kayapekula apa kulumbanya Yawe, yamulizizye utungoma na mazeze.

Masamu 33:2

Lumbanyini Yawe umwi zeze, mulumbanyini muli banjo.

Masamu 43:4

Nga alino lyene ndaya nkapalamile nu ku kavuwa kako we Leza, ukwaya insansa zyane nu luzango. Ali kuno ndazangila nu ku kuwanzizya mwi zeze, Leza, we Leza wane!

Masamu 57:8

Kulukunta we mwenzo wane! Zumbika we ngoma yane ni cinanda cane! Namakatuka pa macaca!

Masamu 92:3

ukukulumbanya umu nsale, nu muviunda vya ngoma.

Masamu 93:4

Yawe wiyo ali umwiyulu, uwamaka ukuluta icilulumo cakwe yemba, ukuluta napa mayimbi yakwe yemba.

Masamu 98:5

Imbilini Yawe umwi zeze nu mu ngoma ni ntandala.

Kufuma 19:16

Katondo pa wanda uwalenga yatatu kwali kupangalansya nu kumyansya, nga ni kumbi linyome pa mwamba. Kulila kukulu cuze kwa ntandala kuvwika. Antu yonsi pa nsakwe yazakaza ku ntete.

Kufuma 20:18

Lino antu yonsi yuvwa kupangalansya, nu kulila kwa ntandala, yalola kumyansya kwa nkuwa ni cunsi pa mwamba, yazakaza ku ntete, yimilila kutali.

Ezaya 17:13

Imitundu ya antu ino yatiiza yatikatuka wa maimbi akome. Lelo Yawe waikalipila, nga nayo yaswilila mwenemo. Apa kufuma, yene yuluka wakwe cungu. Yuluka wa nsaawa zino zyasendwa kuli nkungulupya.

Ezekelo 43:2

Kuku kwene indola ucindami wakwe Leza wa ina Izlaeli ala ukufuma ku ufumondaka. Izwi lyakwe lyuvwikike wa cipoma, nga ni mpanga yayengise ku luswepo lwa ucindami wakwe.

Zakaliya 9:14

Lyene Yawe alalolekela lwa papela pa antu yakwe, alaafika inceto ale zikumyantula sile wa nkuwa. Yawe Simwandalali alalizya intandala, nupya alatunkila uku katutu, aliza akupita mu cipunga ukufuma ku kayeya.

1 Kolinto 13:1

Ningakwata maka akulandila mu ndimi zya antu nga ni zya angeli kwene. Lelo ndi ntakweti kutemwa, ale kulanda kwane kuli wa kulila kwa cela nanti wa nsawa.

Umbwilo 1:10

Pa wanda wa Mwene Mupasi Wamuzilo aikila panondi nga nuvwa izwi likulu, lino ilyuvwikike kwati lya ntandala, ala likulanda ku cisila cane.

Umbwilo 1:15

Ingazo zyakwe zyayengesanga wa cela ciyengese cino yengulula nupya cino cazifiwa. Izwi lyakwe lyuvwikike wa ciunda ca cipoma.

Umbwilo 11:12

Alino yakasema yaili yuvwa izwi likulu kufuma mwiyulu liti, “Izini kuno kupeela!” Lino anisi yao yacili yakulolekesya, yene yakatuka yaya mwiyulu mwi kumbi.

Umbwilo 11:15

Nupya mungeli uwalenga cinimbali alizya ntandala yakwe, ngu mwiyulu muvwika mazwi akulu yati, “Ndakai akweti amaka akuteeka insi u Mwene witu na Katuula, nupya wene alateeka manda pe!”

Umbwilo 15:2

Alino ndola cimwi cikuloleka wakwe yemba musenguluke wi galasi, muminkane nu moto. Naweni na yao acimvizye cilyanyi nu unkolanya wakweco na wino mpendwa ikaimilila izina lyakwe. Antu yaa yaimi pa mbali yakwe yemba musenguluke wi galasi, ala yalemile mapango yano Leza wayapile,

Umbwilo 18:22

Nyimbo zya mapango nga ni zya mazwi ya antu, na zyakwe yakalizya ya mitolilo na mapenga, zitalatala zyuvwike munuli nupya! Munuli mutalatala muzanwe fundi wa mulimo uli onsi nupya. Iwe lyakusila litalatala lyuvwike munuli nupya!

Umbwilo 5:8

Lino akucita vii, viumbwa vyaumi vini pamwi na ikolo makumi yaili na yani yafukamila Mwana wa mfwele. Cila wenga wakweti zeze nga ni ngeso zyakwe zaabu izyazilemo vya mununko usuma nga navyo vili mapepo ya antu yakwe Leza.

Umbwilo 6:1

Nupya ndola Mwana wa mfwele akulematula cimanyililo cakwe conga pa vimanyililo cinimbali, nga nuvwa ciumbwa conga mu viumbwa cinimbali civwanga ni zwi likulu likoline wa kupangalansya kwa mvula citi, “Iza!”

Umbwilo 8:7

Mungeli wakwe conga alizya ntandala yakwe. Alino kwiza imvula ya citalawe nu moto uminkana nu wazi, ipongoloka pano pansi. Lyene ciputulwa conga mu viputulwa vitatu vya nsi cipya, ni ciputulwa conga mu viputulwa vitatu vya miti, nga na mafwa ni sote lisi vyonsi vipya.