Masamu 102:1 - Amazwi Yakwe Leza 2013

¹ We Yawe, uvwa ukwi pepo lyane, uuvwe nu kulila kwane ungavwe

Masamu 102:1 Kruisverwysings

2 Milandu 30:27

Yasimapepo na ina Levi yuzizye upolelelo wa mwene Leza Yawe apa antu. Ukwakwe, ukwiyulu, Yawe auvwa amapepo yao nga aasuka.

Masamu 12:5

Pamulandu wakuzunya alanda, Yawe nawe wavwanga wati, “Namakatuka, intuule nu mulanda akufyengwa, nu mupina akuilizyanya. Namapususya yayo akapunda kunondi!”

Masamu 143:4

Umwenzo wane usi namaka, nu munda yane mwati muzula intete.

Masamu 143:7

Kalauka unjasuke we Yawe! Umupasi wane watiuongoka, utafisa usyu wako kunondi, pano limwi ningaya wakwe yaya aikala kuzimo.

Masamu 145:19

Wene akapeela ivikalonda akamoopa, akauvwa ukukuuta kwao nu kuyatuula.

Masamu 18:6

Alino umu ulanda wane nalaizye Yawe. Napefile kuli Leza wane kuti angavwe. Wene umu Ng'anda yakwe ikulu, amauvwa izwi lyane. Inkuta zyane nazyo zyuvwika uku matwi yakwe.

Masamu 39:12

“We Yawe, uvwa ukwi pepo lyane, unguvwe nakuli vino nkukupapata, utasula sile lino nkukulaizya! Nemo nene mwenyi apa nsita sile inono ndi vino ni vikolwe vyane vyonsi vyali.

Masamu 42:4

Umwenzo wane ukakulukunta ndi niusya ivyampiti, lino nayanga na maumba umu ng'anda yakwe Leza. Anene kwene natungululanga mulongo wa antu ni nsansa, lilyo ala tukwimbila Leza nyimbo zyakumulumbanya.

Masamu 5:2

Kutika ku kupapata kwane, we Mwene nupya Leza wane. Nkapepa kunuli we Yawe.

Masamu 61:2

Nemo napelelwa, kunondi nu kumwitu kwatalimpa, awewe sile nalaizya! Ntwale sile kumwitu ukwakuti ningikalilila.

Masamu 62:8

Mwe antu yane, lyonsi sile mwataila muli Leza! Mwamutula amacuzi inu lyonsi, pano ali muno tukapusukilamo.

Masamu 77:3

Nemo nkaiusya Leza nu kufuteka ala nkufuteeka, nkuinong'onya umu mwenzo, nupya nkatovoka nu kutovoka.

Kufuma 2:23

Lino papita imyaka ivule, umwene wilya waku Eguputo afwa. Lelo aina Izlaeli ala yacili yakucula mu uzya, nga inkuta yao yuvwika kuli Leza.

Nyimbo zya ndosya 3:44

Wemo waifupilizya ni kumbi ilifitisye, muno amapepo itu yatange yapuzye.

Nyimbo zya ndosya 3:8

Nga nalino napunda ntulwe, Leza wene kusi kusumba kweneko na mano.

Luka 22:44

Mu kunyunguluka kukulu cuze apepa ukuluta, ala ni yevu lyakwe likutonela pansi kwati amamata akulu a wazi.]

Ayebulai 5:7

Lino Yesu wali pano nsi wene wapepanga nu kulenga Leza ni zwi likulu na minsozi, wino uwali na maka akumutuula ku mfwa. Leza wamuvwile, pano wene waicefizye nu kuya uwa cumi kunoli.

Yakapingula 10:16

Acino aina Izlaeli iyasumba tuleza utwa inamasi nga iyatumikila Yawe. Nga Yawe auvwila aina Izlaeli ulanda pa ntazi zyao.

1 Samueli 9:16

“Mutondo pa kasita kwene ndi kaka kwene ndakutumila umuntu umwi uwamu mpanga yakwe Benjamini. Ali wino wemo ukasonte ukuya umwene wa antu yane aina Izlaeli. Wene alakulula antu yane ku makasa ya ina Filisti. Nemo natindola ukucula kwa antu yane, pano nuvwa mpiti inkuta yao.”