Masamu 32:1 - Amazwi Yakwe Leza 2013

¹ Wasyuka umuntu wiyo wino amaifyo yakwe yafumiziwa, wino inkota zyakwe zyelelwa.

Masamu 32:1 Kruisverwysings

2 Samueli 12:13

Davidi pali pakuvwanga ati, “Naifya kunuli we Yawe.” Natani nawe aasuka ati, “Yawe wakwelela. Utakufwa.

Neemiya 4:5

Utezya uyelele uyi wao nanti utaleka amaifyo yao yafuutike pano yatiyatuka yakakuula yonsi.”

Masamu 103:3

Aliwe akanjelela uluse kuli vyonsi vino nkaifya. Akapozya ni ndwala zyane zyonsi.

Masamu 106:3

Yasyuka akasunga vino akapingula, akacita pe ivilungame!

Masamu 128:1

Walongo umuntu wensi akaoopa Yawe, akalondela inzila zyakwe.

Masamu 40:4

Walongo umuntu wino wataila muli Yawe, wiyo asitwala amano uku tuluwi nanti asilondelela yakapepa yakwe tuleza twaufi.

Masamu 42:1

Ndi vino inswela ikayaseela apa kulonda ukuli amanzi azuke, avino nani kwene nkukulukisya cuze we Leza.

Masamu 45:1

Nemo ninkwata amazwi yamwi asuma, a lwimbo luno natinsika ulwa kulumbanya kateeka. Izwi lyane limatololokanga kwati akalembelo kakwe kalemba uwi lembo ilisuma.

Masamu 52:1

Icani cino ukuitutumwila pa uyi wako we cimuntu ca vilumba? Umusanya onsi ukaelenganya sile ivyaononyi. Umulomo wako wasongola wakwe coco.

Masamu 53:1

Iciwelewele umu mwenzo wakweco cikati Leza kutaya. Antu ya mwata ndi uo yononeka umu mano. Nupya ivicitwa vyao ivyawinyi. Kutaya nanti wenga akacita ivilungame.

Masamu 55:1

Uvwa ukwi pepo lyane we Leza, utasuula navino nemo nkukupapata!

Masamu 84:12

We Yawe Leza Wamaka yonsi, icacumi yasyuka yayo akutaila!

Masamu 85:2

Antu yako watuyayela nu luse kuli vino yakwifya. Watufuta uyi wao onsi.

Masamu 89:15

Alongo antu yano wasambilizya uku kuumilila utupundu yayo akaapita umu lukundo lwako, we Yawe.

Ezaya 1:18

Yawe akuti, “Lekini tuvwane lyene. Amaifyo inu nanti yangayenzya cee, nemo namayafula nga nayo yamaswepa mpe wakwe kungwi wa katondotondo. Nanti angala yangayenza cee wa wazi, awe cumi namayaswefya mpee, wakwe pamba.

Ezaya 43:25

“Nene, endi nene kwene, anene nkafuta amaifyo inu, kuti ululumbi lwane luloleke. Nemo ntalatala mupele umulandu apa maifyo inu.

Ezaya 44:22

Nemo namuyela uluse apa maifyo inu. Nayo yapasika ndi vino ikumbi likapasika. Acino mwemo mungala muweluluke sile kunondi, pano nemo namukulula.”

Mateo 16:17

Yesu amunena ati, “Walongo a wewe, Simoni mwana wakwe Yoane. Pano pasi umuntu uwataumbula cii kunuli. Lelo Tata uwa mwiyulu uwatakuumbwila.

Luka 11:28

Lelo Yesu amunena ati, “Alongo ayao akauvwa mazwi yakwe Leza nu kuyayela.”

Umbwilo 22:14

Alongo ayao yano yakafula mingila yao nu kuiswefya, pakuti yaye ni nsambu ya kulya vizao kufuma ku muti uno ukapeela umi nga nu kwingila pa mpongolo zya musumba ukulu.