Malango 32:6 - Amazwi Yakwe Leza 2013

⁶ Uzye icumi ali vino mungacita kuli Yawe, mwe viwelewele vya antu, mwe mbutuma mwe? Ala wene ali so, uwa muumvile, uwamucisile ukuya uluko.

Malango 32:6 Kruisverwysings

2 Samueli 7:24

Walenga aina Izlaeli kuti yaye antu yako amanda pe, nu kuti nawe uye Leza wao.

Yobo 10:8

“Amakasa yako alio yambumvile nu kunjeletula ningo. Uzye lyene ndakai ukasi ukungonona ku makasa yako vwile?

Masamu 100:3

Manyini ukuti Yawe ali Leza. Aliwe uwatuumvile, nga sweswe akwakwe. Sweswe antu yakwe, imfwele zya ufyo wakwe.

Masamu 116:12

Ivyani fwandi vino ningalipa kuli Yawe apa visuma vyonsi vino wancitila?

Masamu 149:2

Izlaeli kazangile muli wiyo uwa muumvile. Antu amu Zioni kayazangile umu Mwene wao.

Masamu 74:18

Waiusya, we Yawe, ukuti anisi yako yakukuseka, nga ni viwelewele vikukusausya.

Masamu 74:2

Si iusya antu yako yano we mweneco waisololwile mpiti, yene ali antu yano wakulwile apakuti yaye umutundu wako. Iusya nu Mwamba wa Zioni, uno wikalanga mwenemo!

Masamu 95:6

Izini twingile, katukontamike amausyu itu tumupepe, lekini tufukamile Yawe Kaumba witu!

Kufuma 15:16

Intete zikulu cuze yonsi zyatiziyalema Yene yalola amaka yako wene Yawe nga iyapeziwa amano ku ntete. Yene yikala sile cele mpaka antu yako yapuzya, antu yano wakulwile mu uzya.

Kufuma 4:22

Lyene ulinzile ukuyanena Falao ukuti Nene, ne Yawe navwanga nati, ‘Izlaeli umwana wane umonsi iyeli.

Ezaya 1:2

Yawe wavwanga wati, “Uvwini mwe yulu ni nsi, uvwini vino nkuvwanga! Nalela antu yane nu kuyakuzya. Lelo yatiyansangukila.

Ezaya 27:11

Akula insaala zyuma nu kukozoka, yamangu yiza yazyoca. Pano umutundu uu utaya na mano. Ali cino na Leza, kaumba wauko atalayaela uluse. Kaumba wao atalayuvwila amizu foo.

Ezaya 43:1

Lelo ndakai, Yawe uwakuumvile we Yakobo, wiyo uwakupanzile we Izlaeli, akuti, “Utuvwa intete, pano natinkukulula, nakwama ukwi zina, wewe wakwane.

Ezaya 43:7

Ya yonsi yakaamilwa kwi zina lyane, nene nayaumvile kuti yampela ululumbi, nayapanzile nu kuyapeela umi.”

Ezaya 44:2

Nene indi Yawe wiyo uwamupanzile nu kumuumba mu ndilwa zyakwe yanyoko, nupya anene nkamwazwilizya. Utuvwa intete we Yakobo, we muomvi wane. Mwemwe antu yane akundwe yano nasolola.

Ezaya 63:16

Pano wewe kwene wewe uli Tata. Abulaamu atatumanya, Yakobo atatumanya. Lelo wemo we Yawe, wewe uli Tata, wewe uli Katuula witu pee. Ilili zina lyako ilyampiti na mpiti.

Ezaya 64:8

Lelo kwene we Yawe, ala wewe uli Tata. Swemo twaya sile wa mbuulo, nawe wakwe nakamata. Umucumi awewe watuumba.

Yelemiya 4:22

Pano kwene antu yane yatumpa, nupya yatamanya, awe. Yene yakolana na ana aula amano. Yene yatamanyile nanti cimwi. Yacenjela sile umu kucita iviipe. Yakaposiwa ukucita ivisuma.”

