Obadiya 1:15 - Amazwi Yakwe Leza 2013

¹⁵ Wanda wakwe Yawe ukwiza zuwa, lilyo lino wene alapingula imitundu yonsi ya antu. Mwe ina Edomu, vino mwacitila auzo avino mulacitilwa. Vino mwacisile ivilamuwelela.

Obadiya 1:15 Kruisverwysings

Esita 9:25

Lelo walanga namwene Esita watwala umulandu uo ku mwene, umwene nawe avino wapile ilamulo mu malembelo, ilyakuti Hamani pamwi na ana yakwe yakulikwe uku vimuti.

Yobo 24:1

“Uzye pacani cino Leza Wamaka yonsi wakana ukuteyanya zuwa insita yakumpingwilila penepo? Uzye pacani cino yayo akacita vyaololoke yalole wanda uwakuyacitilamo ulungi?

Masamu 137:8

We mwana wakwe Babiloni, ala ulononwa! Walongo awiyo alalandula pali vino wacita

Mapinda 5:22

Ivicitwa viipe vya muntu mwipe vikaya iciteyo cakulemyamo umwisikulu, ni milimo iipe iya mukanda ikamuvimbilikizya.

Yelemiya 12:14

Nupya Yawe avwanga ati, “Nemo indi penepo na vimwi vyakulanda pa lwa antu aipe ainipamba yakwe Izlaeli. Ala antu yayo yonona impanga ino ne mweneco napiile ku antu yane aina Izlaeli. Antu yayo nemo ndayafumya umu mpanga zyao. Yalaya wa muti uno yatukula, alino ndapususya aina Yuda.

Yelemiya 49:12

Vii ivyalanda Yawe, wati, “Yano yasi nu kumwa mu lwako, yali nu kumwa lyene. Uzye wemo wati wewe ungasyala kwaula kuvunukwa? Utalatala uleuke ukali foo, nawe kwene suka sile ukaumwe.

Yelemiya 50:29

“Amini yano yacenjela kufiika inceto yize yalwisye aina Babiloni. Mwame sile yonsi pyu yano yamanya kuzumba amalapwa. Zingulukini umusumba, mutaleka nanti wenga apuuke. Mulandule apa vicitwa vyao, ndi vino nayo yacisile. Pano kwene yacita icilumba kuli Yawe, Wamuzilo wilya wakwe Izlaeli.

Yelemiya 51:56

Yiza ku konona Babiloni. Ivita vyakwe vyalemwa na malapwa yao yakontolwa. Nene indi Leza akakalipila uyi, nupya ndacitila Babiloni ndi muno akalondela, ukulingana ni sunde.

Ezekelo 30:3

Pano uwanda watiupalama, uwanda wakwe Yawe watiupalama. Ulaya uwanda wa cifutika, uwanda wakupezya imitundu.

Ezekelo 35:11

Caleka nalapa ne Yawe Leza waumi, nemo lyene ndalandula pa cipyu cako, na pa uzuwa wako, na pa lupato lwako, vino wakwatila antu yane. Alino nayo yalasininkizya ukuti nemo namayafulwila pali vino wacisile.

Ezekelo 35:15

Pamulandu wakuti wasansamwike, lino impanga ya ng'anda yakwe Izlaeli yasangwike ulwanga, nawe kwene avino ndakucita umusango uli onga kwene. Ulaya ulwanga, we mwamba wa Sili, pamwi ni mpanga yonsi yakwe Edomu. Lyene alino yalamanya ukuti nene indi Yawe.”

Yowelo 1:15

Iye mwe! Uwanda wakwe Yawe watiupalama, uwanda wakwe Yawe ukwiza nu ononesi uno ukufuma kuli wiyo Uwamaka yonsi.

Yowelo 2:1

Lizini intandala ku Zioni. Pundini nu kuyasoka pa mwamba wane uwamuzilo. Aikala nsi yonsi yazakaze, pano ukwiza kwa wanda wakwe Yawe kwatikupalama.

Yowelo 2:11

Izwi lyakwe Yawe likuvwika uku nkolelo ampuka ya vita vyakwe. Impuka ya vita vyakwe iikulu wakwe cimwi. Wino wensi akucita ukulonda kwakwe Yawe, umucumi wene uwamaka. Wanda ukulu wakwe Yawe uwakoofya sana. Uzye aweni angaposya pa wanda kwene ulya?

Amosi 5:18

Kalanda kunomuli mwemuno mukalonda uwanda wakwe Yawe! Uzye uwanda kwene uo umukwatile muzano cii? Uwanda uo ulaya uwanda wa mfinzi kunomuli, asi uwanda wa luswepo awe.

Amosi 5:20

Uzye uwanda wakwe Yawe utalaleta sile imfinzi itupu, ukwaula kuleta uluswepo foo?

Mika 5:15

Mu ukali ni cipyu ndacita icilanduzi apa antu amu nko zyonsi yano yatanjezile.”

Habakuku 2:8

Pano wemo wasampa ivingi ukufuma ku mitundu iingi, acino antu alapusuka yaliza yakusampe ivyakwako. Pano wemo wakoma antu aingi nupya wemo onona imisumba yonsi kumwi na antu akaikalamo.

Mateo 7:2

Pano vino mukapingula auzo avino namwe mulapingulwa. Pelini namwe mulapelwa. Mulapelwa cilingilo cisuma cisindelwe, pano cilingilo cino mukalingila auzo, acino namwe Leza alamulingila.

Yakobo 2:13

Pano Leza wene atalaya na mizu ku muntu wino atali na mizu ku yauze. Lelo pano mizu yaluta upinguzi, Leza alaya na mizu.

Yakapingula 1:7

Adonibezeki avwanga ati, “Yamwene amakumi cinimbali yano yatakweti ivyala ni vikando vikulu yasolanga amalakasi aponanga ukwi tebulo lyane. Leza watacita icilanduzi kunondi pali vino nayacitile.” Lyene iyamusenda ku Yelusalemu, akuno aya afwila.