Malango 4:34 - Amazwi Yakwe Leza 2013

³⁴ Uzye kwatala kwaya kaleza kamwi kano katala kezya ukufumya antu mu luko luze nu kuyacita antu yakako kololo, wakwe vino Yawe Leza winu wacitile mwemwe ku mpanga ya Eguputo? Mwailolile na manso inu ntontonto vino wene waomvizye amaka yakwe akulu nu ulamba. Wene waponyizye impungo ni nkondo, wacisile ivinjelengwe ni vizungusyo, nu kuleka kuti ivintu ivyakoofya vicitike.

Malango 4:34 Kruisverwysings

Masamu 136:12

kwikasa lyakwe ilya maka ilitambalale, pano luse lwakwe ulwa pe na pee.

Masamu 24:8

Uzye Umwene walulumbi kwene wiyo aweni? Wene a Yawe, uwamaka nu ulamba, Yawe wino akacimvya mu nkondo!

Masamu 78:12

Leza wacisile ivizungusyo apa manso ya vikolwe vyao, umu citungu caku Zoani, ica mpanga yaku Eguputo.

Kufuma 1:9

Umwene mupya anena inkombe zyakwe ati, “Lolini, aina Izlaeli yaa impendwa yao yatikula cuze nupya yakweti maka wakwe cimwi cakuti cikuleta ingofyo kunotuli.

Kufuma 10:21

Nupya Yawe anena Mose ati, “Konzolola ikasa lyako usonte mwi yulu, pakuti uleke kuye imfinzi ikome fititi ino imaandatila impanga yonsi ya Eguputo.”

Kufuma 10:7

Lino yacilolo yakwe Falao yuvwa pali cii, yuzya Falao yati, “Uzye umuntu wii tulamuzumilizya kutusomba kufika lilaci? Leka aina Izlaeli aonsi atupu yapite pakuti yakapepe Leza wao. Uzye utaweni vino impanga ya Eguputo yatiyononeka?”

Kufuma 13:3

Mose anena antu ati, “Lyonsi mwaiusya uwanda uu. Uli wanda uno mwafumile mu Eguputo, ku cifulo cino mwali azya. Uu uli wanda uno Yawe waomvizye maka yakwe pa kumufumya kuku. Caleka mutalinzile ukulya umukate umuli icitutumusi.

Kufuma 14:30

Pa wanda ulya Yawe atuula aina Izlaeli ku ina Eguputo. Aina Izlaeli yalola vyala vikwelela mu mbali yakwe yemba.

Kufuma 15:11

“We Yawe, uzye aweni muli tuleza angaya wakwe wewe? Kusi umwi munoyali angakolana nawe. Kusi umwi uwakwata maka avule cuze ukuluta wewe. Antu yonsi yakakoopa nupya yakakulumbanya pano kusi umwi angacita vizungusyo ivikulu wakwe wewe.

Kufuma 19:4

mwaweni vino nacisile ku ina Eguputo. Nupya mwaweni vino namusenzile wakwe vino cipungu akasenda ana yakwe pa maapa, nga imuleta kuno kunondi.

Kufuma 3:10

Ndakai nakutuma kuti uye kuli Falao ku Eguputo pakuti ukatungulule antu yane, uyafumye mu Eguputo.”

Kufuma 6:6

Caleka nena aina Izlaeli ukuti Yawe wavwanga wati, ‘Nene indi Yawe, nga ndamukulula ukufuma ku uzya wa milimo ikome ino aina Eguputo yamutwika. Ndaomvya maka yane nu kuvunuka aina Eguputo pakulu cuze. Nupya ndamutuula.

Kufuma 7:3

Lelo ndalenga Falao akome umwenzo cuze. Nanti angala ndacita vizungusyo vya maka vivule mu Eguputo, wene ataluvwa kunomuli.

Ezaya 51:9

Katuka fwandi zyuka we Yawe Leza witu! Ndanga utwazwe kweneko, utupususye uku maka yako. Kalambana ndi vino wacisile uku myaka yampiti mpiti. Uzye asi wewe kwene wasandozile icilyanyi ci Laabu tupimfya tupimfya?

