Masamu 46:10 - Amazwi Yakwe Leza 2013

¹⁰ Akavwanga ati, “Tiini ukulwa, mumanye ndi vino nene Leza umukulu pa mitundu yonsi pyu, nu mukulu pano nsi yonsi!”

Masamu 46:10 Kruisverwysings

1 Yamwene 18:36

Alino amanguzi, pa nsita ino yakapeelelapo impolelwa, kasema Eliya apalama atandika nu kupepa ati, “We Yawe Leza wakwe Abulaamu, na wakwe Isaki, na wakwe Izlaeli, sungaleka ukuti antu yaa yasininkizye ukuti wewe uli Leza mu mpanga ya Izlaeli. Alino nu kuti nene nenga ndi kasema wako nu kuti natincita vii vyonsi api lamulo lyako.

2 Yamwene 19:12

Ivikolwe vyane, ali vino vyononyile uwaku Gozani, uwaku Halani nu ku Lezefu. Vyononyile na antu aku Betiedeni, aikalanga umu musumba wa Telasala. Uzye ukunena ukuti utuluwi, tuleza twao twatazile ituyatuula?

2 Yamwene 6:23

Acino umwene ayateyanyizizya icimulo cikulu. Lyene pacisila lino yamala ukulya nu kumwa, ayata kuti yapita, nga nayo yaswilila ku musambazi wao. Kufuma lili kwene aina Asilya iyata kuzanza impanga ya ina Izlaeli.

1 Milandu 29:11

We Yawe, wewe mukulu nupya uwamaka, uwalulumbi, nu usambazi. Pano ivintu vyonsi umwiyulu na pano nsi ivyakwako. Uwene uwakwako we Yawe. Wewe uli mukulu mpo pa vintu vyonsi.

Masamu 100:3

Manyini ukuti Yawe ali Leza. Aliwe uwatuumvile, nga sweswe akwakwe. Sweswe antu yakwe, imfwele zya ufyo wakwe.

Masamu 21:13

Twakulumbanya we Yawe, katuka na maka yako! Tulaimba nu kulumbanya amaka yako.

Masamu 37:15

Lelo amalupanga yao yalasenuka yayakome aisikulu kwene, na malapwa yao yawele yavuneke.

Masamu 57:5

We Leza, ale ilange kuko kuno wikala ukwiyulu. Leka ucindami wako uloleke pano nsi ponsi!

Masamu 83:18

Yangala yamanye nu kuti awewe sile wenga ukaamwa Yawe, nupya wenga mpo, wewe uli Leza Wapapelapela umu nsi yonsi!

Kufuma 18:11

Ndakai namanya ukuti Yawe umukulu cuze ukuluta tuleza tuze tonsi tuno antu yakapepa, pamulandu wakuti wene watuuzile antu yakwe lino aina Eguputo yacitile aina Izlaeli umunyambo.”

Ezaya 2:11

Akuno uli uwanda umwi umu pipi, uno antu avilumba yalafusiwa amanso yao, uwanda uno ivilumba vyao vilasila. Awewe wenga sile we Yawe, wemuno ulacindamikwa mu wanda ulya.

Ezaya 2:17

Ali wanda uno ivilumba vya muntu ali wensi na munyele alamukangoka. Mu wanda ulya ali lino wewe wenga mpo we Yawe yalakulumbanya.

Ezaya 2:4

Alapingwila imitundu yonsi iya antu, nupya aliwe alakaulula imitundu ivule wakwe cimwi, yace yasuke yatole ivipeni nu kusulamo amase, nga na masumo yao nayo yakasulemo ivikwakwa. Kutalatala nupya kuyeko umutundu ulakatukila uuze, nanti ukusambilila ivyankondo.

Ezaya 5:16

Yawe Wamaka yonsi akalanga ucindami wakwe umu vintu ivilungame vino akacita. Leza wamuzilo alalanga usuma wakwe umu kucita ulungami ku antu yakwe.

Yelemiya 49:35

Yawe Wamaka yonsi wavwanga wati, “Lolini ndakontola ulapwa wa ina Elamu, iciombelo cimwi cikulu ca maka yao.

Ezekelo 30:8

Lino ndasontenka umoto mu Eguputo nu konona yonsi yano yakamwazwilizya, alino lyene yalamanya ukuti nene indi Yawe.

Ezekelo 38:23

Ali vino nemo ndalanga antu ya mitundu yuze ukuti nene mukulu, nupya nene mucindami. Ali lino antu yalasininkizya ukuti fwandi nene, indi Yawe.”

Ezekelo 39:3

Nga alino lyene ndakontola ulapwa uno ulemile ukwikasa limani nu kuleka ukuti inceto zipone pansi zino ufumbite ukwikasa lyakwe ndilo.

Mika 4:3

Aliwe alaputula imilandu pakasi ka antu amu nko izingi, apakasi ka mitundu ya maka ya mupipi nu kutali kwene. Antu yayo yalasula malupanga yao kuti yaye amase, nga na masumo yao kuti yaye mipeni yakutungwilila. Antu amu nko zivule yatalatala yalwe inkondo, nanti ukuiteyanya ku kulwa ulwi nupya.

Habakuku 2:20

Lelo Yawe wene ali umwi Taalu lyakwe ilyamuzilo. Acino lekini umuntu wensi aye cele pa manso yakwe.”

Zakaliya 2:13

Mwe antu mwensi si myalalini sile apa manso yakwe Yawe! Pasi pano awiyo watavwandamuka ukufuma umu cifulo cakwe icamuzilo, akwiza kunotuli.

Yoswa 11:6

Yawe anena Yoswa ati, “Utayoopa, pamulandu wakuti mutondo pa nsita ndi ikwene indayapeela yonsi pyu mu makasa ya ina Izlaeli, ala afwe. Ulinzile kutembola imfwalasi zyao nu koca amaceleta yao.”

Yoswa 11:9

Yoswa wayacitile wakwe vino Yawe wamupeezile ilamulo. Atembola imfwalasi zyao nu koca amaceleta yao.

1 Samueli 17:46

Uwanda kwene uu Yawe amakundemela. Namakucimvya nu kuputula umutwe wako. Nupya namapeela imili ya asilika ya ina Filisti ku vyunyi ni vinyama kuti vilye. Lyene amu nsi yonsi yalamanya ukuti umu mpanga ya ina Izlaeli mwaya Leza.

1 Samueli 2:4

Amalapwa ya vita vikalawane yatiyakontoka yonsi pyu, lelo yaya yano yatali na maka ndakai yatiyakoma.