Masamu 137:1 - Amazwi Yakwe Leza 2013

¹ Uku nguzi zyaku Babiloni, twatangi nga twikala pansi twalilanga na minsonzi apa kwiusya Zioni.

Masamu 137:1 Kruisverwysings

Ezila 8:21

Kuku kwene uku luzi lwa Aava, nemo ne Ezila napiile antu amasunde akuti swemo swensi tutale tute ukulya, pakuti tuicefye kuli Leza, tumupapate apakuti atutungulule umu ulendo witu nu kutucingilila, sweswe pamwi na ana itu, kumwi ni vyuma vitu vyonsi.

Ezila 8:31

Alino itufuma ku luzi lwa Aava pa wanda walenga ikumi na yaili mu mwezi wakutandika, nga ituya ku Yelusalemu. Leza witu wali naswe nu kutucingilila ku anisi itu, makamaka ku antu atufisamilanga umu nzila.

Neemiya 2:3

Lelo nanenyile umwene inti, “Si kalukuwala uku mwene! Uzye kwene musambazi ningakana uli uku undalila nemuno umusumba wa vikolwe vyane, muno umwaya namalindi yao, watiusyala amatongwa nga ni mpongolo zyonsi nazyo zyati zipya nu moto?”

Masamu 42:4

Umwenzo wane ukakulukunta ndi niusya ivyampiti, lino nayanga na maumba umu ng'anda yakwe Leza. Anene kwene natungululanga mulongo wa antu ni nsansa, lilyo ala tukwimbila Leza nyimbo zyakumulumbanya.

Ezaya 66:10

Zanga we Yelusalemu! Sansamukini mwensi mwemuno mwamutemwa! Zangini, sansamukini apamulandu wakwe, mwensi mwemuno mukamulosya!

Yelemiya 13:4

“Yanga ku Luzi lwa Yufulate, uye ukafise umuindi mu vipongo vya mawe.

Yelemiya 15:17

Ntatala nazangila ukwikala mwiumba lya antu ya misowe, nanti ukusekaseka pamwi nayo. Lelo apa kuyela ilamulo lyako, nikalanga sile nenga nupya umusoke.

Yelemiya 51:13

Wemuno wikala apa manzi nyanya, wemuno waitulikila ivyuma ivingi, ala impelelekezyo yako yatikufikila, casila waputukilwa.

Yelemiya 8:19

Si kutikini! Umu mpanga yonsi kwene, nkuuvwamo sile impooma zya antu yane yakuti, “Yawe asi mwenemo muno mu Zioni? Uzye Mwene wino wateeka muno mu Zioni, asi mwenemo vwile?” Yawe wino wayateeka nawe ali pakwasuka ati, “Uzye pacani cino mwaleka kuti insoke, pamulandu nu tuluwi twinu, na pamulandu wakwe tuleza twinu utwaciwelewele nupya utwa inamasi?”

Nyimbo zya ndosya 1:16

“Vii, vili vintu vino vilenzile kuti nalosya, nga nu mu minso yane muzile aminsozi. Kusi umwi wakuntekezya, nu wakunkomelezya kwene asipo. Ana yane nayo intete zyatiziyalema pano umwanisi watancimvya.

Nyimbo zya ndosya 2:18

We Yelusalemu, lemasya ukulilila ku Mwene. Leka aminsozi yako yakonkoloka wa nguzi kasanya nu usiku. Cisi cakwezya ukuta ukulila. Kusi kuleka aminsozi yatale yume umu manso yako.

Nyimbo zya ndosya 3:48

Mu manso yane mukukonkoloka sile aminsozi kwati amanzi, pamulandu wa ononesi wa antu yane.

Nyimbo zya ndosya 3:51

Vino nkulola vikumbaisya umwenzo pamulandu wa anaci yonsi amu musumba wane.

Ezekelo 1:1

Mu mwaka walenga amakumi yatatu, pa wanda walenga yasano wa mwezi wakwe cini, lino nali na azya pa nkumba ya Luzi lwa Kebali, iyulu liyulika nga ndola Leza mu cilolwa.

Ezekelo 1:3

izwi lyakwe Yawe lyafikile Ezekelo, umwana wakwe Buzi, mu mpanga ya ina Babiloni, pa nkumba ya Luzi Kebali. Kuku kwene ali kuno nuvwile amaka yakwe Yawe yiza kunondi.

Ezekelo 3:15

Nasuka nafika nu ku azya aikalanga ku Telabibi ku Luzi lwa Kebali. Natenzi kweneko amanda cinimbali, lilyo ala ncili nkwalangana sile.

Danieli 9:3

Acino napefile ku Mwene Leza, ala nkupapata kunoli, nu kuizilizya, nu kuzwala vizwalo vya ndosya, nu kwikala umwi twi.

Luka 19:41

Lyene lino wapalama ku musumba, aulolekesya, nga aulilila,

Umbwilo 11:3

Nani ndatuma yakambone yane yaili ale yazwite masaaka, yene yalakosola ilandwe lyakwe Leza mu manda kulingana ni zimbi lyonga, myanda iili na makumi mutanda (1260).”