Malango 32:4 - Amazwi Yakwe Leza 2013

⁴ “Yawe ali kacingilila winu uwamaka, ivicitwa vyakwe vyaya ivifumaluke nupya visi vyalufyengo. Leza winu uwakutailwa nupya uwacumi wene akacita sile ivilungame ivisi vyakutitikizya.

Malango 32:4 Kruisverwysings

Utandiko 1:31

Lyene Leza alola vyonsi vino waumvile ukuti ivisuma wakwe cimwi. Nga kuya manguzi na katondo, uu wali uwanda uwalenga mutanda.

Utandiko 18:25

Cumi utangonona antu akacita vyawololoke pamwi na ankota. Citangaya, wemo utangacita cico. Ndi avino ungacita, ale lyene antu akacita vyawololoke yangavunukilwa kumwi na ankota. Awe, citangaya! Kapingula wa antu amu nsi yonsi asi uwalufyengo.”

2 Samueli 22:47

Yawe uwaumi! Lumbanyini wiyo akampokolola! Landini ukulu wakwe Leza wamaka wino akantuula!

2 Samueli 23:3

Leza wa ina Izlaeli avwanga, Ciliwe camu Izlaeli icinena citi, “Wino akaateka antu yakwe mu ulungami, wino akateeka umu coopo cakwe Leza,

2 Milandu 19:7

Acino muye antu ya coopo kuli Yawe. Mwasakamala imilimo inu pasi pano Yawe Leza witu asizumilizya ulufyengo nanti akasoozi nanti amafukakanwa.”

Neemiya 9:8

Wazanyile ukuti umwenzo wakwe uwakutontelela. Fwandi ali pakupangana nawe upangano wa kumupeela impanga yaku Kenani, impanga ya ina Hiti ni ya ina Amoli, ya aina Pelizi, ya ina Yebusi nga ni ya ina Giligasi, apakuti ingaya impanga yakwe ni ya luko lwakwe. Wemo ukawaka upangano wako, pano wewe wacumi.

Yobo 34:10

“Ali cino fwandi muvwile navwanga ukuti mwe antu ya malango kutikini ningo. Pasi pano Leza asicita icintu iciipe, awe. Wamaka yonsi asifyenga umuntu foo.

Yobo 35:14

“We Yobo, icumi wewe ungavwanga ukuti utangalola Leza, lelo umulandu wako wene wamanyikwa mpiti kunoli, wemo ukamulolela sile.

Yobo 36:23

Aweni angamulangilila ivyakucita? Aweni angapama nu kumunena ukuti cico waluvwanya?

Yobo 8:3

Uzye Leza angakana uli ukucita ivilungame? Uzye Leza Wamaka yonsi angayonganika ivilungame?

Masamu 100:5

Pano Yawe umusuma, ukutemwa kwakwe ukwa muyayaya, na ucisinka wakwe, nawo kwene uwa manda yonsi.

Masamu 138:8

Awewe we Yawe ulamalila umulimo wane onsi ndi muno walaila. Uluse lwako ulwa pe na pee. Utatazyela umulimo uno we mweneco watandike!

Masamu 145:17

Yawe umulungami umu nzila zyakwe zyonsi nupya uwa luse umu vicitwa vyakwe vyonsi.

Masamu 146:6

wiyo uwaumvile iyulu ni nsi, na yemba, nga na vyonsi ivyaya mwenemo. Wene akafikilizya amalayo yakwe pe.

Masamu 18:2

Yawe cili ciliwe cane, nupya lili linga lyane na katuula wane. Wene ali Leza wane, nupya ciliwe cane cino nkaya uku kuzina mwenemo.

Masamu 18:46

Yawe umumi. Lumbanyini Ciliwe cane! Landini ukulu wakwe Leza wino akantuula.

Masamu 19:7

Amasunde yakwe Yawe yaya alungame. Yakapeela umi upya. Upinguzi wakwe Yawe uwa cumi. Ukapela amano kuli yao akayalonda.

Masamu 31:5

Nafumbatika umwenzo wane umu makasa yako, sungala untuule we, Yawe, Leza wacumi.

Masamu 33:4

Amazwi yakwe Yawe yaya alungame, na vyonsi vino akacita vyaya ivilungame.

Masamu 78:35

Nga alino lyene iyaiusya ukuti fwandi a Leza awino yali nu kuzina kunoli, nu kuti fwandi, Leza Mukulu ali katuula wao.

Masamu 9:16

Yawe wataisokolola umwisikulu umu upinguzi wakwe ulungame. Watafyenenkezya aipe umu vicitwa vyao.

