Mateo 5:12 - Amazwi Yakwe Leza 2013

¹² Mwazanga cuze. Pamulandu wakuti cilambu cinu mwiyulu icikulu. Pano vivyo kwene avino yazunyanga na yakasema yano amukolelile.

Mateo 5:12 Kruisverwysings

Utandiko 15:1

Pacisila ca vintu vii Yawe aloleka kuli Abulamu mu cilolwa, nga amunena ati, “Utuvwa intete, Abulamu, kunuli indi wa cisyangu cakukucinga. Ndakupeela uwila ukulu cuze.”

1 Yamwene 18:13

Uzye watala uvwa ukuti lino Yezebele wakomanga yakasema yakwe Yawe nemo nafisile yakasema yamwi umwanda onga mu macele? Umwi cele lyonga mwali yakasema amakumi yasano, nu mulyuze namo amakumi yasano. Nupya anene nayatwalilanga ivyakulya na manzi.

1 Yamwene 18:4

Lino Yezebele wakomanga yakasema yakwe Yawe, Obadiya watozile yakasema yamwi ukulingana nu mwanda onga nga ayafisa mu macele yaili. Wene wafisile yakasema amakumi yasano mwi cele lyonga, nayauze amakumi yasano ayafisa mwi cele lyuze, nga ayapeela ivyakulya na manzi.)

1 Yamwene 19:2

Fwandi Yezebele muka Aabu nawe pali pakutuma inkombe kuli Eliya kuti zikamunene ziti, “Icumi nalapa yakatai yandepule! Mutondo pa nsita ndi ikwene, indi nu kucita kuli wewe umusango uli umwi kwene nga uno wacitile yakasema.”

1 Yamwene 21:20

Lino Aabu walola Eliya, avwanga ati, “Uzye wanzanikizya we mwanisi wane we?” Eliya aasuka ati, “Ee, natinkuzanikizya, watuyelezya sana ukucita vya winyi pa manso yakwe Yawe.

1 Yamwene 22:8

Aabu aasuka Yeosafati ati, “Akunoli umuntu umwi wino angatuuzizya kuli Yawe, lelo namupata pano wene atatala ansemela cimwi icisuma. Lyonsi kwene akansemela sile amasyamo. Wene a Mikaya umwana umonsi wakwe Imila.” Yeosyafati nawe aasuka ati, “Umwene atalinzile kuvwanga vivyo.”

2 Yamwene 1:9

Alino umwene atuma mukalamba wa vita wenga pamwi ni vita amakumi yasano, kuti vikasende Eliya. Mukalamba wa vita wilya ali pakuyazana Eliya ala ali pa mwamba papela. Ali pakumunena ati, “We muntu wakwe Leza, umwene akuti ika.”

2 Milandu 16:10

Cii calenzile kuti umwene Asa asokele kasema cakuti amwika umu ng'anda yaminyololo. Kufuma lilyo kwene umwene Asa atandika kuteeka antu uluku uluku.

2 Milandu 36:16

Lelo yene yasulanga yakasema yayo nu kuyaseka. Lyene umukuya manda Yawe wasuka wasoka, icakuti lyene pasi pano yangafyukila.

Neemiya 9:26

Lelo antu yako yene yakusangukile yakana uku kuyela. Yafutatila na masunde yako. Yakomola na yakasema yao ayaceulanga, apakuti yangawezya amano kunuli. Yene yavwanzile amazwi ya miponto kunuli.

Masamu 19:11

Ali muno ne muomvi wako inkapula amano nu kuyawaka. Umu kuyalondela ali muno ndapokelela ni cilambu icikalamba.

Masamu 58:11

Yakaifya yene yalati, “Ee kwene icacumi asuma yalambulwa, mu cumi, kwaya Leza wenga akapingwila insi.”

Mapinda 11:18

Umuntu mwipe akalipilwa utumalipilo twamu usomvi, lelo kacita wa vyaololoke wene akapokelela ukulingana ni cilambu ca milimo yakwe.

Ezaya 3:10

Antu akacita ivyaololoke yene cilayazipila. Yalailyokezya ivizao vya milimo yao.

Yelemiya 2:30

Lino namuvunuka, ala naicuzya sile pano mutapokelile isunde. Impaanga zinu azino zyakomola yakasema yinu, kwati a yacisama aononyi.

Yelemiya 26:8

Walanga lino namala kulanda vyonsi vino Yawe wanenyile kunena antu, yasimapepo, yakasema na antu yonsi yandemile nu kunena yati, “Kuufwe!

Yelemiya 37:14

Yelemiya nawe aasuka ati, “Ufi, wasomba sile. Nemo insi ku lusansa lwa ina Babiloni. Lelo Iliya wene akana kumuzumilizya, nga amulema amutwala ku makombe.

Mateo 16:27

Pano Mwana wa Muntu aliiza pali pamwi na angeli yakwe mu lulumbi lwakwe Isi. Lyene alalambula nanti kuvunuka cila muntu kulingana ni vicitwa vyakwe.

