Neemiya 7:2 - Amazwi Yakwe Leza 2013

² Ali lino nasonsile umwinane Hanani kuti angaya akateeka umu Yelusalemu. Nga alino insontela penepo na Hananiya uwakuti angaya akalinda wi cele apamulandu wakuti ali wino naweni wa muntu umwi umufumaluke, uwakwatila Yawe Leza icoopo ukuluta asyala.

Neemiya 7:2 Kruisverwysings

Utandiko 42:18

Pa wanda uwalenga yatatu Yosefu ayanena ati, “Nene muntu wino akaopa Leza. Caleka citini cii kuti mutakomwa.

2 Samueli 23:3

Leza wa ina Izlaeli avwanga, Ciliwe camu Izlaeli icinena citi, “Wino akaateka antu yakwe mu ulungami, wino akateeka umu coopo cakwe Leza,

1 Yamwene 18:12

Nga cakuti nala nafumapo, limwi Mupasi wakwe Yawe amakutwala ku ncende yuze, ino nemo nsikumanya. Lelo ndi cakuti naya nanena Aabu ukuti wemo uli kuno, alino ndi cakuti wene wiza wazana usi penepo, ale lyene angiza ankomole sile. Uwaiusya ukuti nemo naipelesya ukupepa Yawe ukufuma ku wance wane.

1 Yamwene 18:3

Aabu ali vino wamile Obadiya, kangalila wa yaomvi akwisano. (Obadiya wiyo wali aumwi uwatontelanga Yawe.

Neemiya 1:2

Alino Hanani, wenga apa inane, afika pamwi na antu yano wafumile nayo uku mpanga yakwe Yuda. Alino nani injuzya apamulandu wa antu yaya yano yawelulwike umu uzya alino na pamulandu wa musumba wa Yelusalemu.

Neemiya 10:23

Hosyea, Hananiya, Hasyuba,

Neemiya 13:13

Alino nsolola yaa kuti yaye akasunga ya cuma: simapepo Syelemiya, kalemba Zadoki nga na Pedaiya, wenga uwamu ina Levi, ukwikapo na kazwilizya wao Hanani, umwana umonsi wakwe Zakuli, uwamu mupanda wakwe Mataniya, pano namanyile ukuti antu yaa atailwe. Yapilwe umulimo wakwankanya vyamusangulo ku yaomvi yauze.

Neemiya 2:8

Alino na kalata wakuyapeela Asafu, kasunga wa mutengo wa mwene apakuti ace aka mpeele imiti iyakulepula imbao izya kuti ince mpangile impongolo zya Ng'anda ikulu yakwe Leza, ni zi linga lya musumba alino ni zya ng'anda yane kwene. Fwandi vyonsi vivyo umwene wanzumilizye apakuzana ukuti uluse lwakwe Leza lwali nani.

Neemiya 5:15

Lelo alasi ankolelile yacuzyanga antu. Yapokololanga antu ivyakulya na waini ukwika penepo ni mpiya zyakwe siluva, anganyoma ukulingana na citika wakwe kilogalamu. Alino na aomvi yao kwene yatesile antu ukukalili. Nemo palwane intatazile incite icamusango ndi uo, apamulandu nu koopa Leza wane.

Neemiya 7:3

Nayapile ni lamulo inti, “Mwayula sile impongolo zya musumba wa Yelusalemu lino kwakaya, nupya mwayala nu kupikilizya ningo lino yakalinda yacilipo lino ilanzi litali liwe. Nupya mwatola yakalinda ukufuma sile umu ikazi amu Yelusalemu. Yamwi yali nu kulalinda pano yayasontelela ukuya umu kulinda, alino yamwi apipi na mang'anda yao.”

Yobo 1:1

Mu mpanga ya Uzi mwikalanga umuntu umwi wino izina lyakwe wali a Yobo. Umuntu wi wali uwaula umulandu nupya akacita ivisuma. Umuntu wi woopanga Leza nu kuleuka inkota.

Masamu 101:6

Nemo nasololanga antu yano yakufukila we Leza, apakuti ayano yaomba ukwane ukwisano. Antu ya misango isuma ayano yamayanga aomvi yane.

Kufuma 18:21

Lelo kulunda pali vii, ulinzile kusola aonsi yamwi ampomvu nu kuyasonta kuti yaye wa ntunguluzi zya antu. Mu musango uu, intunguluzi zya antu mazimbi, na yamwi antu imyanda, na yamwi antu amakumi yasano, na yamwi antu ikumi. Yalinzile ukuya antu akaopa Leza. Yalinzile ukuya atailwe nupya atangazumilizya mafukakanwa.

Danieli 6:4

Lyene angalizi yauze pamwi na alasi yezya kulondelezya imilandu mu miombele yakwe Danieli, lelo yaposiwe kuzana umwi, pamulandu wakuti Danieli wali uwakutailwa nupya wene atacitanga cimwi ciipe nanti caucenjezi.

Mpendwa 12:7

Lelo caiyela lino nkulanda nu muomvi wane Mose. Wene akaikala uwakutailwa muli vyonsi vyamu ng'anda yane.

Mateo 24:45

“Uzye lyene, muomvi mutailwe nu wamano aweni? Awiyo wino mwene wakwe wamucita kangalila uwakulolela aomvi amu ng'anda yakwe, nu kuyapela vyakulya vyao pa nsita ilinge.

Mateo 25:21

Mwene wakwe nawe amunena ati, ‘Wacita ningo we muomvi musuma nupya uwakutailwa! Wali uwakutailwa pa vintu vinono. Caleka namakucita kangalila pa vintu vingi. Iza uzange pamwi nani!’

1 Kolinto 4:2

Cintu conga cino cikalondekwa ku muomvi cakuti alinzile kuya uwakutailwa kuli wino akatumikila.

2 Timoti 2:2

Maila aingi ukauvwa nkusambilizya pa manso yakwe yakambone aingi. Lyene ndakai nkulonda kuti wemo ulasike mulimo uu ku antu atailwe, yano angasambilizya antu yauze.