Masamu 74:1 - Amazwi Yakwe Leza 2013

¹ We Leza, icani cino watutazyelela vii? Uzye kwene antu yako we mweneco, ali yano ungakwatila icipyu vii, lyonsi?

Masamu 74:1 Kruisverwysings

2 Yamwene 21:14

Antu aalapusunsuka mwenemo, ndayatazyela icakuti anisi yao yalayacuzya wakwe cimwi. Yalacimviwa nu kupokwa impanga yao.

Masamu 10:1

We Yawe, uzye pacani cino uyelile kutali naswe? Uzye pacani cino waifisa apa nsita ino tuli umu ntazi?

Masamu 100:3

Manyini ukuti Yawe ali Leza. Aliwe uwatuumvile, nga sweswe akwakwe. Sweswe antu yakwe, imfwele zya ufyo wakwe.

Masamu 18:8

Umu mpuno zyakwe imwasuka ni cunsi, mukanwa kakwe namo imufuma icimbilimbili ca moto, icikaisye icinyesula nu munyeswa.

Masamu 42:11

Uzye pacani fwandi cino nikalile ulanda ulanda vii? Icati cinsakamalika vii icani? Awe nemo nkanataila sile muli Leza, nupya kwene ali wino nemo namawanzyanga, katula wane na Leza wane.

Masamu 42:9

Nkunena we Leza, we ciliwe cane, awewe nkunena nati, “Uzye pacani cino wantazyelela? Uzye pacani cino ningatwalilila ukupita umukutumale pamulandu sile ni zunya lya anisi yane?”

Masamu 44:9

Lelo kwene pali ndakai, awe cumi Leza watututazyela. Watuleka ukuti yatucimvya, watuta nu kupita pamwi ni vita vitu.

Masamu 50:1

Yawe Leza Wamaka yonsi, awiyo wavwanga, walaizya insi yonsi, ukutandikila sile uku ufumondaka, ukufika nu ku uwondaka.

Masamu 60:1

We Leza, watutazyela, nu kutusya apa lwalala. Watutusokela, awe cumi ungala uwele kunotuli!

Masamu 60:10

Uzye kwene umolimo Leza watututazyela? Uzye kwene usikwiza uye naswe ni vita vitu?

Masamu 77:7

“Uzye Yawe amankananga lyonsi? Uzye atalaswilizya ukundolekesya pe luse luse?

Masamu 77:8

Uzye lyene wata ukutemwa? Uzye lyene ulayo wakwe utaciomba?

Masamu 78:1

Mwe antu yane uvwini amasunde yane, teyini amatwi kuli vino namamunena.

Masamu 79:13

Lyene ale naswe swe antu yako, swe mfwele zyako, tumakuwanzyanya pee, nu kukulumbanya imyaka yonsi ilalondelelapo.

Masamu 79:5

We Yawe, uzye ukutusokela kwene kuu, kulasila lilaci? Si namanye ukwa muyayaya? Uzye cumi avino umalunkumanga wa moto vivyo kwene uku ukali?

Masamu 80:5

Lyene ucuzi ali cakulya cino watupeela kuti twalya, nga nu lwako umuziile aminsozi, ali luno watupeela kuti twamwa mwenemo.

Masamu 85:6

Uzye usikutukomelezya nupya, apakuti swe antu yako twakusansamukila?

Masamu 95:7

Pano wene ali Leza witu, nupya sweswe yacemwa yakwe, uufyo uno akatungulula. Ilelo mule muvwe ukwi zwi lyakwe!

Kufuma 32:11

Lelo Mose apapata kuli Yawe ati, “Mwe Yawe, pacani cino mwasokela antu inu musango uu, antu yano mwafumizye mu uzya mu Eguputo, ku maka inu akulu nu kwi kasa linu lya maka?

Ezaya 64:8

Lelo kwene we Yawe, ala wewe uli Tata. Swemo twaya sile wa mbuulo, nawe wakwe nakamata. Umucumi awewe watuumba.

Yelemiya 23:1

“Kalanda kuli yakacema yano yakaleka ukuti imfwele zya ufyo wane ziponge nu kusalangana!” Ivyalanda Yawe.

Yelemiya 31:37

“Apakusumba uluko lonsi lwa ina Izlaeli apamulandu wa vintu vyonsi vino lwacita, suka sile namanye amayulu yatala yapimwa, na pa simpwa insi yonsi napo patala papimwa.” Ivyalanda Yawe.

Nyimbo zya ndosya 5:22

Suka sile manye ndi cakuti wemo wala watusumba nu kutukwatila icipyu camuntaputuka.

Ezekelo 34:31

“Ala mwemwe mfwele zyane, mwemwe antu yane sile nenga, mwemwe ufyo uno nkacema, nani nene indi Leza winu sile. Ivyalanda ne Yawe Simwandalali.”

Ezekelo 34:8

Ne Yawe Simwandalali nkulapa inti, kasili, pamulandu wakuti imfwele zyane zikulemwa ku vilyanyi pamulandu wa kuulilwa kacema ndi vino namwe kwene mwe yakacema yane musiiezya nanti panono kuzilondolola, mukaisakamala sile mwenga, ukwaula kusakamala imfwele,

Luka 12:32

“Mutoopa, mwe ufyo unono wa mfwele, pano So camuzanzya kuti amupeele Uwene wakwe.

Malango 29:20

Yawe atalelela umuntu uwa musango uwo. Yawe wene alalunkuma panoli ku ukali wakwe, ni vilumbelo ivyalembwa mu lupapulo luu vilamuponela mpaka sile akamulovye nu kumufumya mu mpanga ii.