Masamu 90:16

Leka imilimo yako iloleke ku yaomvi yako, nu lulumbi lwako ulukulu luloleke ku ana yao.

Masamu 92:15

Yene ilalanga ukuti Yawe wakwata ulungi. Wene lili cele lyane nupya munoli mutaya ui.

Masamu 97:2

Amakumbi ni mfinzi vyamulilizya. Icumi nu ulungi ivikatungililila icilimba cakwe.

Masamu 98:3

Wiusya uluse na ucisinka wakwe uku ng'anda yakwe Izlaeli. Imipaka yonsi iya mumo nsi yalola ufyusi wakwe Leza witu.

Masamu 99:4

Mwene uwamaka, awewe watemwa ukulungika, waletela aina Izlaeli ulungi. Wayaletela iviziipe ni vyacumi.

Kufuma 34:6

Apita ku nkolelo yakwe Mose nga apunda ati, “Nene Yawe, Yawe, Leza wa luse na mizu, asisoka zuwa, uwazula nu kutemwa kwa manda pe, uwatailwa na antu yakwe.

Kasambilizya 3:14

Namanya ukuti vyonsi vino Leza akacita viikalilila amanda pe. Kusi nanti umuntu umwi angungilizya cimwi pa vintu vivyo. Cino Leza wavicisile apakuti swe antu twamoopa.

Ezaya 17:10

Mwe ina Izlaeli, mwatimwilila Leza Katuula winu, mutiwisye Iciliwe cinu ni cele linu ilya kuzina mwenemo. Alino lyene camutwala uku kulimila akaluwi kaleza ka inamasi, icalo ca vilemwa vya luzango.

Ezaya 25:1

We Yawe, wewe uli Leza wane. Namakulumbanya nupya namalumbanyanga izina lyako. Pano wemo wacita ivintu vyakuzunguka, umu ufumacumi, ivintu vino wapanzile ukucita na mpiti.

Ezaya 26:4

Mwataila muli Yawe insita zyonsi, pano aliwe akamutuula insita zyonsi.

Ezaya 28:16

Ali cino Yawe Simwandalali akuti, “Nemo namaimba umufula mu Zioni umucumi. Alino umufula kwene uo, namaika penepo iwe lyonga ilikome, ililemvilwe penepo amazwi akuti, ‘Uwazumila atalatenkana!’

Ezaya 30:18

Nanti cingaya vivyo, lelo kwene nemo ne Yawe namamulolelanga pakuti namukwatila uluse. Nkalondesya ukumukwatila uluse, pano nemo lyonsi nkacita ivilondoloke. Ala asyuke ayayo yano yataila muli Yawe.

Ezaya 32:2

Nayo yalaya kwati ali yakucingilila antu uku muza. Kwati ali yano yalapusukilako uku cipunga caku ufumondaka. Yalaya wa tunguzi twa manzi utwaya mu lwanga, ungati ali cisao ca mulunda umu mpanga yumalale.

Yelemiya 10:10

Lelo wemo Yawe, wewe uli Leza wacumi. Wewe uli Leza waumi, nupya Mwene wa pee. Lino wasoka, insi ikatenta. Antu amu nko zyuze yatangazizimizya ukali wako.

Yelemiya 9:24

Ndi umwi akasi kuyuvwa, alinzile wayuvwa apakumanya nene nu kwiluka vino naya, pamulandu wakuti nene indi Yawe wino akacita uluse. Nupya nkacita vyaulungami ni vyaololoke umu nsi, pano vii vili vintu vino vikanzanzya. Ivyalanda ne Yawe.”

Danieli 4:34

“Lino imyaka cinimbali yapita, ne Nebukadineza ntumpula manso umwiyulu, nga amano yane yawela. Alino nani ndumbanya Leza Wapapelapela. Impeela umucinzi nu lulumbi kuli wiyo uwaumi pee na pee. “Wene amateekanga umuyayaya, nu wene wakwe ulikalilila amanda pe.

Danieli 4:37

“Lyene, ne Nebukadineza, nkulumbanya nu kucindika nu kupeela ululumbi ku Mwene wa mwiyulu, pamulandu wakuti vyonsi vino wene akacita ivisuma nupya ivya ulungi. Nupya wene angacefya yayo acilumba.”

Habakuku 1:12

We Yawe, uzye usi wewe uwayelelela? Wewe uli Leza wane, wewe uli Wamuzilo wane wilya, aasifwa. We Yawe, wewe wasolola antu yayo kuti yalete upinguzi panotuli. Wewe uli ninga itu yakuzinamo, wemuno wika antu yayo kuti yatuvunuke.

