Malango 9:3 - Amazwi Yakwe Leza 2013

³ Lelo ilelo mumasininkizya ukuti Yawe Leza winu aliwe akamukolelela wa cimbilimbili ca moto icikaonona. Wene ali nu kuyacimvya cakuti mulayazinga nu kuyonona pyu zuwazuwa, wakwe vino wene walavile.

Malango 9:3 Kruisverwysings

Kufuma 23:23

“Mungeli wane alakolela ku nkolelo inu, nupya alamutungulula ku mpanga ya ina Amoli, aina Hiti, aina Pelizi, aina Kenani, aina Hivi nga na Yebusi, nupya ndayonona yonsi.

Kufuma 24:17

Ku ina Izlaeli uluswepo lwakwe Yawe iluloleka wa cimbilimbili ca moto icikwaka papela ya mwamba.

Ezaya 27:4

“Nata ukuilizyanya apa calo. Ndi cali cakuti yankololwe ni myunga avino vyakwatilamo umuzano, nemo ningavilwisya suka sile imvyoce pyu.

Ezaya 30:27

Nupya Ezaya avwanga ati, “Mwalola amaka yakwe Leza nu ucindami wakwe! Avivyo vikuloleka akatalamukila! Umoto ni cunsi ali vino vikulanga ukali wakwe. Lino amavwanganga, amazwi yakwe yamalunkumanga sile wa moto.

Ezaya 30:30

Yawe amaleka antu yonsi yuvwe izwi lyakwe lya lulumbi, amaleka yuvwe na pano icipyu cakwe capelela. Kumaya icimbilimbili ca moto, ukupangalansya, imvula ya mawe nga nu kumyansya kwa mvula ya mawe.

Ezaya 30:33

Ala ampiti sana lino yateyinye icilinkwa ca moto umwakocela umwene wa ina Asilya. Ciwina icizike nupya icikulu, muno inkwi zyazulamo tupu, Yawe umweneco aliwe amaiza auvwiile nu mupu wakwe nu moto wize utumuke kwati amaluti akupya.”

Ezaya 33:14

Aikazi yamu Zioni yati yoofiwa, antu atamanya Leza yakuizakazila uku ntete. Yakulanda yati, “Mipingwile yakwe Leza yaya wa moto usita ukoca. Uzye aweni pali sweswe angapusuka ku moto wamusango ndi uo?

Mika 2:13

“Leza alacingula inzila nu kuyatungulula ukufuma mu uzya. Yene yalapangula impongolo zya musumba nga yafume antungwa. Umwene wao aliwe alayatungulula pa kufuma, Yawe aliwe alayakolelela.”

Mateo 15:10

Lyene Yesu aama iumba kunoli alinena ati, “Uvwini kunondi mwensi, nu kumanya.

Mako 7:14

Lyene Yesu aama iumba kunoli alinena ati, “Uvwini kunondi, mwensi, nu kumanya.

Loma 8:31

Uzye tumati uli pa vintu vii? Ndi Leza ali naswe, aweni amatucimvya?

Efeso 5:17

Caleka mutaya viwelewele, lelo mwaezya kumanya vintu vino Umwene akulonda kuti mwacita.

Malango 1:30

Yawe Leza winu amamutungulula, nga amamulwisizya, wakwe vino mwaweni akucita mu Eguputo

Malango 20:1

“Ndi mwaya ku kulwa inkondo, mwalola ukuti anisi inu pamwi ni vilwilo vyao ivya nkondo ivili wa maceleta, ni mfwalasi, vyaluta iviinu ku wingi, mutakuvwe intete. Pano Yawe Leza winu, uwamufumizye mu Eguputo alaya namwe.

Malango 20:4

Yawe Leza winu amapita namwe, amamupeela na maka akucimvya.’

Malango 4:24

pamulandu wakuti Yawe Leza winu akoline wa cimbilimbili ca moto. Wene asizumilizya kupepa tuleza tuze.

Malango 7:16

Muce monone antu ya nko zyonsi yano Yawe alapeela mu makasa inu. Mutakezye ukuyuvwila uluse, nanti ukupepa tuleza twao, pano lyene mungailetelela sile.

Malango 7:22

Yawe Leza winu alazinga antu amu nko zizi panono panono lino mwemo mukuya pa nkolelo. Mutalaya na maka aku yonona lilyo kwene, pasi pano ndi caya vivyo, ale lyene ivilyanyi vyamu mpanga vilasanda viye uzanzo kunomuli.

Malango 9:6

Lyene, manyini ukuti asi pamulandu wakuti mwemo mukacita ivyawololoke acino Yawe Leza winu akumupeela impanga ii ivunde kuti iye iyakwinu. Awe, mwemwe antu akome myenzo.

2 Tesalonika 1:8

mu cimbilimbili ca moto, kwiza vunuka yao akakana Leza nupya asyataila Ilandwe Lisuma lya Mwene witu Yesu.

Ayebulai 12:29

Tulinzile kucita cii, pano cumi kwene Leza umoto uno ukaonona.

Yoswa 11:12

Yoswa watozile imisumba yonsi ilya ayonona nga akoma na yamwene yakweyo yonsi pyu, wakwe vino Mose umuomvi wakwe Yawe wapeezile ilamulo.

Yoswa 11:8

nga Yawe nawe ayapeela mu makasa ya ina Izlaeli. Iyayacimvya nu kuyacocovya nzila yonsi ukufika ku Sidoni Mukulu, nu ku Misilefoti Maimu, nga nu ku Cifoloma ca Mizipa lwaku ufumondaka, suka iyalovya yonsi pyu.

Yoswa 14:12

Ale lyene fwandi umpeele impanga ya myamba ino Yawe wandavile pa wanda ulya. Nupya wemwisikulu wayuvwilile pa nsita ilya ukuti aina Anaki yali kuku nu kuti imisumba yao yali ikulu sana nupya iyakuulililwa amalinga. Lelo Yawe ndi wangazwa indayazinga wakwe vino wene wavwanzile.’ ”

Yoswa 3:11

lilyo lino yasimapepo yalasenda Mbokosi ya Upangano ya Mwene wa nsi yonsi nga yamukolelele ukwingila mu Luzi lwa Yodani.

Yoswa 3:14

Caleka lino antu yakuululula insakwe zyao kuti yakalambe Luzi lwa Yodani, yasimapepo asenzile Mbokosi ya Upangano iyapita iyayakolelela.

Yakapingula 4:14

Lyene Debola anena Balaki ati, “Pitanga! Yawe akukutungulula! Ilelo watakupeela ucimvyo pali Sisela.” Acino Balaki atentemuka ukufuma pa Mwamba wa Taboli pamwi ni vita vyakwe amazimbi ikumi.