Mpendwa 20:12 - Amazwi Yakwe Leza 2013

¹² Nga alino Yawe anena Mose na Aaloni ati, “Pano mwali mwakana ukuzumila ukuti indi na maka akulanga ucindami wane pa manso ya ina Izlaeli, mutalingizya iuvi lii mu mpanga ya ulayo ino nayapeela.”

Mpendwa 20:12 Kruisverwysings

2 Milandu 20:20

Lyene antu kwene yayo iyazyuka katondotondo nu kulungama ku mutengo wakwe Tekoa. Lino yakufuma, Yeosafati aimilila pa mulyango ati, “Tuini tuvwe swe antu aku Yuda na swensi swe ikazi amu Yelusalemu. Tailini Yawe Leza winu, nupya musipe. Tailini yakasema yakwe alino muli nu kucimvya.”

Masamu 106:32

Nupya kwene yalenga Leza ukusoka, uku Meliba nu uyi wao waletelela na Mose kwene,

Masamu 99:8

We Yawe Leza witu, wemo wasukanga antu yako, awewe wayalangililanga ukuti wewe uli Leza wino akaelela antu uluse.

Ezaya 7:9

Impanga yakwe Efulemu yaluta Samaliya, nga Samaliya atalusile umwene Peka. Ndi mutakomile mu utailo winu, cumi mutalazizimizya.’”

Ezaya 8:13

Uwaiusya ndi vino nemo ne Yawe Wamaka yonsi anene sile ndi wamuzilo. Anene sile nenga nemuno ulinzile kukwatila icoopo.

Ezekelo 20:41

Lino ndamufumya mu mpanga muno namusalanginye nu kumukonganika pamwi, alino ndapokelela impolelwa zinu zino mukaoca. Antu amitundu yonsi yalalola ukuti fwandi nene wamuzilo, pano mwemo mulampepa.

Ezekelo 36:23

Ndi cakuti nalanga antu ya mitundu yuze vino nemo naya uwamuzilo, nanti angala mwemo mwandetile insonyi kunoyali, lelo yene yalasininkizya ukuti nene indi Yawe. Ivyalanda ne Yawe Simwandalali. Nupya mwemwe kwene ndaleka mukamanyisye antu ya mitundu yuze ukuti nene ndi wamuzilo.

Ezekelo 38:10

Vii ivyalanda Yawe Simwandalali kuli Gogi, apa wanda ulya, amelenganyo yaliza umu mano yako, nu kuteyanya ulateyanya amapange aipe.

Aina Levi 10:3

Lyene Mose anena Aaloni ati, “Walola! Vii, avili vino Yawe wavwanzile lino watile, ‘Onsi yano yakuntumikila yalinzile kucindika muzilo wane. Ndasokolola ululumbi ku antu yane.’ ” Lelo Aaloni aimilila myaa!

Mpendwa 11:15

Ndi cakuti ali vino ukulonda uncitile, awe lyene cazipa sile nu kunkoma. Uncitila uluse, ngano utanzunyizye nupya.”

Mpendwa 20:24

“Aloni atakutala aingile mu mpanga ino nalavile ukupeela aina Izlaeli. Wene amafwa, pamulandu wakuti mweili kwene mwakanyile ukuyela ilamulo lyane pa kupelwa amanzi ku Meliba.

Mpendwa 27:14

pamulandu wakuti mweili kwene mutayezile ilamulo lyane mu Lwanga lwa Zini. Lino iuvi lyonsi lyailizyanyizye ku Meliba, mwemo mwakanyile ukutaka amaka yane amuzilo pa manso yao.” (Meliba a kafukoka ka manzi ku Kadesyi mu Lwanga lwa Zini.)

Mateo 17:17

Yesu ayanena ati, “Ala! Uzye namaya namwe kufika lilaci? Mwe antu amu mukulo usi na utailo nupya uvulungane! Uzye namamutekelela kufika lilaci? Leta mwana wako mulumendo kunondi.”

Mateo 17:20

Alino nawe aasuka ati, “Apamulandu wakuti mukweti utailo unono.” Cumi namunena vino, “Ndi mukweti utailo nanti unono wa lumbezu lwakwe musunta, munganena umwamba uu muti, ‘Sungutila’ nga nao ulasungutila. Kusi cimwi cino mungaposiwa kucita.” [

Luka 1:20

Lyene ndakai umaya ciulu, nupya utalavwanga kufika nu wanda uno vintu vii vilayako, pano utataile mazwi yane yano alafikiliziwa mu kasita kakweyo.”

Luka 1:45

Walongo awewe wemuno wataila ukuti vino Mwene wakunenyile vilafikiliziwa!”

Yoane 1:17

Pano Leza wapile Masunde ku antu kupitila muli Mose, lelo Yesu Klistu watuletela uwila, cikuku nga ni cumi.

Loma 4:20

Lelo pa kuvwa vino Leza wamulavile atali na kutentengana mu utailo wakwe, nanti kutwisika ulayo wakwe Leza. Utailo wakwe wamukomelizye nga alumbanya Leza.

Malango 1:37

“Pamulandu wakwe mwemwe Yawe wansokile nga avwanga ati, ‘Nanta awewe kwene, Mose, utalingila mu mpanga ilya.

Malango 34:4

Alino Yawe anena Mose ati, “Ikwene ili mpanga ino nalavile Abulaamu, Isaki, na Yakobo ukuti ndaipela ku amu mupanda wao. Natindeka kuti uilolekesye, lelo ntalakuzumilizya ukwingila mwenemo.”

Malango 4:21

Yawe wansokela nene pamulandu wakwe mwemwe, nga alapapo nu mulapo ukuti nemo ntalalamba Luzi lwa Yodani nu kwingila mu mpanga ivunde ino wene akupeela kunomuli.

Yoswa 1:2

“Mose umuomvi wane watafwa. Katuka fwandi lamba Luzi luu lwa Yodani, wewe pamwi na ina Izlaeli yonsi, mwingile nu mu mpanga ino namamupeela.

1 Petulo 3:15

Lelo mukwatile Klistu coopo mu myenzo inu, nupya mwamucindika wa Mwene. Muye aiteyanya lyonsi pa kwasuka umuntu umwi uwamuzya pali vino mukapaalila.