Habakuku 1:13

Amanso yako aziliziwe cakuti yasilonda ukulola iviipe. Utangazumilizya antu aipe yatwalilile ukuyembula insi. Umulandu cii cino ungazumilizya vyamusango uu ku antu aipe? Uzye apacani cino utangatola ulutampulo lwakulesya aipe ukulovya asuma nanti akaele?

Zefaniya 3:5

Lelo Yawe acili mu musumba uo, nupya wene akacita vyaololoke. Wene asicita iviipe. Cila katondo wene akapingwila antu yakwe, ukwaula kuposiwa. Lelo yakaifya yakatwalilila ukucita iviipe nupya yasi na nsonyi.

Mateo 5:48

Caleka mwemo muye afumaluke ndi vino So uwa mwiyulu waya umufumaluke.

Yoane 1:14

Izwi wiya wizile aya umuntu, wino uwa zuziwemo cikuku nga ni cumi, nupya wizile aikala pamwi naswe. Twaweni lulumbi lwakwe lwakuya Mwana wenga sile kufuma kuli Leza Tata.

Yoane 1:17

Pano Leza wapile Masunde ku antu kupitila muli Mose, lelo Yesu Klistu watuletela uwila, cikuku nga ni cumi.

Yoane 14:6

Yesu amwaasuka ati, “Nene ndi nzila, ni cumi, nu umi. Pasi umwi angiza kuli Tata suka wizila muli nene.

Yoane 5:22

Pano Tata asyapingula umuntu ali wensi. Lelo wapela Mwana insambu yonsi yakupingula,

Loma 1:32

Nanti angala yamanya vino Leza wapingula ukuti antu akacita vii yalinzile ukufwa, lelo ala yakutwalilila kuvicita, yalundapo nu kukomelezya yao akavicita.

Loma 2:2

Lyene twamanya vino upinguzi wakwe Leza kuli yakacita ya viipe uwa cumi.

Loma 2:5

Lelo wakoma umwenzo, nupya usyalonda kuzenzuka. Caleka ukaitulikila sile ukali wakwe Leza uno alalanga pa Wanda wa upinguzi wakwe wa cumi.

Loma 3:5

Ndi twacita viipe ala cikulanga ukuti Leza wene mololoke, uzye lyene tungati uli? Uzye tungati Leza asyalungika lilyo lino akatuvunuka? Nkulanda ndi vino antu yakalanda

1 Kolinto 10:4

nga nu kumwa cakumwa cili cimwi ca umupasi, cino yamwanga kufuma mu mulunda wa umupasi uno wapitanga nayo. Nu mulunda uo wali a Klistu umwisikulu.

Malango 10:18

Wene akasakamala ukuti ana asyale na yamukamfwilwa yatafyengwa. Wene watemwa ainamasi akaikala na antu itu, nupya akayapeela ivyakulya ni vyakuzwala.

Malango 32:15

“Yesyuluni, antu yakwe Yawe yaya akama, lelo yene yamusangukila. Nu kwina iina cuze cakuti yataza sile. Yafutatila Leza Kaumba wao nu kukana katuula wao uwamaka.

Malango 32:18

Yilile Yawe Leza wao, katuula wao uwamaka, wino uwayapile umi.

Malango 7:9

Mwaiusya ukuti Yawe Leza winu aliwe ali Leza wenga sile nga nu kuti wene uwakutailwa. Wene alawaka upangano wakwe nu kulanga ukutemwa kwakwe ukwa pe ku antu amu mikulo izimbi yano yamutemwa nupya yakayela amalamulo yakwe.

Yakobo 1:17

Wila usuma onsi ni cakupeelwa cifumaluke consi cikafuma kwiyulu, kuli Tata, kaumba wino uwaumvile ivya mwiyulu vyonsi vino vikapeela luswepo. Wene ali umwi lyonsi, nupya luswepo lwakwe lusyazima nanti panono.

Yakobo 4:12

Leza aliwe wenga sile ali kapela wa Masunde nupya kapingula. Aliwe wenga sile angatutuula nanti kutonona. Uzye nsambu cii ino mukweti iyakupingula umuntu muzo?

1 Petulo 2:6

Pano calembwa mu malembelo cati, “Nasolwile iwe lyamutengo cuze, lino nkwika mu Zioni liye iwe lya pitungi, na wino wensi uwataila munoli atalacitwa insonyi.”

1 Samueli 2:2

“Kutaya nanti aumwi uwamuzilo wakwe Yawe. Kutaya nanti aumwi akoline nawe we Yawe, kutaya nanti wenga angacingilila wakwe Leza witu.