Yelemiya 21:5

Nene nemweneco namaya kalwisya wa anisi yinu namaka yane yonsi, icipyu cane nu ukali wane onsi.

Yelemiya 32:21

Wafumizye umutundu wako wa ina Izlaeli mu mpanga ya Eguputo, umu vimanyililo nu ku vipezyamano, apakutambalika ikasa lyako lyamaka ni ngofyo zikulu.

Mpendwa 20:16

Ali lino twalaizye kuli Yawe, nga nawe uvwile ukulila kwitu nga atutumila mungeli uwatufumizye mu Eguputo. Api lelo asweswe yano ku Kadesyi, umusumba uwaya mu mupaka ni mpanga yako.

Malango 1:30

Yawe Leza winu amamutungulula, nga amamulwisizya, wakwe vino mwaweni akucita mu Eguputo

Malango 10:21

Mwamulumbanya. Wene ali Leza winu, wino wamucitila ivintu ivikulu ivyakuzunguka nupya ivyakoofya vino mweisikulu mwailolile na manso inu.

Malango 11:2

Mwiusye ukuti mwemuno mwasundwa amwemwe, asi ana inu foo. Asi aliyo yaweni nu kukumako ku kusunda kwakwe Yawe Leza winu. Amwemwe sile mwailolile ukulu wakwe Yawe, na maka yakwe, ulamba wakwe,

Malango 26:8

Acino Yawe ali pakutufumya mu mpanga ya Eguputo ku maka yakwe nu ku nzyansyo zyakwe. Wene wacisile ivinjelengwe ni vizungusyo, nga nu kucita ivintu ivyakoofya.

Malango 29:3

Mwailolile mweisikulu ivilumbelo ivipisye alino ni vinjelengwe pamwi ni vizungusyo ivikulu vino Yawe Leza wacisile.

Malango 33:29

Icumi mwe ina Izlaeli, mwemwe alongo! Kutatala kwaya yamwi akoline namwe, uluko luno Yawe watuula. Yawe umwisikulu ali cisyangu nu lupanga lwinu, ulwakumucingilila nu kumupeela ucimvyo. Anisi inu yaliza kunomuli nu kupapata kuti muyalolele uluse, lelo mwemo mulayalyatola pansi.

Malango 34:12

Fwandi kutatala kwaya kasema nanti wenga uwatala aloleka nu kucita ivintu ivyakoofya wakwe vino Mose wacisile pa manso ya ina Izlaeli yonsi.

Malango 5:15

Uwiusye ukuti watazile uya umuzya mu mpanga ya Eguputo, nu kuti Yawe Leza wako wakufumizye mwenemo ku maka yakwe ataikulila ni kasa lyakwe livunguluke. Caleka Yawe Leza wako watakupeela ilamulo kuti wacindika uwanda wi Sabata.

Malango 6:21

Lyene muce muyanene muti, ‘Swemo twali azya ya mwene waku Eguputo, nga lelo Yawe watukulula ku maka yakwe akulu.

Malango 7:19

Mwiusye ivilumbelo iviipisye vino mwailolile na manso inu, pamwi ni vinjelengwe ni vizungusyo, nga na maka akulu nu ulamba uno Yawe waomvizye apakuleka kuti muye antungwa. Mu musango uli onga uno wene wononyile aina Eguputo, avino ali nu konona antu yaa yonsi yano mwemo mukoopa pali ndakai.

Malango 9:29

Lelo yene antu yako, akwako kololo yano wafumizye mu Eguputo ku maka yako akulu nu ulamba.’

Yoswa 24:7

ivikuta kunondi, nga nawe aika akanda pakasi kao na ina Eguputo. Alino aleka na yemba wilya awela nu kwiza tuwizya aina Eguputo. Mwailolile na manso inu vino nacitile aina Eguputo.’ ” “Mwatenzi mu lwanga pa nsita ntali.

1 Petulo 5:6

Acino, lyene muicefye nkolelo ya maka yakwe Leza, nga nawe alamukatusya mu nsita ino wasonta.