Malango 7:2 - Amazwi Yakwe Leza 2013

² Lino Yawe Leza winu wapeela antu yaa mu makasa inu nga namwe mwayacimvya, lyene mulinzile kukoma yonsi kwene. Mutaezya ukucita cipangano nayo nanti ukuya na mizu kunoyali.

Malango 7:2 Kruisverwysings

Utandiko 14:20

Leza wapapelapela uwakupezile ukucimvya pa anisi yako alumbanyiwe.” Lyene Abulamu apeela Mekisedeki icikumi ca muli vyonsi vino wapokolwile.

2 Samueli 21:2

Aina Gibyoni yatali aina Izlaeli. Yene yali akaliumba akanono ka ina Amoli kano aina Izlaeli yalavile nu mulapo ukuti yamayacingililanga. Lelo Saulo alonda kuyakoma, pamulandu wa muzonda uno wakwatile aina Izlaeli na ina Yuda.

1 Yamwene 20:34

Beni Hadadi anena Aabu ati, “Nemo namakuwezezya imisumba yonsi ino tata wapokolwile so. Nupya ndi ukasi, uce ukuule ing'anda zikalamba zya kuculuzizya mwenemo mu musumba wa Damasiko, wakwe vino tata wacisile mu Samaliya.” Aabu nawe aasuka ati, “Apamulandu wa cipangano cii, namakuta uye umuntungwa.” Acino acita cipangano nawe, nga amuta apita.

Ezila 10:3

Lyene tulinzile twacita upangano na Leza uwakuti tumata anaci ya yonsi kumwi na ana yao kuti yapite. Tuli nu kucita vivyo ukulingana nu umpanda mano uno wewe na antu yauze akayela amasunde yakwe Leza mwatunena ukucita.

Masamu 106:34

Yakana ukulovya umutundu, wakwe vino Yawe wayapile ilamulo,

Kufuma 22:20

“Muntu wensi uwapeela impolelwa kuli tuleza alinzile akomwe. Lelo ukwakupeela impolelwa akuli nene, ne Yawe.

Mpendwa 21:2

Alino aina Izlaeli iyalaya Yawe nu mulapo yati, “Ndi watupeela antu yaa twayacimvya tulonona imisumba yao tuimalile.”

Mpendwa 31:17

Aleni ndakai komini ana aonsi yonsi, mukome nu mwanaci wensi wiyo uwala watala wamanyana nu monsi.

Mpendwa 33:52

mulinzile ukuzinga aikazi yamwenemo yonsi kwene. Monone nu tuluwi twao tonsi tuno yawaza na tuno yengulula kwene. Mukonone ni ncende zyao kwene zino yakapepela mwenemo.

Malango 13:8

Lelo mutakezye ukumuvwa. Cisi cakwezya ukumuvwila uluse. Nupya asi wakucingilila.

Malango 13:9

Cumi kwene mulinzile kumukoma. Wewe kwene ulinzile ukutandikilapo ukumutama iwe alino yauze yalondelelepo.

Malango 19:13

Cisi cakwezya ukumuvwila uluse. Mulinzile mwaswefya Izlaeli ku kuya amulandu wa utazi wa katwe, pakuti ivintu vyonsi vikamuzipile.

Malango 2:33

Lelo Yawe Leza witu amupeela mu makasa itu, nga naswe itumukoma, itukoma na ana yakwe aonsi, kumwi na asilika yakwe yonsi.

Malango 2:34

Lilyo kwene itupokolola nu konona imisumba yakwe yonsi, nu kukoma antu onsi, aonsi, anaci, na ana kwene. Tutasile nanti wenga uwa mbezu.

Malango 23:14

Fwandi muce mwasunga ningo kamba kinu ka asilika mu usaka, pamulandu wakuti Yawe Leza winu amayanga namwe mu kamba ka asilika, kuti amucingilile na kuti amupeele ucimvyo pa anisi inu. Mutakezye ukucita icintu nanti cimwi cawinyi cino cingalenga Yawe amufutatile.

Malango 25:12

umwanaci wiyo cisi cakwezya ukumuvwila uluse. Mukamuputule sile icizanza cakwe, asyale amakunkutu.

Malango 3:3

“Acino Yawe ali pa kwika umwene Ogi umwene waku Basyani kumwi ni vita vyakwe mu makasa itu, nga naswe ituyakomola yonsi pyu.

Malango 31:5

Yawe alamupeela ucimvyo pali aliyo, nga mulinzile ukucita kunoyali wakwe muno imupelile ilamulo.

Malango 33:27

Leza aliwe waya akacingilila winu mu nsita zyonsi. Akamufukatila ningo mu makasa yakwe. Wene wazinganga anisi inu lino mwemo mukuya pa nkolelo, nga amunena ukuti muyonone yonsi pyu.

