Masamu 74:2 - Amazwi Yakwe Leza 2013

² Si iusya antu yako yano we mweneco waisololwile mpiti, yene ali antu yano wakulwile apakuti yaye umutundu wako. Iusya nu Mwamba wa Zioni, uno wikalanga mwenemo!

Masamu 74:2 Kruisverwysings

Masamu 106:40

Caleka Yawe asokela antu yakwe, nga wene yali wa cintu camuselu kunoli.

Masamu 135:4

Pano Yawe waisolwela Yakobo kuti aye uwakwakwe, wacita Izlaeli ukuya icuma cakwe.

Masamu 33:12

Wasyuka umutundu uo uno Yawe wasolwile. Ukuya ali Leza wao, yano wasolwile ukuya icuma cakwe.

Masamu 68:16

Icani fwandi cino intonje zyako zingazyulukila umwamba uo? Umwamba uno Leza umweneco waisolwela ukuti angaikala penepo! Ali pano Yawe umweneco amaikalanga pee na pee!

Masamu 77:15

Uku maka yako sile, ali kuno wapuswisye antu yako yamwana Yakobo na yamwana Yosefu

Masamu 9:11

Imbilini nyimbo zyakulumbanya Yawe, wiyo uwikala umu Zioni. Landilini ainamasi ivicitwa vyakwe.

Masamu 9:12

Wene akaiusya yao akucula, atange ailile uku mpooma zyao, nupya aliwe akayalandwila kuli yano yakayaifya.

Masamu 94:14

We Yawe, utange utazyele antu yako, utange usumbe antu ali yakwako mpo.

Kufuma 15:13

Watutungulula antu yako yano wapuswisye ku anisi yao mu lukundo lwako ulusikaoka. Ku maka yako wayatungulula ku mpanga yamuzilo.

Kufuma 15:16

Intete zikulu cuze yonsi zyatiziyalema Yene yalola amaka yako wene Yawe nga iyapeziwa amano ku ntete. Yene yikala sile cele mpaka antu yako yapuzya, antu yano wakulwile mu uzya.

Ezaya 51:11

Fwandi antu yano wakulwile yalasuka yawele, umu musumba wa Yelusalemu. Yaliza ale yakwimbila inyimbo, yakumila nu tupundu. Yalasansamuka pee, yatalatala nupya yaye inkumba ulili foo, nupya kutalaya nantu ukucula.

Ezaya 62:12

Yalaama umutundu wamuzilo yati, “Akululwa yakwe Yawe.” Nawe yalakwama yati, “Umulondwe, Umusumba Utalatazyelwa.”

Ezaya 62:6

Nemo ne Yawe, namaika yakalinda pa malinga yako. Nayo yataezya ukwikala cele usiku nu musanya. Yalinzile ukunjiusya apakukana ilila vino namulaya.

Ezaya 63:17

Uzye lyene pacani cino watutuleka kuti twapumba umu nzila zyako? Uzye pacani cino watuleka kuti tuye aumalale, twakana nu kukoopa? Weluluka, ungala sile ulolekesye aomvi yako yano yakakutumikila, yano yaya antu yakwako sile.

Ezaya 63:9

uku macuzi yao yonsi. Kusi inkombe imwi nanti umungeli ali wensi, uwatayapususya kweneko foo. Suka sile Yawe wenga ali wino wayapuswisye. Ukufuma nu ku mpiti ali wino wayapususyanga nu kuyasunga lyonsi.

Yelemiya 10:16

Leza wakwe Yakobo atakoline nato. Wene uwaumvile ivintu vyonsi. Nupya aliwe kwene wasolola aina Izlaeli kuti yaye antu yakwe kololo. Izina lyakwe a Yawe Wamaka yonsi.

Yelemiya 51:19

Wiyo wino waya icuma cakwe Yakobo wene atakoline nato, awe. Pano wene ali kaumba wakwe vyonsi, ukwikapo nu mutundu wa Izlaeli, caupyanyi cakwe. Izina lyakwe a Yawe Wamaka yonsi.

Milimo 20:28

Caleka muisunge mweisikulu, musunge nu ufyo uno Mupasi Wamuzilo wamwika kuya angalizi. Muye yakacema aiuvi lyakwe Leza, lino wacisile ukuya ilya kwakwe ukupitila mu mfwa ya Mwana wakwe.

Malango 32:9

Pasi pano Yawe wasolwile antu yakwe, amu mutundu wakwe Yakobo ali caupyani cakwe.

Malango 4:20

Lelo mwemo, Yawe wamutozile amufumya mu mpanga ya Eguputo, muno mwali kwati umwi lungu lya moto. Aliwe wamufumizye pakuti mungaya antu yakwe kololo, wakwe vino muli apilelo.

Malango 9:26

Nga nani napefile inti, ‘Iye, we Yawe Simwandalali, utezya wonone antu yako, antu yako kololo yano wakulwile nu kuyafumya mu Eguputo ku ulamba na maka yako akulu.

Malango 9:29

Lelo yene antu yako, akwako kololo yano wafumizye mu Eguputo ku maka yako akulu nu ulamba.’

Tito 2:14

Wene waipile umwisikulu pamulandu witu, kuti atukulule kufuma ku nkota zyonsi nu kutucita asanguluke nupya akwakwe wenga sile, nga nu kuleka kuti tuye nu muzonda wakucita visuma.

Umbwilo 5:9

Yene imvile lwimbo lupya yati, “Wemo wazipilwa kutoola lupapulo nu kulematula vimanyililo vyakwelo. Pano wemo wakomilwe, nupya mu mfwa yako amuno wakalile Leza antu kufuma mu mitundu, ni ndimi, ni nko, nga ni misango ya antu yonsi.