Mpendwa 1:51 - Amazwi Yakwe Leza 2013

⁵¹ Ndi kwaya ukukusya Itaalu, aina Levi angalisambulula aliyo kwene. Nanti kwaya ukulisimpa, aina Levi sile ali nu kucita cico. Muntu muze sile ndi camukumba wapalama kweneko, wene alinzile akomwe.

Mpendwa 1:51 Kruisverwysings

2 Samueli 6:7

Lilyo kwene Yawe asokela Uza pamulandu wakuti wene atapiile umucinzi kunoli. Icaleka amukoma, nga Uza afwa papa kwene umu mbali ya Mbokosi ya Upangano yakwe Leza.

Mpendwa 10:11

Pa wanda uwalenga amakumi yaili, mu mwezi wakwe ciili kwene mu mwaka wakwe ciili, ikumbi ilikatuka lifuma papela yi Taalu lya Ukongano.

Mpendwa 16:40

Cii, cali cakusoka aina Izlaeli ukuti kusi nanti wenga asi uwamu mupanda wakwe Aaloni wino angiza ku kocela Yawe ubani pa kavuwa, pano wene angononwa wakwe vino cacitikile Kola na antu yakwe. Vii vyonsi vyacisilwe wakwe vino Yawe wapeezile ilamulo kuli Eleaza kupitila muli Mose.

Mpendwa 17:13

Fwandi lyene umuntu ali wensi ndi wala wapalama pipi pipi ni Taalu, nu kwemya sile kweneko, ale swensi nu kufwa twafwa!”

Mpendwa 17:5

Alino lyene intuwa ino imalemba, ale izina ililemvilwe penepo ali muntu wino nene nasolola. Vii ali vino nene ne Leza winu namaputula ivikanza ivya kuilizyanya ivili pali mwemwe.”

Mpendwa 18:22

Aina Izlaeli yatalatala yapalamile kwi Taalu lya Ukongano. Ndi cayakumba yacita vivyo, ale yaisumba mwi ifyo nu kufwa yalinzile ukufwa.

Mpendwa 18:3

Fwandi yali nu kukwazwilizya apali pamwi nu kuomba mwi Taalu lyonsi lya Ukongano, cikulu sile yataezya ukulema ku viya vyamuzilo ivya mu Ncende Yamuzilo nanti sile ku kavuwa. Ndi yacita cico, ale lyene yene nga namwe kwene mulafwa.

Mpendwa 18:4

Yali nu kuya pamwi nawe mu kusunga Itaalu lya Ukongano nu mulimo uli onsi uwa mwi Taalu. Umuntu wasilesile atange apalame aombe pamwi namwe.

Mpendwa 18:7

Fwandi wewe sile pamwi na ana yako aonsi muce mwaomba umulimo wakwe usimapepo. Mwasakamala kavuwa na vyonsi ivyaya mu Ncende Yamuzilo. Muce mwaomba umulimo uli onsi wakwe usimapepo. Lelo umuntu wasilesile ndi wapalamila kweneko, alafwa.”

Mpendwa 3:10

Ali cino uce uwasonta sile Aaloni na ana yakwe ukuomba umulimo wa usimapepo. Muze wino alezya ukuomba umulimo uwo alinzile kukomwa.”

Mpendwa 3:38

Mose na Aaloni na ana yakwe yalinzile kukuula insakwe zyao lwaku ufumondaka wi Taalu lya Ukongano. Yene yapilwe umulimo wa kuwaka imilimo yonsi ino ikacitika mu Ncende Yamuzilo ikumile aina Izlaeli.

1 Samueli 6:19

Yawe wakomile aonsi yamwi aina Beti Syemesyi amakumi cinimbali, pamulandu wakuti yene yasungamile mu Mbokosi ya Upangano yakwe Yawe. Fwandi antu pali pakulosya pamulandu wakuti Yawe wakomile antu aingi sana munoyali.