Obadiya 1:5 - Amazwi Yakwe Leza 2013

⁵ “Aivi ndi yiza usiku, yakaisendela vino yakulonda. Yayo akakulula amatingi ndi yiza ku kukulula amatingi, yakasyako amatingi yamwi. Lelo mwemo anisi inu yalamulovya.

Obadiya 1:5 Kruisverwysings

2 Samueli 1:19

“Intunguluzi zyako we Izlaeli yazikomolela pa twamba twako! Iye mwe vino malumba yafwa!

Ezaya 14:12

Musambazi mwene waku Babiloni, we namukokolo, watupona ukwiyulu uli? Uku mpiti awewe wacimvizye imitundu. Lelo ndakai yatiyakusumba pansi.

Ezaya 17:6

Mulasyala sile antu ampendwa yano alapusuka. Impanga ya Izlaeli ilasyala sile wa muti umuolivi, uno yatiyapukunya kweneko iviseekwa vyonsi, nu kusya sile iviseekwa viili nanti vitatu apa ntonje apapela. Nanti iviseekwa vini nanti visano ivisile ku misambo.” Kuu kuli kulanda kwakwe Yawe, Leza wa ina Izlaeli.

Ezaya 24:13

Eee, icacumi, avino cilaponela imitundu ya antu ya pano nsi yonsi. Cilaya ndi vino cikaya apa kuzombola. Lino yakapukunya nu kukunta iviseekwa vya miolivi vyonsi. Nanti vino yakakuntola utuseekwa twaku matingi utwakusyalikizya.

Yelemiya 49:9

Uzye nga cakuti yakakulula ya matingi iizile kuno muli, yatange yamusile utwa kusotolezya? Nga cakuti aivi yamwizile usiku, uzye yatange yamwiile pano yatemilwe?

Yelemiya 50:23

Iye mwe vino Babiloni wali wa nondo ino ikutamola insi yonsi, alino lyene inondo kwene iyo yatitamoka! Yemwe Babiloni akusalosya antu ya mitundu yuze yonsi ku myenzo!

Yelemiya 6:9

Yawe Wamaka yonsi walanda wati, “Kungululini antu yonsi pyu yano yasile penepo mu Izlaeli. Muyakungulule vino mukakungulula amatingi. Acino mulinzile ukupususya wiyo wensi wino mungapususya lino kucili insita.”

Nyimbo zya ndosya 1:1

Iye mwe vino umusumba wa Yelusalemu wazuuka cele. Mumo umwazile antu tupu! Umusumba uno umuntu ali wensi wazungukisyanga, lyene ali uno watiusyala wakwe mukamfwilwa. Umusumba uno wacindamisye pali yonsi, ali uno watiusanguka uwa antu yano yakuomba umulaaza.

Obadiya 1:9

Ivita vyaku Temani navyo kwene viluvwa intete, na asilika yonsi aku myamba yakwe Esau yalakomwa.”

Mika 7:1

Ala ncule mwe! Nemo indi wa muntu ali ni nzala wino afumile akusokota amatingi umu calo lelo ukwaula kuzana nanti cimwi cakulya. Nupya kutasile nanti amasamvu yano watemilwe.

Zefaniya 2:15

Ukwene uli musumba uno waitakizizyanga amaka nu kwelenganya ukuti utenzi mu mutende. Antu yamwenemo yakaelenganya mu myenzo yao yati, “Umusumba witu uli musumba umu nsi yonsi uwamaka ukuluta.” Wene ulaya wi tongwa, mumo muno inyama zya mpanga zilikala! Umuntu wensi wino alapita apipi alazakaza nu kuvwa amiiku uku ntete.

Malango 24:21

Lino mwakolonganika amatingi inu iila lyonga, mutakezye kuswilila mwenemo iila lyakwe ciili ku kukolonganika nupya. Amatingi asyala mulinzile kusila ainamasi, ana asyale, na yamukamfwilwa.

Umbwilo 18:10

Yene yalimilila patali, pamulandu wa kuya ni ntete zya kukumako ku kucula kwakweo. Yalavwanga yati, “Owee, we koofya we! Owee we kwipa we! We musumba ukulu cuze nupya uwamaka, Babiloni! Watuvunukwa muli aawa wenga sile!”