Milimo 1:5 - Amazwi Yakwe Leza 2013

⁵ Yoane wawatizyanga na manzi, lelo kwasyala manda yanono lino mwemo mulawatiziwa na Mupasi Wamuzilo.”

Milimo 1:5 Kruisverwysings

Yowelo 3:18

“Mu wanda ulya, imyamba ilazwa waini umupya, nga nu twamba tonsi tulapongolola iziya, nga nu tunguzi twamu Yuda tulakonkoloka amanzi. Akafukoka kalafukoka amanzi mu ng'anda yakwe Yawe nu kutapilila cifoloma ca Sitimu.

Mateo 3:11

Nemo nkumuwatizya na manzi kulanga ukuti mwati muzenzuka, lelo wino akwiza pacisila cane wene uwa maka kunduta. Ntaine kusenda ndyatu zyakwe. Wene alamuwatizya na Mupasi Wamuzilo nu moto.

Mateo 3:6

Yene yailongwelanga maifyo yao, nga nawe ayawatizya mu luzi lwa Yodani.

Mako 1:8

Nemo nkumuwatizya na manzi, lelo wene alamuwatizya na Mupasi Wamuzilo.”

Luka 3:16

Caleka Yoane anena yonsi ati, “Wino akwiza pacisila cane wene uwa maka kunduta. Ntaine kwinama nu kusapula mikonda ya ndyatu zyakwe. Nemo nkumuwatizya na manzi, lelo wene alamuwatizya na Mupasi Wamuzilo nu moto.

Yoane 1:26

Yoane nawe ayaasuka ati, “Nemo nkuwatizya na manzi, lelo pali wenga akwimilila munomuli wino mutalooka.

Yoane 1:31

Nani ntamumanyile. Uli mulandu uno niza nkuwatizya na manzi kuti aina Izlaeli yangamumanya.”

Yoane 1:33

Nemo ntamanyile ukuti ali wikwene. Lelo Leza wino wantumile kuti nawatizya antu na manzi, wanenyile ati, ‘Ulalola Mupasi Wamuzilo akwika nu kwikala panoli. Yesu kwene wii ali wino alawatizya na Mupasi Wamuzilo.’

Milimo 10:45

Ayuda yano ataila, aizile na Petulo kufuma ku Yopa yazunguka pa kulola vino na Akulukuwa kwene yapokelela uwila wa Mupasi Wamuzilo.

Milimo 19:4

Paulo ati, “Uluwatizyo lwakwe Yoane lwali ulwakwe yao azenzukanga. Yoane wanenyile aina Izlaeli ukutaila muli wenga uwali nu kwiza pacisila cakwe, kuli kuti, muli Yesu.”

1 Kolinto 12:13

Mu musango uli onga kwene, swensi kwene, Ayuda nanti Akulukuwa, azya nanti antungwa, twawatiziwe na Mupasi Wamuzilo ali umwi kwene kuti tuye mwili onga. Nupya swensi twapokelela Mupasi Wamuzilo wenga kwene.

Tito 3:5

wene watutuuzile. Citali apamulandu wa vicitwa visuma vino twacita, lelo apamulandu wa mizu yakwe umwisikulu acino watutuulile. Wacisile cii pa kutufula mu maka yakwe Mupasi Wamuzilo, wino uwatulenga kuvyalwa cipya cipya nu kutandika umi upya.