Mateo 6:16

“Nupya lino mukuizilizya ukulya mutaya wa asomvi, akanyomeka mausyu yao pakuti antu yamanye vino yati yaizilizya ukulya. Cumi namunena nati, yene yapokelela cilambu cao.

Luka 13:34

“Mwe antu amu Yelusalemu, Yelusalemu! Mwakoma yakasema nu kutama na mawe inkombe zino Leza watuma kunomuli. Amaila yanga yano nalondanga kumufukatila, wakwe vino nyinankoko akafukatila ana mu maapa yakwe, lelo mutanzumilizya!

Luka 6:23

Ndi ci cacitika mwazanga cuze nu kucina, pamulandu wakuti cilambu cinu cino casungwa mwiyulu icikulu. Pano vivyo kwene avino ni vikolwe vyao vyacisile na kuli yakasema.

Luka 6:35

Lelo temwini anisi inu nu kuyacitila visuma. Nupya mwakongwesya kwaula kupaalila kupokelela cimwi kunoyali. Lyene mulakwata icilambu cikulu, nupya mulaya ana yakwe Leza uwa papelapela. Pano wene akacita visuma kuli yano asitaizya na aipe kwene.

Milimo 16:25

Pa nsita imwi, manye usiku pakasi, Paulo na Sailasi yapepanga nu kwimba inyimbo kuli Leza, na anyepwe yauze yakutikanga kunoyali.

Milimo 5:41

Atumwa nao yafuma mwi Tengo, yazanga cuze, pano Leza wayapendile kuya alinge kusulwa pamulandu wi zina lyakwe Yesu.

Loma 5:3

Pasi pali cico sile cino tukailumbilapo lelo na pa macuzi itu kwene, pano twamanya vino ucuzi ukaleta kuposya

1 Kolinto 3:8

Pasi kupusana pa muntu akata imbezu nga na wino akazikontelela manzi. Leza alalambula cila wenga uwa munotuli kulingana ni milimo ino waomba.

2 Kolinto 4:17

Macuzi itu angupale ansita inono, lelo yakatuletela lulumbi lukulu kuluta pa macuzi nupya ulwa pe.

Filipi 1:29

nupya wene wamupeela isyuko lya kutumikila Klistu asi kukwata sile utailo munoli, lelo nu kumuculila.

Filipi 2:17

Utailo winu mu Mwene nga nu kuomba kwinu vikoline wa mpolelwa iyapeelwa kunoli. Nu wazi wane ungapongolwelwa pa kupeela impolelwa. Cii ndi cacitika, ndazanga nu kusansamuka pamwi namwe.

Kolose 1:24

Ndakai indi nu luzango pamulandu wa kuculila mwemwe. Pano kupitila mu kucula kwane kwaku mwili nemo nkwazwilizya kumalila kucula kwakwe Klistu ukwasyalapo pamulandu wi uvi, lili mwili wakwe.

Kolose 3:24

Mwiusye ukuti Mwene alamupeela icilambu, na cico upolelelo uno wasungila antu yakwe. Pano mucumi Klistu ali Musambazi wino mukatumikila.

1 Tesalonika 2:15

Ayuda ayano yakomile Umwene Yesu na yakasema, nga nu kutuzunya. Leza asyazangila muli vino yakacita, nga antu kwene yaa yapusana na auze onsi!

Ayebulai 10:34

Mwemo mwakumileko ku kucula pamwi na anyepwe. Nalino yamuposile vyuma vinu vyonsi, mwemo mwacipokelile ni nsansa, pano mwamanyile ukuti mucikweti cuma cisuma cuze cino cikaikalilila manda pe.

Ayebulai 11:26

Wene welenginye ukuti kusulwa pamulandu wakwe Mesiya kwacindama kuluta vyuma vyonsi vyamu Eguputo, pano wene walolekesyanga pa cilambu cilapelwa mu manda akwiza.

Ayebulai 11:33

Mu utailo amuno yene yalwisizye nu kucimvya impanga zyuze. Yene yacisile visuma nga yapokelela vino Leza wayalavile. Yene yayazile milomo yakwe yacisama,

Ayebulai 11:6

Kusi umwi angazanzya Leza kwaula kukwata utailo. Pano wino wensi akaiza kuli Leza alinzile ataile ukuti Leza akuno waya nupya akalambula yao akamulondalonda.

Yakobo 1:2

Inane, mwelenganye ukuti mwemwe yasyuke lino kweziwa kwa misango yonsi kwiza pakasi kinu.

Yakobo 5:10

Inane, iusyini yakasema yano avwanzile mazwi lino Umwene wayatumile. Lekini kuteeka kwa myenzo kuno yakweti na macuzi yao viye cilangililo kunomuli.

1 Petulo 4:13

Lelo zangini pano mukukumako ku macuzi yakwe Klistu, kuti muce muye nu luzango cuze lino alaloleka mu lulumbi.

Luti 2:12

Si Yawe angala akulambule sile pali vino wacita. Si Yawe, Leza wa ina Izlaeli angala akulambule, wino watuwiza ku kuzina munoli.”