Masamu 100:5 - Amazwi Yakwe Leza 2013

⁵ Pano Yawe umusuma, ukutemwa kwakwe ukwa muyayaya, na ucisinka wakwe, nawo kwene uwa manda yonsi.

Masamu 100:5 Kruisverwysings

1 Milandu 16:34

Taizini Yawe, pano wene umusuma. Ukutemwa kwakwe ukwa manda pe.

2 Milandu 5:13

Yakiimba ya nyimbo na yakalizya ya ntandala yonsi yapomokela capamwi nu kulumbanya Yawe ni zwi lyonga sile. Api zwi lyakufuma umu ntandala ni vyakulizizya vyuze, yonsi pamwi yasanzula izwi lyao nu kulumbanya Yawe yati, “Endi, Yawe umusuma, pasi pano uluse lwakwe ulwa muyayaya.” Lino yasimapepo yafuma mu Ng'anda ikulu yakwe Yawe, ikumbi liiza ilizula mu Ng'anda ikulu yakwe Yawe, nga iliyengesa apakulanga ucindami wakwe Yawe.

Ezila 3:11

Yimba inyimbo zya kulumbanya nu kutaizya Yawe, yala yakuti, “Yawe umusuma. Uluse lwakwe pa ina Izlaeli ulwa manda pe.” Alino antu yonsi ala yakutolelela nu kupunda apapezile amaka yao yonsi, iyalumbanya Yawe pamulandu wakuti umufula wa Ng'anda yakwe Leza watandike ukukuulwa.

Masamu 103:17

Lelo icikuuku cino Yawe wakwatila yao amucindika, awe cumi cene icakuyelelela pee, nu usuma wakwe nao usi wakusila umwapelela inkulo zyonsi.

Masamu 106:1

Lumbanyini Yawe. Taizini Yawe, pano wene umusuma. Ukutemwa kwakwe ukwa manda pe.

Masamu 107:1

Taizini Yawe, pano wene umusuma. Ukutemwa kwakwe ukwa manda pe.

Masamu 107:15

Kayale yalukulumbanya Yawe, apa kutemwa kwakwe ukwa pe na pa milimo yakwe iyakuzunguka ino wacitila ana ya antu!

Masamu 107:22

Kayamocela impolelwa yaku muwanzya nu kumwimbila ni nsansa apa kutaka vyonsi vino wacita!

Masamu 107:8

Kayale yalumbanya Yawe apa kutemwa kwakwe ukwa pe, nga na pavizungusyo vino akacitila ana ya antu.

Masamu 119:68

Iye mwe vino wazipa, vino waya nu luse! Nsambilizye amasunde yako.

Masamu 138:8

Awewe we Yawe ulamalila umulimo wane onsi ndi muno walaila. Uluse lwako ulwa pe na pee. Utatazyela umulimo uno we mweneco watandike!

Masamu 146:6

wiyo uwaumvile iyulu ni nsi, na yemba, nga na vyonsi ivyaya mwenemo. Wene akafikilizya amalayo yakwe pe.

Masamu 25:8

Yawe uwa luse akalungika, ali cino nayakaifya akayalanga inzila.

Masamu 36:5

We Yawe, ala uluse lwako lwafika nu mupela, umwiyulu nu ufumacumi wako wandatila nu mu makumbi.

Masamu 52:1

Icani cino ukuitutumwila pa uyi wako we cimuntu ca vilumba? Umusanya onsi ukaelenganya sile ivyaononyi. Umulomo wako wasongola wakwe coco.

Masamu 85:10

Ukutemwa na ucumi vilakomenkana. Uololoke nu mutende vilazengelana.

Masamu 86:5

We Yawe, wemo wewe musuma, nupya ukayelela uluse, wakwatisya nu luse kuli yonsi akakupepa.

Yelemiya 33:11

utupundu twa nsansa nu twa luzango. Muluvwika na mazwi yakwe nawinga na siwinga. Lino antu yalaleta amawila akutaizya uku ng'anda yane, amazwi yao yalauvwika lino yakwimba ala yakuti, ‘Taizini Yawe Wamaka Yonsi, pano wene umusuma, nu luse lwakwe ulwa manda pe.’ Pasi pano impanga kwene ii nemo ndailetela isyuko ndi vino nacisile apa mpiti. Ica cumi, anene ne Yawe navwanga.”

Mika 7:20

Ulalanga uluse ku amu mupanda wakwe Yakobo, nu kutemwa kwako kwa muntaputuka ku amu mupanda wakwe Abulaamu, ndi muno walaile ivikolwe vitu uku mpiti.

Naumi 1:7

Yawe umusuma, wene akacingilila antu yakwe mu nsita ya ntazi. Aliwe akawaka yao amutaila.

Luka 1:50

Kufuma ku nkulo yonga kufika ku yuze akalanga mizu kuli yano akamucindika.

Malango 7:9

Mwaiusya ukuti Yawe Leza winu aliwe ali Leza wenga sile nga nu kuti wene uwakutailwa. Wene alawaka upangano wakwe nu kulanga ukutemwa kwakwe ukwa pe ku antu amu mikulo izimbi yano yamutemwa nupya yakayela amalamulo yakwe.

Tito 1:2

Utailo uwo nga nu kumanya vikafuma mu upaalilo witu uwa kuya nu umi wape. Leza wino asitumpoka uwatulaya umi kwene uu, kufuma lino kutandika kwa nsita kutali kuyeko.