Mateo 11:5 - Amazwi Yakwe Leza 2013

⁵ Impafu zikulola, vilema vikupita, yakwe tembwe yakupoziwa, yacipuuli yakuuvwa. Afwe yakututululwa, ni Landwe Lisuma likukosolwa ku apina.

Mateo 11:5 Kruisverwysings

2 Yamwene 5:14

Naamani ali pakuya uku luzi lwa Yodani, aitimpika mwenemo amaila cinimbali, wakwe muno Elisya walandile, nu kupola apola. Umwili wakwe Naamani iutelepa sile ningo, kwati akanya akacivyalwa, ali vino wene aswefiwa.

2 Yamwene 5:7

Lilyo kwene lino umwene waku Izlaeli wamala kuwelenga kalata wilya, alepola ivyakuzwala vyakwe nga avwanga ati, “Uzye umwene waku Asilya angapaalila uli ukuti nemo ningapozya umuntu wi? Uzye wene akwelenganya ukuti nene indi Leza, wino uwakwata amaka ya kupeela umi ni mfwa? Caloleka apaswe ukuti wene akasi sile kuti twalemanila.”

Masamu 146:8

Yawe akapeela impafu amanso, nu kukatusya yayo apona.

Masamu 22:26

Apina yalalya pano yatemilwe aeneco, na yano yakalonda Yawe nayo yalamulumbanya. Si angala yaye nu longo amanda pe!

Kufuma 4:11

Yawe auzya Mose ati, “Uzye aweni akapeela umuntu mulomo? Uzye aweni akalenga kuti umuntu aye ciulu nanti cipuuli? Uzye aweni akalenga kuti umuntu alola nanti aye impafu? Uzye asi anene ne Yawe?

Ezaya 29:18

Mu wanda ulya yacipuuli yalauvwa kuno yalawelenga ulupapulo longa. Ni mpafu zino pa manso pafita fititi, nazyo lyene zilalolekesya.

Ezaya 29:19

Antu yasilesile kumwi na alanda, yalasyukila insansa wakwe cimwi, zizyo zino Leza Wamuzilo wakwe Izlaeli akapeela antu.

Ezaya 43:8

Leza wavwanga wati, “Konganikini antu yane kwi tengo. Yene yakwata amanso, lelo yasilola. Yene yakwata amatwi, lelo yasiuvwa.

Ezaya 66:2

Pano vyonsi vii, anene navicisile ni minwe yane! Vyonsi vivyo ivyakwane, lelo nemo nkaikisya amano yane ku muntu muicefye, nu wazenzuka mu mwenzo, wiyo akaoopa izina lyane, akantumikila, ali wino nemo nasumbako amano. Ivyalanda Yawe.

Zakaliya 11:7

Fwandi yayo akalanga imfwele nu kuzikazya, nemo ne Zakaliya yandemvile incito, nani ali pakuyacemela imfwele zizyo zino yali nu kukoma. Nakweti intuwa ziili, yonga nayamanga inti “Cikuku” ni yuze inti “Kulemana”. Awe nani ali pakuwaka imfwele zizyo.

Mateo 10:8

Pozyini alwale, tutululini afwe, pozyini yakwe tembwe, mufumye ni mipasi yankota. Mwapelwa amaka yakucita vii uwila, caleka namwe kwene kacitilini antu uwila.

Mateo 11:4

Yesu ayanena ati, “Pitini mukanene Yoane vintu vino mukuuvwa nu kulola.

Mateo 12:13

Lyene anena umuntu ati, “Ololola cizanza cako.” Nawe aololola, nga ciya icipuma nupya, wakwe vino cuze cali.

Mateo 21:14

Impafu ni vilema iiza kunoli, ku Ng'anda ikulu yakwe Leza, nga nawe ayapozya.

Mateo 5:3

“Alongo antu yano mu myenzo yao yakailola vino yene apina. Pano Uwene wa mwiyulu uwakwao.

Mateo 9:30

Alino yatandika kulola. Lyene Yesu ayapeela ilamulo kuti yatanena umuntu nanti umwi.

Mako 7:37

Na yonsi acuvwile yazunguka cuze yati, “Akucita vintu vyonsi ningo! Akulenga yacipuuli yauvwa na yaciulu yavwanga!”

Mako 9:25

Yesu alola iumba likupalamila kunoyali. Alino akalipila mupasi wankota ati, “We mupasi wankota wakwe ucipuuli na uciulu, nakunena kuti ufume mu mulumendo nupya utakaswilile munoli.”

Luka 4:18

“Mupasi wa Mwene uli panondi, pano watampela maka kuti nkosole Ilandwe Lisuma ku apina. Wantuma ku kusapula anyepwe nu kuleka impafu kuti zyalola, nga nu kwiza kulula yano atitikiziwa,

Yoane 10:25

Yesu aasuka ati, “Nati munena, lelo mutataile vicitwa vino nkacita mwi zina lyakwe Tata. Vyene vikapeela umboni pali nene.

Yoane 10:38

Lelo ndi nkuvicita, nanti mutantaile, mulinzile kutaila nanti vicitwa vyane, kuti mumanyile limwi vino Tata nani twaya wenga.”

Yoane 2:23

Lino Yesu acili mu Yelusalemu mu manda ya kuzevya Cimulo ca Ucilo, aingi yataila munoli lino yalola vilangililo vino wacitanga.

Yoane 3:2

Wene waile kuli Yesu usiku, amunena ati, “Kasambilizya, twamanya vino wewe Kasambilizya wino wafuma kuli Leza. Pano pasi umuntu angacita vilangililo vino wemo ukacita, suka Leza ali nawe.”

Yoane 5:36

Umboni uno nkweti ulusile umboni wakwe Yoane. Pano milimo ino Tata wampeela kuti malile iili milimo ino nkacita. Milimo kwene ii, ikapela nu umboni wakuti Tata uwantuma.

Yoane 9:7

nga amunena ati, “Yanga kafulale mu ciziya ca Siloamu.” Izina lii likasenula ukuti (“Waatumwa”.) Caleka umuntu apita, aya fulala pa manso, nga awela akulola.

Milimo 2:22

“Mwe ina Izlaeli, uvwini mazwi yaa. Yesu uwaku Nazaleti umuntu wino Leza watumile kuli mwemwe, walangililwe mu vinjelengwe, mu vizungusyo, nga nu mu vilangililo vino Leza wacisile kupitila munoli. Mumanyile vii vyonsi, ukuti ivya cumi pano vyacitike.

Yakobo 2:5

Uvwini, mwe inane yakundwe! Leza wasolwile apina amu nsi ii kuti ayacite akama mu utailo nga kuti yakumeko ku wene uno walavile yao amutemwa.