Yelemiya 5:21

sumbiniko amano, mwe antu atumpe nupya aulwa amano, mwemuno mwakwata amanso, lelo musilola nupya mwakwata amatwi, lelo mwemo musiuvwa.

Oseya 13:13

Wene akunyunguluka wa mwanaci wino ali pipi nu kulela. Izlaeli wapelwa insita nayuze yakuya umumi. Lelo wene iciwelewele sana, cakuti aposiwa nu kumanya cico, wa mwana akanya akali pipi nu kuloleka. Lelo lino insita yakako yakuvyalwa yapalama, kene katakasi ukufuma mu ndilwa.

Malaki 1:6

Yawe Wamaka yonsi wavwanga wati, “Umwana umonsi akacindika isi, nga umuomvi akaoopa umusambazi wakwe. Ndi cakuti nene so, lyene pacani cino musincindikila? Ndi nene musambazi winu, lyene pacani cino musyangopa? Mwe yasimapepo mwemwe mukansuula. Lelo mukauzya muti, ‘Uzye tukakusuula umu nzila cii?’

Yoane 8:41

Lelo mwemo mukacita vino so akacita.” Nao yamunena yati, “Swemo twakwata Tata wenga sile, nawi a Leza.”

Milimo 20:28

Caleka muisunge mweisikulu, musunge nu ufyo uno Mupasi Wamuzilo wamwika kuya angalizi. Muye yakacema aiuvi lyakwe Leza, lino wacisile ukuya ilya kwakwe ukupitila mu mfwa ya Mwana wakwe.

Loma 8:15

Pano Mupasi wino Leza wamupeela asi mupasi wakumucita azya nu kumucita intete. Lelo Mupasi akamucita ukuya ana yakwe Leza nga nu kupitila mu maka yakwe, tukalilila Leza tuti, “Tata, Tata!”

1 Kolinto 6:20

Leza wamukazile pa mutengo ukulu cuze. Caleka omvini mili inu mu kupeela lulumbi kuli Leza.

Galatiya 3:26

Mwensi kwene mwemwe ana yakwe Leza pa kutaila muli Klistu Yesu.

Galatiya 4:6

Leza watumile Mupasi wa Mwana wakwe mu myenzo itu, pakusininkizya ukuti sweswe ana yakwe, Mupasi wino akati, “Abba, Tata wane.”

Malango 1:31

nu mu lwanga kwene. Kuku mwaweni vino Yawe wamusenzile nzila yonsi amuleta ku cifulo cii, wakwe vino isi akasunsa umwana pa ciye.’

Malango 14:1

“Mwemwe antu yakwe Yawe Leza winu. Ali cino fwandi lino mukulosya, cisi cakwezya ukuicembola inkalo nanti ukupela ulukuzu.

Malango 32:15

“Yesyuluni, antu yakwe Yawe yaya akama, lelo yene yamusangukila. Nu kwina iina cuze cakuti yataza sile. Yafutatila Leza Kaumba wao nu kukana katuula wao uwamaka.

Malango 32:18

Yilile Yawe Leza wao, katuula wao uwamaka, wino uwayapile umi.

Malango 32:28

“Izlaeli uluko ulusielenganya ningo. Yene yatakwata amano nanti panono.

2 Petulo 2:1

Ku mpiti kwalolike yakasema yaufi pakasi ka ina Izlaeli. Mu musango uli onga kwene yakasambilizya yaufi yalaloleka munomuli. Mu nkama yene yalaleta usambilizyo uwakonona nupya usi wa cumi. Yene yalakana musambazi wino wayakulwile. Acino yalailetelela kononwa mukupumikizya.

1 Yoane 3:1

Elenganyini vino Tata watutemwa! Kutemwa kwakwe ukukulu cuze cakuti swemo twaamwa ana yakwe. Nu mu cumi avino tuli. Uu uli mulandu uno amu nsi yatatumanya, pano yene yatamanya Leza.