Milimo 1:3 - Amazwi Yakwe Leza 2013

³ Pacisila cakuzyukuka kufuma ku mfwa, walolike kunoyali maila aingi pa manda makumi yani, mu misango ino yasininkizyanga kunoyali vino wene umumi. Walolike kunoyali nga nu kulandana nao pamulandu nu Wene wakwe Leza.

Milimo 1:3 Kruisverwysings

1 Yamwene 19:8

Eliya nawe akatuka alya nga amwa na manzi. Ivyakulya ivimupeela amaka akupita apa manda amakumi yani, asuka afika nu ku Mwamba wa Holebu, umwamba wakwe Leza.

Mateo 21:43

“Caleka namunena vino isyuko lya kuya mu Wene wakwe Leza lilapokwa kufuma kunomuli nu kupelwa ku antu yauze, yano alacita milimo ino akalonda.” [

Mateo 28:9

Mukupumikizya Yesu ayakomanya, ayanena ati, “Mutende uye namwe.” Alino nao yamupalamila, yalemelela ngazo zyakwe, yamupepa.

Mateo 3:2

akuti, “Zenzukini, pano Wene wa mwiyulu wati upalama pipi.”

Mateo 4:2

Lelo Yesu atalile nanti kamwi manda makumi yani, musanya nu usiku. Pacisila auvwa inzala.

Mako 16:19

Pacisila lino Mwene Yesu wavwanga kunoyali, asendwa kwiyulu kupela, aikala kwi kasa lilunji lyakwe Leza.

Yoane 20:26

Pacisila ca manda cinani, alondezi yakwe pali pamwi na Tomasi nupya yali mukasi ka ng'anda. Alino Yesu aiiza aimilila pakasi kao, ala ni milyango yatifiikilwa, nga ayanena ati, “Mutende uye namwe.”

Yoane 21:1

Pacisila cakwe cii, Yesu aloleka nupya ku alondezi yakwe pali yemba wa Tibelyasi. Kuloleka kwakwe kwacitike ndi vii.

Yoane 21:14

Lii, lili ila lyakwe citatu lino Yesu walolike ku alondezi yakwe pacisila ca kuzyukuka kufuma ku afwe.

Milimo 13:31

nga na pa manda aingi walolike kuli yao apitanga nawe kufuma ku Galile kuya ku Yelusalemu. Ndakai yakwene ali yakambone yakwe ku ina Izlaeli.

Milimo 19:8

Lyene Paulo aya mu ng'anda ya mapepo ya Ayuda, nga pa myezi itatu avwanga ku antu nu kupama ala akwezya na maka ukuyatonsya pamulandu wa Wene wakwe Leza.

Milimo 28:23

Caleka yuvwana na Paulo uwanda wakukongana, na pa wanda kwene uo iiza aingi ku ng'anda kuno Paulo wikalanga. Kufuma katondo kufika nu usiku Paulo ayalondolwela nu kuyanena ilandwe lya Wene wakwe Leza. Aezya kusininkizya kunoyali pali Yesu kupitila mu kuwelenga ivyalembwa mu Masunde yakwe Mose nga ni mpapulo zyakwe yakasema.

Milimo 28:31

Wakosolanga pamulandu wa Wene wakwe Leza nu kusambilizya ivya pamulandu wa Mwene Yesu Klistu, ala akulanda nu kupama ukwaula umwi uwakumulesya.

Milimo 8:12

Lelo lino yataila kukosola kwakwe Filipo pi Landwe Lisuma lya Wene wakwe Leza nga na pi zina lyakwe Yesu Klistu, yawatiziwa onsi, aonsi na anaci.

Loma 14:17

Mu Wene wakwe Leza cintu cikulu asi kulya nanti kumwa, lelo kucita vyawololoke, mutende nu luzango, vino vikapelwa na Mupasi Wamuzilo.

Malango 9:18

“Lyene nupya kwene impona pansi ala mfupime pa manso yakwe Yawe pa manda amakumi yani, musanya nu usiku. Ntalile cakulya nanti kumwa amanzi, pamulandu wi ifyo lino mwemo mwacisile, apakucita inkota pa manso yakwe Yawe nu kumulenga kusoka.

Malango 9:9

Lino nakwezile ku mwamba ku kupokelela vipampa vya mawe ivya upangano uno Yawe wacita namwe, ali lino natenzi pa mwamba amanda amakumi yani, usiku nu musanya. Ntalile icakulya nanti kumwa amanzi.

Kolose 1:13

Leza watukulula nu kutufumya mu maka yakwe Ciwa ni mfinzi nga watuleta mu Wene wa Mwana wakwe mukundwe, wino

1 Tesalonika 2:12

Swemo twamukomelizye, twamutekizye myenzo nu kutwalilila kumupapata kwikala umi uno ukazanzya Leza, wino uwa mwama kuti mukumeko ku Wene nga nu lulumbi lwakwe.

1 Yoane 1:1

Twamulembela pali wiyo akaamwa ukuti Izwi likapela umi, wiyo uwaliko kufuma ku utandiko, wino tuvwile, nupya wino twaweni na manso itu. Endi twamulolekisye, nupya twamukumizye ni minwe itu.