Malango 30:1 - Amazwi Yakwe Leza 2013

¹ Nupya Mose atwalilila nu kunena aina Izlaeli ati, “Nemo natimuleka kuti muisolwele mweisikulu upolelelo nanti intipu. Ivintu vyonsi vivyo lino vilamuponela pa nsita ino mulaikala pakasi ka mitundu yuze muno Yawe alamusalanganyizizya, ali lino lyene mulaiusya vino nkulanda.

Malango 30:1 Kruisverwysings

Utandiko 4:14

Lola, watunsukula ku kulima umusili nga nu ku manso yako. Ntalatala nje ni teko, nupya ndazeuluka pano nsi, na wino wensi alankomanya alankoma.”

1 Yamwene 8:34

wemo uwayuvwa kuko kuno wikala kwiyulu. Antu yako fwandi uwayayela uluse pa maifyo yao yano yacita. Uwayaswilizya nu mu mpanga ino wapile ivikolwe vyao.

2 Milandu 30:9

Nga cakuti umucumi mwaweluluka kunoli, ale lyene alalenga kuti yayo alayasenda uku uzya yayele anyonko na ana inu alamulondela apa nsizi, uluse na mizu nu kuyawezezya kumwao. Yawe Leza winu uwa luse ni cikuku. Ndi mwawela kunoli, wene alamupokelela.”

Neemiya 1:9

Lelo ndi cakuti mwaca mwawela kunondi mwalondela na masunde yane nu kuyasunga lyene antu inu, yayo aya umu uzya nanti yangikala uku mpela ya nsi, ndayakolonganika nu kuyawezezya apa ncende iyo ino nasonsile ukuti yampepelamo.’

Ezaya 46:8

“Ala mwe! Mwaiusya ivintu vii nu kwelenganyapo, muvisungile mu myenzo, mwe yacisanguka mwe!

Yelemiya 29:14

Ndaleka ukuti munzane, ndamuwezezya ni syuko lyampiti. Ndamukolonganika, apakumufumya mu mitundu yonsi nu mu ncende zyonsi muno namusalanganyizizye.” Ivyalanda Yawe.

Yelemiya 3:13

Cikulu sile umanye uyi uno wacita, apakusangukila Yawe Leza wako, apakucina umwisika lya vimuti ivivumbilikizye, alino na pakukana uvwa izwi lyane.’” Ivyalanda ne Yawe.

Yelemiya 8:3

Alino asyala yano yalapusuka ku luko kwene lulo ulwipe yalatemwa imfwa kuluta ukuya nu umi, ukuli konsi kuno ndayazingila. Vii ivyalanda Yawe Wamaka Yonsi.”

Ezekelo 18:28

Pano wene ala watalola uyi wa vintu vino wacitanga, fwandi nawe ali pakuvita. Cacumi, umuntu wiyo alaya nu umi, atalafwa foo.

Ezekelo 6:9

Mumo ali muno yalaikala uzya nu kunjiusya ali kuno yalanjiusizya nu kumanya ukuti anene nayafulwile nu kuyalenga insonyi. Pasi pano yamfumizyeko amano, yali nu lwiswa lwa tuluwi, nemo yansuuzile. Ukuya kwene yalaisuula aeneco pamulandu wa viipe ni vyawinyi vino yacitanga.

Zakaliya 10:9

Nanti nayasalanganyizizya mu inamasi, lelo namo kwene yalanjiusya mukwene muno yali. Yene yalapusuka pamwi na ana yao, nu kuwelulukila pamwi kumwao.

Luka 15:17

Lyene lino amano yamuzana aelenganya mu mano yakwe ati, ‘Aomvi yakwe tata yonsi yakalya yakwikuta na vimwi vikasyala, lelo nemo kuno namafwa kunzala!

Malango 28:28

Yawe alaleka mupene, mupafule nga nu kuvulungana.

Malango 28:64

“Yawe alamusalanganyizizya mu mitundu yuze, ukufuma ku mpela yonga ya nsi ukufika nu ku yuze. Ali kuno mulaya mukaatumikila tuleza utwakuwaza nu twapangwa ku mawe, tuto tuno mwemwe nanti ivikolwe vinu mutatala mwapepa.

Malango 29:27

Caleka Yawe ali vino wasokile antu yakwe, cakuti aleta ni vilumbelo mu mpanga yao, ivyalembwa mu lupapulo luu.

Malango 29:28

Yawe wasosile cuze, alino nu ku ukali wakwe ukulu ayafumya nu mu mpanga yao, nga ayazingila mu mpanga ya inamasi mumo muno yakwikala ukufika na pilelo.’

Malango 30:15

“Lolini! Ilelo namwikila umi nu longo, imfwa nu uwononesi.

Malango 30:19

Ndakai inamupeela cakuti musolole mweisikulu, pakasi ka umi ni imfwa, pakasi ka upolelelo wakwe Leza ni ntipu yakwe Leza, nupya naama amu mayulu na pano pansi ukuya yakambone yane. Acino sololini umi.

Malango 32:36

Yawe alakulula antu yakwe lino alalola ukuti amaka yao yasila. Alaya na mizu kuli yao akamutumikila, lino walola ukuti awe lyene yacepelwa amaka. Nu kulola ukuti awe lyene yasyala ancepelwa, cisi cimwi yangaya azya nanti antungwa.