Mateo 1:16 - Amazwi Yakwe Leza 2013

¹⁶ Yakobo wali a isi wakwe Yosefu, iya wakwe Maliya u waviile Yesu wino akaamwa ukuti a Klistu.

Mateo 1:16 Kruisverwysings

Mateo 1:15

Eliudi wali a isi wakwe Eleaza, Eleaza wali a isi wakwe Matani, Matani wali a isi wakwe Yakobo,

Mateo 16:16

Simoni Petulo nawe aasuka ati, “Wewe Katuula uwalavilwe, Mwana wakwe Leza uwa umi.”

Mateo 16:20

Lyene apeela ilamulo ku alondezi yakwe kuti yatanena umuntu nanti umwi vino wene ali Katuula uwalavilwe.

Mateo 2:13

Lino antu yamano yaswilila kumwao, mungeli wa Mwene aloleka kuli Yosefu mu ciloto amunena ati, “Katuka, senda mwana na nyina utukila ku Eguputo. Kikale kweneko kufika lino ndakunena, pano Helodi amalondelezya ukuli mwana wiyo kuti amukome.”

Mateo 27:17

Caleka lino iumba lyakongana, Pilato ayauzya ati, “Uzye mukulonda kuti musapwile weni? Uzye a Balaba nanti a Yesu wino akaamwa ukuti Klistu?”

Mateo 27:22

Pilato ayauzya ati, “Uzye lyene namacita uli pali Yesu wino akaamwa kuti Klistu?” Onsi yaasuka yati, “Atanwe pa lupanda!”

Mako 6:3

Uzye wii, asi akawaza wa mbao, mwana wakwe Maliya? Uzye wii, asi mwina wakwe Yakobo, Yosefu, Yuda, na Simoni? Uzye yakaci yakwe yasiikala kuno mwitu?” Alino yamukana.

Luka 1:27

Mungeli wii wasenzile ilandwe ku mukazyana umwi atamanyile umonsi, uwataisiwe nu monsi wi zina lyakwe Yosefu, uwamu luko lwakwe Davidi. Ni zina lya mukazyana wilya wali a Maliya.

Luka 2:48

Akwasi yakwe lino yamulola yazunguka cuze, lyene nyina avwanga kunoli ati, “Mwana we, uzye pacani cino wacitila icintu ci kunotuli? Lola so nani twali asakamikwe cuze lino twakulondanga.”

Luka 2:7

Wavile umwana umonsi iyeli, amufupa mu nsalu nga amulalika mu mulangu pano mutali ncende mu ng'anda ya enyi.

Luka 3:23

Yesu wali ni myaka makumi yatatu lino watandike kuomba incito yakwe. Antu yelenginye ukuti wene umwana umonsi wakwe Yosefu, wino wali mwana wakwe Heli,

Luka 4:22

Antu yonsi yavwanga visuma vya pali aliwe, nga yazunguka pa mazwi asuma yano wavwanzile. Yavwanga yati, “Uzye wii asi mwana wakwe Yosefu?”

Yoane 4:25

Mwanaci nawe amunena ati, “Namanya vino Katuula uwalavilwe aliza nga lino wiza alatunena vyonsi.”