Umbwilo 10:1 - Amazwi Yakwe Leza 2013

¹ Nupya ndola mungeli namuze uwa maka ala akwika kufuma mwiyulu. Wene wakufilwe mwi kumbi nu mulalamfuti wazingulwike mutwe wakwe. Cinso cakwe calolike wi lanzi, ni ngazo zyakwe zyalolike wa cimbilimbili ca moto.

Umbwilo 10:1 Kruisverwysings

Masamu 104:3

Napa manzi ya mwiyulu ali pano wakuula Ng'anda yako. Amakumbi ali yano wacita iceleta lyako. Umu muza ali muno wemo ukapitila.

Masamu 97:2

Amakumbi ni mfinzi vyamulilizya. Icumi nu ulungi ivikatungililila icilimba cakwe.

Kufuma 16:10

Lino Aaloni akunena iuvi lyonsi lya ina Izlaeli, nalyo ilisenukila ku lwanga, nga ililola uluswepo luyengese lwakwe Yawe mwi kumbi.

Lwimbo lwakwe Solomoni 5:15

Amaulu yakwe yaya wa ncesi izyakuulilwa na mawe yakulumbike, zino zyasimpwa mu vyakusimpamo incesi vyakwe zaabu mutuputupu. Akaloleka umucindame wa Mwamba wa Lebanoni, uno wakwata imiti mikelide icindame.

Ezaya 19:1

Amazwi asowilwe pamulandu na Eguputo. Yawe ali api kumbi ilikupita ulwilo, wene akuya ku Eguputo. Utuluwi twaku Eguputo tukuzakaza sile uku ntete apa manso yakwe, nga aina Eguputo nayo kwene caticiyaputula umusana.

Ezaya 54:9

Lyene indi vino nali umu manda yakwe Nowa lino nalafile umulapo inti, “Mulamba wakwe Nowa atalatala aunzye insi nupya. Ali vino nalapa na pilelo pamulandu ni cipyu cino nakukwatile, kumwi ni vikali vyuze vino nakupangile.

Nyimbo zya ndosya 3:44

Wemo waifupilizya ni kumbi ilifitisye, muno amapepo itu yatange yapuzye.

Ezekelo 1:28

Pakulola uluswepo ulwazingulwike icali wa mulalamfuti mu makumbi mu nsita ya cisiku. Ni cintu cico calolike wa ucindami wakwe Yawe. Apakulola cico, impona pansi mfupime, nga nuvwa ni zwi lyakwe wiyo akulanda.

Danieli 10:6

Umwili wakwe ala ukuyengesa wa mawe ya belulo amutengo. Usyu wakwe wayengise wa kumyantula kwa nkuwa, nga na manso yakwe yalunkumanga wa moto. Amakasa yakwe yayengise wa mukuwa uswefiwe, nga ni zwi lyakwe lyuvwikike wa ciunda ci umba ilikulu.

Danieli 7:13

Lino naweni ivintu vii usiku mu cilolwa, naweni umwi uwalolike wa muntu. Wene ala akwika na makumbi amwiyulu. Alino aiza kuli wiyo uwaliko ku katalili nga yauze yamutwala kunoli.

Aina Levi 16:2

Yawe avwanga ati, “Nena munyonko Aaloni kuti ataingila insita ili yonsi mu Ncende Yamuzilo kuluta, kwi tundu lya nsalu yakucingilila, ku nkolelo ya ntupiko ya Mbokosi ya Upangano, pano angafwa pamulandu wakuti ne Yawe nkalolekela mwi kumbi papela ya ntupiko iyo.

Mateo 17:2

Lyene yalola Yesu wakaoka, ni cinso cakwe ciyengesa cuze wi lanzi, nga ni vizwalo vyakwe viyengesa viya vitiswe wa luswepo.

Luka 21:27

Alino Mwana wa Muntu alaloleka, akwiza mwi kumbi na maka akulu nu lulumbi.

Milimo 26:13

Cali mu nzila, Mwene wa kwisaci, lino ilanzi lyafika umutwe papela indola luswepo luyengese kuluta ilanzi lufuma mwi yulu, lunzinguluka pamwi na yano twali nao.

Umbwilo 1:7

Lolini, wene akwiza mu makumbi! Antu yonsi yalamulola, pamwi na yao kwene amutosile mu mbazo. Antu yonsi pano nsi yalalosya pamulandu na aliwe. Vii avino cilaya.

Umbwilo 18:1

Pacisila lyene ndola mungeli namuze akwika kufuma mwiyulu. Wene akweti maka akulu cuze, nga nu kuyengesa kwakwe ukwa lulumbi kukozya mu nsi yonsi.

Umbwilo 18:21

Alino mungeli wa maka anyemula ciliwe cakusilapo cikulu cuze acisumbila muli yemba, avwanga ati, “Vii avino Babiloni musumba ukulu ulasumbwa pansi na maka, nupya wene utalatala uloleke.

Umbwilo 20:1

Nupya ndola mungeli akwika kufuma mwiyulu, ala alemile mfungulo yaku ciwina caula impela nga nu munyololo ukulu cuze.

Umbwilo 4:3

Wino uwatenzipo cinso cakwe cayengise cuze wa mawe acindame amutengo wakwe yaspele na kaleli. Lyene umulalamfuti nao uzinguluka cilimba ca wene, nupya wayengise wi we lino likayengesa.

Umbwilo 5:2

Alino ndola mungeli wa maka avwanga ni zwi likulu ati, “Aweni alinzile ukulematula vimanyililo nu kuyula lupapulo?”

Umbwilo 8:13

Lyene ndola, nga nuvwa lyang'anda, wino walelanga papela mu lwelele akuti, “Kalanda! Kalanda! Kalanda kuli yao yonsi akaikala mu nsi lino angeli yatatu asyala nayo yasya yalizye ntandala zyao.”