Neemiya 1:9 - Amazwi Yakwe Leza 2013

⁹ Lelo ndi cakuti mwaca mwawela kunondi mwalondela na masunde yane nu kuyasunga lyene antu inu, yayo aya umu uzya nanti yangikala uku mpela ya nsi, ndayakolonganika nu kuyawezezya apa ncende iyo ino nasonsile ukuti yampepelamo.’

Neemiya 1:9 Kruisverwysings

1 Yamwene 8:48

Mu mpanga kwene iyo muno yali, ndi cakuti yazenzuka umu cumi cumi yatandika nu kukupepa ala iyasenukila nu ku mpanga ii, ino wapile antu yako, na manso yalozizye ku musumba uno we mweneco wasolola, nu ku Ng'anda ikulu ino nakukuulila,

1 Yamwene 9:3

Alino Yawe amunena ati, “Natinuvwa ipepo lyako nga nu kupapata kwako kuno wacita pa manso yane. Nemo natimpaatula Ing'anda ii ino watukuula, nu kwikamo izina lyane pakuti antu yampepa mwenemo amanda pe. Namawakanga nu kucingilila Ng'anda iyo insita zyonsi.

1 Milandu 16:35

Mulaizye muti, “Si ututuule, we Leza Katuula witu. Utukonganike nu kutukulula ku antu amu nko, pakuti tukutaizye, nu kulumbanya izina lyako ilyamuzilo, nu kuya ni cilumba caku kulumbanya.

Ezila 6:12

Yawe umwisikulu uwasolwile ukuti izina lyakwe likasyalilile uku Yelusalemu, angavwintila ukutali wiyo wensi uwaca wasuula isunde lii, nu kupanga ukuti akonone ng'anda ii yakwe Leza nupya. Nene ne Dalyusi nati akawe nalyo! Napeela ni cipope cii. Fwandi inkuti kacalondelwa ningo.”

Masamu 106:47

Ala ule ututuule, we Yawe Leza witu, ungala utupususye, utufumye umu inamasi, utukonganike apakuti twalumba izina lyako lyamuzilo, nu kuti tulole nu kuzangila mu ucindami wako.

Masamu 107:3

Yano wakolonginye ukufuma mu mpanga zyonsi. Izyaku ufumondaka ni zyaku uwondaka. Izyaku kayeya nga ni zyaku katutu.

Masamu 147:2

Yawe alakuululula Yelusalemu cipya cipya. Wene alawezya na ina Izlaeli aali umu uzya.

Ezaya 11:12

Yawe alakatusya uluunga apakulanga imitundu ukuti akukonganika pamwi nupya antu asalangine, yakwe Izlaeli na yakwe Yuda, nu kuyaleta ukufuma mu ntunga zyonsi ziini izya nsi.

Ezaya 27:12

Mu wanda ulya Yawe alakolonganika antu yakwe ukutandikila sile ku luzi Yufulate, ukuyapelela kuli nande waku Eguputo. Wene alayapaatulula wenga wenga ndi vino yakaelulula ingano ukufuma mu vinkapala.

Ezaya 56:8

Anene ne Yawe navwanga. Nene kwene nemuno nafumizye antu yane aina Izlaeli mu uzya nu kuyawezezya kumwao. Nalaya nu kuti ndakolonganika nayauze kwene pakuti yakize yakaye pali ponga kwene na yano nakolonganika mpiti.

Yelemiya 12:15

Lelo alala lino nayafumyamo, ndayakwatila uluse, ndawezya na cila muntu uku mpanga yakumwao nu mu vifoloma vyao.

Yelemiya 3:14

“Si welulukini, mwe antu aula utailo mwe, pano nene indi Yawe Leza winu. Umu misumba inu yonsi, onga onga ndatolamo umuntu wenga. Nu mu nko zinu kwene namo ndatola yaili nu kuleta mwemwe uku Zioni.

Yelemiya 31:10

“Mwe mitundu yonsi, uvwini amazwi yakwe Yawe. Mulandile na antu yonsi aikala ku nkumba zyakwe yemba ukutali. Wino wasalanganyizizye aina Izlaeli, awino wayakolonganika nupya aliwe amayasunga ndi vino kacema akawaka ufyo wakwe.

Yelemiya 32:37

“Lolini, ndayakolonganika ukufuma ku mpanga zyuze kuno nayazingile cipyu cipyu, umu ukali wane nu kusoka kwane wakwe cimwi. Ndayawezezya uku ncende kwene ii, muno yalikala usaka.

Yelemiya 6:22

Yawe wavwanga wati, “Lolini, impuka ya vita ilafuma ku katutu. Uluko lwamaka ukufuma ukutali lukuiteyanya ku kulwa inkondo.

Ezekelo 14:6

“Caleka unene aina Izlaeli ukuti Yawe Simwandalali wavwanga wati, ‘Zenzukini! Fumini ku tuluwi twinu nu kuta imicitile inu iipe!’

Ezekelo 36:24

Pano nemo ndamufumya ku antu ya mitundu yuze, ndamukolonganika ukufuma ku mpanga izyenyi zyonsi nu kumuwezezya umu mpanga inu.

Aina Levi 26:3

“Ndi mwalondela amasunde nu kuyela malamulo yane,

Zakaliya 8:7

Nemo ndatuula antu yane, ndayafumya mu mpanga zyaku ufumondaka, nu mu mpanga zyaku uwondaka.

Mateo 24:31

Izwi likulu lya ntandala liluvwika nga nawe alatuma angeli yakwe kukukonganika asololwe yakwe kufuma ku mpela yonga ya nsi kufika nu ku yuze kwene.

Malango 12:21

Ndi cakuti ukwa kupepela kwatalimpa na pano mukaikala, lyene wakwe muno imunenile mungafyula iciteekwa cinu cino Yawe wamusekela nu kulila ku mang'anda inu lyonsi lino mwatemwa.

Malango 12:5

Muce mwapepela Leza winu pa ncende ino umwisikulu alasolola ukufuma mukasi ka mitundu inu pakuti apano yonsi yakakonganila ku kumulumbanya.

Malango 30:1

Nupya Mose atwalilila nu kunena aina Izlaeli ati, “Nemo natimuleka kuti muisolwele mweisikulu upolelelo nanti intipu. Ivintu vyonsi vivyo lino vilamuponela pa nsita ino mulaikala pakasi ka mitundu yuze muno Yawe alamusalanganyizizya, ali lino lyene mulaiusya vino nkulanda.