Malango 7:16

Muce monone antu ya nko zyonsi yano Yawe alapeela mu makasa inu. Mutakezye ukuyuvwila uluse, nanti ukupepa tuleza twao, pano lyene mungailetelela sile.

Malango 9:3

Lelo ilelo mumasininkizya ukuti Yawe Leza winu aliwe akamukolelela wa cimbilimbili ca moto icikaonona. Wene ali nu kuyacimvya cakuti mulayazinga nu kuyonona pyu zuwazuwa, wakwe vino wene walavile.

Yoswa 10:28

Pa wanda uli umwi kwene Yoswa apokolola umusumba wa Makeda nga akomola aikazi ya mwenemo yonsi pyu kumwi nu mwene wauko. Atasile umuntu nanti umwi umupuma. Wene wacitile umwene waku Makeda wakwe vino wacitile umwene waku Yeliko.

Yoswa 10:30

Yawe wapile na aikazi kwene amu musumba uu kumwi nu mwene wauko mu makasa ya ina Izlaeli. Nga Yoswa akomola aikazi ya mwenemo yonsi. Atasile umuntu nanti umwi umupuma. Wacitile umwene wa musumba ulya wakwe vino wacitile umwene wa musumba wa Yeliko.

Yoswa 10:32

Yawe apeela umusumba wa Lakisyi mu makasa ya ina Izlaeli, nga pa wanda wakwe ciili Yoswa apokolola umusumba ulya nu kukomola wensi uwali mwenemo, wakwe vino wacitile umusumba wa Libina.

Yoswa 10:40

Acino Yoswa acimvya impanga ilya yonsi, ukwika kumwi ni mpanga ya myamba, ni ya Negebu, ni misana ya twamba yaku uwondaka, ni mitentemuko ya myamba, kumwi na yamwene yonsi. Atasile umuntu nanti umwi umupuma. Wene wononyile consi icikafuta, wakwe vino Yawe, Leza wa ina Izlaeli wapile ilamulo.

Yoswa 10:42

Yoswa wacimvizye yamwene yaa yonsi ni mpanga yao pa nsita ili yonga, pamulandu wakuti Yawe, Leza wa ina Izlaeli walwisizyanga aina Izlaeli.

Yoswa 11:8

nga Yawe nawe ayapeela mu makasa ya ina Izlaeli. Iyayacimvya nu kuyacocovya nzila yonsi ukufika ku Sidoni Mukulu, nu ku Misilefoti Maimu, nga nu ku Cifoloma ca Mizipa lwaku ufumondaka, suka iyalovya yonsi pyu.

Yoswa 2:14

Alino inengu zizi izimunena iziti, “Swemo twaifima ukufwa pa kupususya umi wako, cikulu sile utanena umwi pali vino tukucita kuno. Lyene lino Yawe alatupeela impanga ii, swemo tulaya acumi kunuli pa kukucitila icisuma.”

Yoswa 21:44

Yawe wapeezile aina Izlaeli ulongo monsi mu mpanga yao, wakwe vino walavile nu mulapo ku vikolwe vyao. Kutali nanti awenga mu anisi yao ayazingulwike uwali na maka akuyacimvya. Yawe wayapile ucimvyo pa anisi yao.

Yoswa 8:24

Lino aina Izlaeli yamala ukukomola aonsi yonsi aina Ai mu citungu cici nu mu lwanga muno yayazinginye, nga na lino yakomola antu yonsi, aina Izlaeli yonsi kwene iyaswilila ku Ai iyaya iyakomola yao ali mwenemo.

Yoswa 9:24

Nayo yaasuka Yoswa, yati, “Mukwai swemo tuvwile ukuti Yawe Leza wako wapile ilamulo kuli Mose kuti apeele mwemwe impanga yonsi nga nu kulovya aikazi ya mwenemo yonsi pyu. Acino fwandi lino twaweni ukuti mwapalama, imyenzo itu itatenzi nu kuzakaza. Uli mulandu uno twacitile vivyo.

Yoswa 9:7

Aina Izlaeli iyanena aina Hivi yalya yati, “Limwi mwemo mukaikala mu pipi naswe. Ndi cakuti avino cili, uzye lyene tungacita uli cipangano namwe?”

Yakapingula 1:24

inengu zizi izilola umuntu ala akufuma mu musumba nga izimunena iziti, “Tulange ivyakwingila mu musumba nga naswe tusikukucita nanti cimwi iciipe.”

Yakapingula 1:4

Lyene lino antu yakwe Yuda yalwisya, Yawe nawe aleka iyacimvya aina Kenani na ina Pelizi, nga iyacimvya antu ukulingana na mazimbi ikumi ku Bezeki.

Yakapingula 2:2

Acino namwe kwene mutakezye kupangana na antu amu mpanga ii, lelo muce monone utuvuwa twao.’ Nga nalyo kwene mwemo mwakana ukunjela. Uzye pacani cino mwacita cino namulesizye?