Oseya 1:10 - Amazwi Yakwe Leza 2013

¹⁰ Lelo aina Izlaeli yalavula wa musensenga uwamu nkumba yakwe yemba, uno utangapimwa nanti kupendwa. Pali ndakai Leza akuyanena ati, “Mwemo musi antu yane,” lelo uwanda uliza lino wene alayanena ati, “Mwemwe ana yakwe Leza wa umi!”

Oseya 1:10 Kruisverwysings

Utandiko 13:16

Ndasandulula amu mupanda wako, cakuti umuntu nga angapenda lusenga lwa pansi, ale lyene angayapenda.

Utandiko 22:17

Nalaya ukuti ndakupeela ana avule cuze, nu kuvula kwao kulaya wa ntanda zya mwiyulu, nanti wa musensenga uwamu nkumba yakwe yemba. Ana yako yalacimvya anisi yao.

Utandiko 32:12

Lelo wewe wandavile uti, ‘Cumi kwene ndalenga vintu vyonsi vikuzipile nupya ndasandulula amu mupanda wako yavule wa lusenga lwamu nkumba yakwe yemba, ulutangapendwa.’ ”

2 Samueli 7:24

Walenga aina Izlaeli kuti yaye antu yako amanda pe, nu kuti nawe uye Leza wao.

Ezaya 43:6

Nemo ndanena antu aku katutu inti, ‘Yatini.’ Ndapeela ilamulo ku antu aku kayeya inti, ‘Mutayalesya ukuya kweneko.’ Wezini ana yane aonsi ukufuma ku mpanga zya kutali, nga na ana yane anaci yawezini ukufuma ku mpela ya nsi.

Ezaya 48:19

Ana inu nayo yangavula wa musensenga, nupya ntange ndeke ukuti yalowelele foo.”

Ezaya 63:16

Pano wewe kwene wewe uli Tata. Abulaamu atatumanya, Yakobo atatumanya. Lelo wemo we Yawe, wewe uli Tata, wewe uli Katuula witu pee. Ilili zina lyako ilyampiti na mpiti.

Ezaya 64:8

Lelo kwene we Yawe, ala wewe uli Tata. Swemo twaya sile wa mbuulo, nawe wakwe nakamata. Umucumi awewe watuumba.

Ezaya 65:1

Yawe nawe aasuka ati, “Nemo nali umuiteyanye ukuvwa ukupapata kwa antu, lelo yatapefile umucumi. Nali umwi uwalondesyanga ukuti yangandondela, lelo yene kutali nanti uwakwezya nanti panono. Antu amutundu yasindonda foo, nanti angala nemo nali umuiteyanye ukuyaasuka inti, ‘Apano ndi namamwazwa.’”

Ezaya 66:20

Yalakolonganika anyonko yonsi, ukufuma ku mitundu yonsi, nu kwiza yatuula kuli Yawe. Yalizila pa mfwalasi, pa maceleta, mu macila, pa nyumbu, na pa ngamila, uku mwamba wane wamuzilo umu Yelusalemu. Yaliza wa ina Izlaeli yano yakuleta vya mawila uku ng'anda ipepo, yakwe Yawe umu viya visangululwe. Kuu kuli kulanda kwakwe Yawe.

Yelemiya 33:22

Ica cumi, nemo ndavuzya wakwe cimwi ana ya muomvi wane Davidi, na yasimapepo aina Levi akumbombela icakuti apakuyapenda, cikaye sile kwati nalimwi umuntu wino akwezya ukupenda intanda zya mwiyulu nanti umusensenga uwamu nkumba yakwe yemba.”

Danieli 6:26

Nemo nkupeela ilamulo lyakuti umuntu wensi umu wene wane onsi alinzile ukoopa nu kucindika Leza wakwe Danieli. ‘Wene ali Leza waumi, nga amateekanga amanda pe. Uwene wakwe utalatala ononwe, nu utesi wakwe utalatala usile.

Oseya 1:9

Lyene Yawe anena Oseya ati, “Mutemele izina uti, ‘Asi antu yane,’ pano mwe ina Izlaeli musi antu yane, nani insi Leza winu.”

Oseya 2:23

Nemwisikulu ndiika antu yane aina Izlaeli mu mpanga ilya kuti yaye akwane. Ndalanga ulukundo kuli wiyo akaamwa ukuti ‘Asi mukundwe wane.’ Antu yano yakaamwa ukuti ‘Yasi antu yane,’ ndayanena inti, ‘Mwemwe antu yane.’ ”

Yoane 1:12

Lelo yamwi, yano amuzengile nu kutaila munoli, yene wayapile nsambu yakuti yaye ana yakwe Leza.

Loma 8:19

Pano uumbo onsi ukalolela kasita kano Leza alasokolola ana yakwe.

2 Kolinto 6:18

nu kuya So. Namwe mulaya ana yane aonsi na yakaci, avino Mwene wa maka yonsi walanda.”

Ayebulai 11:12

Caleka mu muntu wii wenga, uwali kwati wafwa mpiti, mwizile mufuma amu mupanda wakwe. Nu wingi wakweyo wali wa ntanda zya mwiyulu nupya wa musensenga uwamu nkumba yakwe yemba uno utangapendwa.