Obadiya 1:17 - Amazwi Yakwe Leza 2013

¹⁷ “Lelo pa mwamba wa Zioni palikala yamwi alapusuka, alino nu mwamba ulaya uziliziwe. Lilyo kwene ali lino amu mupanda wakwe Yakobo yalapokelela icaupyanyi cao.

Obadiya 1:17 Kruisverwysings

Masamu 69:35

Pano aliwe amapususyanga Zioni nu kututulula imisumba yamu mpanga yakwe Yuda, ali muno mumaikalanga antu yakwe, nupya cimayanga ali mpanga yao.

Ezaya 1:27

Pamulandu wakuti Yawe umulungami, wene alapususya Zioni. Yawe akacita wa vyaololoke, alapususya na ikazi yamwenemo yayo azenzuka.

Ezaya 4:2

Mu wanda ulya umusambo wakwe Yawe ulalemba, ulacindama nu kulumbanyiziwa. Iviseekwa vya mpanga navyo vilacindama. Vyene vilasansamusya antu apusuka amu Izlaeli.

Ezaya 46:13

Ala mwandini uwanda wakucimvya natimbupalamika. Pasikulengela foo. Nemo nsikusumba akasita foo, Apakupususya antu yane. Nemo nasya mpususye Yelusalemu, incindamike na ina Izlaeli aya mwenemo.”

Ezaya 60:21

Antu yako yonsi pyu yalaya asuma, yalasyukila ni mpanga pee. Umucumi anene nayasimpa, nene nayaumvile apakuti yanena antu yauze vino nemo nacindama.

Ezaya 65:9

Ndapolelela aina Izlaeli amu mutundu wakwe Yuda. Ana yakwe ali yano yalaya aeneco ya mpanga ya myamba. Antu yane asololwe, ali muno yalaikala.

Yelemiya 31:23

Yawe Wamaka yonsi, Leza wa ina Izlaeli wavwanga wati, “Lino ndayawezezya isyuko lyao, alino yalaswilizya ukuvwanga umu mpanga yakwe Yuda nu mu misumba yao yati, ‘Yawe kapuute ulutembo pali wewe, we cifulo caulungami, we mwamba ucindami!’ ”

Yelemiya 44:14

Alino apa antu asyalapo mu Yuda, yano yaile ku Eguputo ku kwikala, patalapusuka nanti wenga uwakuti akaswilile uku mpanga ya Yuda, ino yene yakalukisya wakwe cimwi ukuya ikala mwenemo. Pano kwene patalapusuka nanti wenga, suka sile imbutusi zimwizimwi.”

Yelemiya 44:28

Lelo ampendwa sile yao alapusunsuka uku nkondo, yalafuma mu mpanga ya Eguputo nu kuswilila uku mpanga yakwe Yuda. Alino zizyo kwene insyazi, zilamanya wino wavwanzile icumi, ndi cakuti anene nanti aliwo.

Yelemiya 46:28

Yawe walanda wati, “Utoopa we muomvi wane Yakobo, pano nemo ndi nawe. Ndalovya imitundu yonsi ya antu amu nko zino namusalanganyizizyeko. Lelo wemo ntalakulovya. Ndakusunda sile ukulingana ni nsambu. Ntalakutapo sile, lelo ndakukalipila.”

Ezekelo 36:12

Mwemo mwe ina Izlaeli mwe antu yane, ala nemo ndamuwezezya uku mwinu, pakuti muce mwalyata apa musili winu. Nao ulaya icuma cinu, utalatala nupya uponyezye ana inu inzala foo.

Ezekelo 7:16

Yayo alapusuka yalapukila mu myamba, lelo ndayakoma yonsi wa vipeele, cila muntu apa maifyo yakwe.

Danieli 7:18

Lelo aswepe yakwe Leza Wapapelapela yalapokelela uwene na maka ya utesi nga yalausunga amanda pe.”

Yowelo 2:32

Lyene alino wensi wino alaama pi zina lyakwe Yawe alatuulwa. Pasi pano uku Mwamba wa Zioni nu ku Yelusalemu, na muli yayo yamwi asyala palazanwa yamwi yano Yawe alaama.”

Yowelo 3:17

“Alino mulamanya ukuti nene, ne Yawe, Leza winu, ne muno nkaikala ku Zioni, umwamba wane uwamuzilo. Umusumba wa Yelusalemu ulaya uwamuzilo nga ainamasi yatalatala yauzanze nupya.

Yowelo 3:5

Pasi pano mwemo mwatozile siluva na zaabu wane kumwi ni vintu vyuze ivyamutengo ukome, nga imuvitwala ku mang'anda inu ya mapepo yakwe tuleza twinu.

Amosi 9:8

“Cumi kwene, ne Yawe Simwandalali, nkulolekesya apa wene ulya umuzile amaifyo. Ndonona uwene uo apa mpanga ya pansi. Lelo ntalalovya ang'anda yakwe Yakobo. Avino Yawe wavwanga.

Zakaliya 8:12

“Mwemo mumaikomelelanga imbezu ku matwi cele. Imitingi inu imaseekanga iviseekwa, nu musili nao umamezyanga ivizao, kumayanga imvula ivule. Vii vyonsi vili vino namamupeelanga mwemwe mwe antu mwe muno mwasyalapo.

Zakaliya 8:3

Yawe Wamaka yonsi wavwanga wati, “Ndawela ku Zioni nu kwikala mu Yelusalemu. Lyene umusumba wa Yelusalemu ulaamwa ukuti Umusumba wa Cumi, nga nu mwamba wane ne Yawe Wamaka yonsi ulaamwa ukuti Mwamba Wamuzilo.”

Umbwilo 21:27

Lelo kusi cimwi cikowele cino cilingila mu musumba ukulu, nupya mutalingila umuntu wino akacita vya winyi, nanti akatumpoka. Suka sile yao yano mazina yao yalembwa mu lupapulo lwa Mwana wa Mfwele ulwa umi, ayano yalingilamo.