Neemiya 1:4 - Amazwi Yakwe Leza 2013

⁴ Nalanga nuvwa vivyo, inikala pansi indila, inkungumala. Apa manda yamwi intandika ukulosya ukwaula ukulya ala nkupepa kuli Yawe, Leza wa mwiyulu.

Neemiya 1:4 Kruisverwysings

2 Samueli 12:16

Davidi wapapatile sana umwana wakwe kuli Leza pamulandu wa kulwala kwakwe. Davidi mpaka ata nu kulya nga aya umu ng'anda umwakwe nga alambalala pansi usiku onsi.

2 Yamwene 22:19

Pano wemo wazenzuka, waicefya nu kuicefya apa manso yane. Walepola ni vyakuzwala vyako, walila nu kulila. Uvwa vino napangiile umusumba wa Yelusalemu kumwi na ikazi aikala mwenemo. Ala nemo ndaleka incende iya ice iye iyakuzungusya antu. Nupya ali ncende ino yalatipwilila antu. Ukuya kwene nemo natinuvwa ipepo lyako. Ivyalanda ne Yawe.

2 Milandu 6:13

Walanga wamata apakwimila apa tumpuke, apa cela ca mukuwa cino wisile apa musolo. Umu mbali zyonsi cali amamita yaili na citika. Ukuya papela namo cali mita wenga na citika. Fwandi apano aya aimilila, nga afukama, ala aina Izlaeli yonsi akongine yakumulola nga atumpula na makasa umupela.

Ezila 1:2

“Lii ilamulo lyakwe Kilusi, umwene waku Pesya. Yawe, Leza wa kwiyulu, watampela amaka akuteeka impanga yonsi. Watanena ukumukuulila Ng'anda ikulu uku Yelusalemu mu mpanga yakwe Yuda.

Ezila 10:1

Lino Ezila acili akupepa nu kuilongwela amaifyo yakwe, ala akulila nu kuisumba pansi inkolelo ya Ng'anda yakwe Leza, iumba likulu lya ina Izlaeli aonsi, na anaci na ana yao yamuunganila. Nayo kwene yalila aminsozi nu ulanda ukulu cuze.

Ezila 9:3

Lino nuvwile vii, alino ndepola vyakuzwala vyane nu mwingila wane kwene pamulandu wa nsonyi. Lyene mpela ni nyele ku mutwe wane kumwi ni vilezu kwene nga nikala pansi ulanda ulanda.

Ezila 9:5

Lino insita yakupeelelapo impolelwa amanguzi yafika, mvwandamuka nga nimilila ni vyakuzwala vyane vilepoke. Lyene mfukama nu kukatusya amakasa yane umupela kuli Yawe Leza wane.

Neemiya 2:20

Lyene nemo njaasuka inti, “Leza wa mwiyulu alasuka atupeele icituku. Ala swemo, swe aomvi yakwe twasya tutandike uku kuula cipya cipya. Lelo mwemo papo pano muli, mutakweti icipande nanti cimwi muno umu Yelusalemu. Nupya mutakweti insambu nanti imwi. Nanti icimanyililo icakuti yace yamwiusizyako mutakweti.”

Neemiya 2:4

Umwene ali pakunguzya ati, “Icani fwandi cino wemo ukulonda?” Lyene intala impepa kuli Leza wa kwiyulu,

Masamu 102:15

Antu ya mitundu yuze yalaya ni coopo kuli Yawe, na yamwene ya pano nsi yonsi yaloopa ululumbi lwakwe.

Masamu 136:26

Taizini Leza wa mwiyulu, pano luse lwakwe ulwa pe na pee.

Masamu 137:1

Uku nguzi zyaku Babiloni, twatangi nga twikala pansi twalilanga na minsonzi apa kwiusya Zioni.

Danieli 10:2

Apa nsita ilya walanga ala nkulosya, imilungu itatu.

Danieli 2:18

Lyene Danieli ayakonkomezya kuti yapepe kuli Leza wa kwiyulu kuti aye na mizu kunoyali nu kumulenga kuti ayalondolwele inkama pakuti yatakomwa kumwi na yampandamano amu Babiloni.

Danieli 9:3

Acino napefile ku Mwene Leza, ala nkupapata kunoli, nu kuizilizya, nu kuzwala vizwalo vya ndosya, nu kwikala umwi twi.

Yona 1:9

Nawe aasuka ati, “Nene Muyebulai nga nkapepa Yawe, Leza wa mwiyulu, uwaumvile yayemba ni mpanga kwene ii.”

Zefaniya 3:18

ndi vino antu yakacita apa wanda ukulu. Yawe akuti, “Nemo ntalesile ukuti isyamo lipalame kunomuli, nupya ntalesile ukuti mwemo muzewane foo.

Loma 12:15

Muzange pamwi na yao akuzanga, losyini pamwi na yao akulosya.