Malango 33:3 - Amazwi Yakwe Leza 2013

³ Yawe watemwa antu yakwe nupya akacingilila akwakwe Acino twafukama pa ngazo zyakwe nu kuyela amasunde yakwe.

Malango 33:3 Kruisverwysings

Masamu 31:15

Umi wane onsi waya umu minwe yako. Umpususye uku minwe ya anisi yane, yakwe yayo akancuzya.

Masamu 47:4

Ali wino watusolwela ni mpanga ino tukaikalamo, ino tukamekelapo swe antu yakwe, swe yano watemwa.

Masamu 50:5

“Kolonganini kunondi, mwe uvi lyane, mwemuno mwapangine nani apa mpolelwa.”

Mapinda 2:1

Mwanane, uwasambilila vino nkukunena. Utezya uwailila vino nkukukonkomezya ukucita.

Kasambilizya 9:1

Nelenginye wakwe cimwi pa nsita itali pali vino nazana, nga indola ukuti Leza awino akatungulula ivicitwa vya antu yamano na antu akacita vyaololoke, nupya aliwe akalenga kuti yatemwa nanti yapata. Kutaya umuntu akamanya ivyankolelo.

Yelemiya 2:2

“Nkaiusya ukuti lino mwali ance mwali ni cuvwilo. Mwemo mwantemilwe wakwe cimwi muli unawinga winu. Yandondile umu lwanga, itupita suka tufika mu mpanga itatala yalimwa.

Yelemiya 31:3

Yawe watulolekile ukutali ati, “Namutemwa citemwiko camuntasila ali cino nemo natwalilila nu kumucitila uluse lyonsi.

Yelemiya 32:40

Ndapangana nayo upangano wa pee uwakuti ntalatala inte ukuyacitila ivizipe, ndiika ni coopo ca koopa umu myenzo yao, apakuti yatakantaluke nupya.

Oseya 11:1

Yawe akuti, “Lino Izlaeli wali umwana munono, namutemilwe nga imwama umwanane ukufuma lino wafumile mu Eguputo.

Malaki 1:2

Yawe akuti, “Nemo natemwa mwemwe.” Lelo mwemo mukati, “Uzye mwatutemwa uli?” Yawe wavwanga wati, “Uzye Esau atali umwina wakwe Yakobo? Nemo nasola Yakobo.

Mateo 23:2

“Yakasambilizya ya Masunde na Afaliseo ali yano yapeelwa nsambu yakulondolola Masunde yakwe Mose.

Luka 10:39

Mata wakweti umwina wakwe kaci izina lyakwe a Maliya, uwatenzi pipi ni ngazo zya Mwene, ala akuuvwa kuli vino wasambilizyanga.

Luka 2:46

Pa wanda uwalenga yatatu alino yamuzana mu Ng'anda ikulu yakwe Leza, ala atenzi na yakasambilizya, akuuvwa nu kuuzya mauzyo.

Luka 8:35

Alino antu yapita kuyalola cati cicitika. Lyene lino iiza kuli Yesu, yazana umonsi wino mipasi yankota yafumilemo, ala atenzi pa ngazo zyakwe Yesu, watazwala, nupya wali na mano ya untu. Alino onsi yuvwa intete.

Milimo 22:3

“Nene Muyuda, uwavyalilwe mu Taliso muzi uwamu Kilikya, lelo nakulila kuno mu Yelusalemu. Gamalieli uwali kasambilizya wane. Nasambilile ningo masunde ya vikolwe vitu, nupya naipela cuze kuli Leza ndi vino mwensi mukacita, mwemuno muli pano ilelo.

Malango 14:2

Mwemwe antu yakwe Yawe Leza winu, yano waisolwela umwisikulu pa mitundu yonsi iya pano nsi kuti muye antu yakwe kololo.

Malango 4:37

Pamulandu wakuti watemilwe ivikolwe vinu, wene wamusolwile, nga mu maka yakwe akulu amufumya mu mpanga ya Eguputo.

Malango 6:1

“Yaa, ali masunde ni vyeo vino Yawe Leza winu wampeezile ilamulo kuti imusunde pakuti namwe muce mwayalondela mu mpanga ino mwasya mwingile nu kwikala mwenemo.

1 Tesalonika 1:6

Acino, lino mwazumile ilandwe, mwemo mwakolinye sweswe nu Mwene mu micitile. Mwacuzile, lelo Mupasi Wamuzilo wamusansamusyanga.

1 Petulo 1:5

Kupolelelwa kuu ukwakwe mwemwe, mwe muno mu utailo mukasungwa ningo na maka yakwe Leza kufika ku ufyusi uno ulasokololwa pa mpela ya nsita.

1 Yoane 4:19

Swemo tukatemwa pano Leza uwatandike ukututemwa.

1 Samueli 2:9

“Aliwe akacingilila antu yano yakamuyela lelo antu akacita ukakasi yene akayasunkilizya mu kanda. Pano umuntu atangacimvya ku maka yakwe wenga.