Neemiya 1:11 - Amazwi Yakwe Leza 2013

¹¹ Lyene sungala uuvwikisye ipepo lya muomvi wako namapepo ya aomvi yako yonsi yano yatemwa ukucindika izina lyako. Napapata, ungaleka lyene umuomvi wako aye nu longo. Leka nu kuti umuntu wii, umwene Alitakisesi, aye nu luse kuno ndi.” Umu manda yalya ampiti anene kwene nalemelanga umwene ulwako lwakwe waini.

Neemiya 1:11 Kruisverwysings

Utandiko 24:42

“Lino nalinafika pa cifula ilelo, nalinapepa nati, ‘We Yawe, Leza wa musambazi wane Abulaamu, napapata ngazwe kuti nzane cino nkulonda mu ulendo wane.

Utandiko 32:11

Ntuule, napapata ukufuma ku maka ya mwinane Esau. Nuvwa intete zyakuti wiza tuzanza nu kutukoma swensi pyu, kumwi na anaci nu twana kwene.

Utandiko 32:28

Lyene umuntu wilya ati, “Izina lyako litalaya nupya Yakobo, pano watulwisyanya na Leza na antu, nga watucimvya. Caleka izina lyako ndakai waya Izlaeli.

Utandiko 40:1

Uwanda umwi katumikila wa lwako lwakwe waini ku mwene nga nu muze uwapanganga imikate kwisano, iyaluvyanya ku musambazi wao, umwene waku Eguputo.

Utandiko 40:2

Falao asoka pa yaomvi ya oili, mukulu wakwe yakangalila ya lwako lwakwe waini na kapanga wa mikate.

Utandiko 40:21

Lyene Falao awezezya mukulu wakwe yakatumikila ya lwako lwakwe waini pa cifulo cakwe, kuti amuombela.

Utandiko 40:23

Lelo mukulu wakwe yakatumikila ya lwako lwakwe waini atiwisye Yosefu, wamwilile.

Utandiko 41:9

Lyene mukulu wakwe yakatumikila ya lwako lwakwe waini ku mwene anena Falao ati, “Musambazi ndinzile njilongwele vino naluvyanya.

Utandiko 43:14

Si Leza Wamaka yonsi angalenga umuntu wiyo akaye na mizu panomuli, pakuti akamuwezezye munyonko wino wasyala pamwi na Benjamini. Lyene nemo ndi ukufwilwa kwa ana, kaciye vivyo kwene usi mulandu.”

2 Milandu 6:40

“Ale lyene fwandi we Yawe, ungala uvwe amapepo yano twakutuula umu ng'anda ino nu mu ncende yii.”

Ezila 1:1

Umu mwaka wakutandikilapo uwa kuteeka kwakwe Kilusi umwene waku Pesya, izwi lyakwe Yawe lyafikiliziwe lino kasema Yelemiya wavwanzile. Lyene Yawe aleka Kilusi mwene waku Pesya akuntikilwa pakuti anguma imbila mu mpanga yakwe yonsi nu kulemba yakalata umwali amazwi akuti,

Ezila 7:6

Ezila wii atenuka ukufuma ku Babiloni. Wene wali akalemba, nupya inkonkotela yakwe yakasambilizya ya vyalembwa mu mpapulo zyakwe Mose vino Yawe Leza wa ina Izlaeli wayapezile. Kateeka Alitakisesi wamupile vyonsi vino wene walenzile, pano Yawe Leza wakwe wali nawe.

Neemiya 1:6

Fwandi we Yawe kutika, uteye amatwi yako kunotuli. Yula amanso utulolekesye. Uvwa ukupapata kwakwe nene ne muomvi wako lino inkupepela aomvi yako, aina Izlaeli, usiku nu musanya. Nkuilongwela na maifyo itu, swe ina Izlaeli. Nene ne mwisikulu pamwi ni ng'anda yonsi yakwe tata, ala twifya.

Neemiya 2:1

Umu mwezi wakwe Nisani, umwaka uwalenga amakumi yaili akuteeka kwa mwene Alitakisesi, natoozile waini nu kupeela umwene. Wene atatazile alole vino nkuloleka umu undalile.

Neemiya 2:8

Alino na kalata wakuyapeela Asafu, kasunga wa mutengo wa mwene apakuti ace aka mpeele imiti iyakulepula imbao izya kuti ince mpangile impongolo zya Ng'anda ikulu yakwe Leza, ni zi linga lya musumba alino ni zya ng'anda yane kwene. Fwandi vyonsi vivyo umwene wanzumilizye apakuzana ukuti uluse lwakwe Leza lwali nani.

Masamu 106:46

Wene aleka kuti yonsi yaya ayasenzile umu uzya yaye nu luse kunoyali.

Masamu 130:2

We Mwene, utezye ukwi zwi lyane, teya amatwi kuno nkukupapata.

Masamu 61:5

We Leza, ala ivilayo vyane watuvyuvwa, nupya watumpela ni vyaupyanyi vyakwe yalya kwene akakucindika.

Masamu 86:6

We Yawe, sungala uvwe ipepo lyane, uvwe ni nkuuta yane.

Mapinda 1:29

Mwasuuzile ukwiluka, mutakasi nu kutontelela Yawe.

Mapinda 21:1

Yawe aliwe akatungulula imyenzo yakwe yakateeka, wakwe vino akatungulula uluzi nu kulutwala kuno atemilwe.

Yelemiya 42:12

Ndamuyelela uluse pakuti namwe ace amuyelele uluse nu kumuzumilizya ukuswilila ku mwinu.’

Malaki 3:16

Lyene yayo akaoopa Yawe yatandika ukulanzyanya, nga Yawe auvwa kunoyali nu kutezya vino yalandanga. Ulupapulo lwa ciusizyo ilulembwa pa manso yakwe, ulukalanda pali yayo akaoopa Yawe nu kucindika izina lyakwe.

Ayebulai 13:18

Mutwalilile kutupepela. Swemo twasininkizya ukuti myenzo itu ili ningo pano tukalondesya kucita cisuma nsita zyonsi.