Malango 3:22 - Amazwi Yakwe Leza 2013

²² Mutakezye ukuyoopa. Yawe Leza winu umwisikulu alamulwisizya.’

Malango 3:22 Kruisverwysings

2 Milandu 13:12

Swemo, a Yawe akatutungulula. Yasimapepo yakwe ali yano twaya nayo pano, yalemile ni ntandala nupya aiteyanye kuti yalizye apakuti tukatuke nu kwiza ukukumulwisya. Ali cino fwandi, mwe ina Izlaeli mutaezya ukulwisya Yawe Leza wa vikolwe vinu! Pano lyene ale mwaicuzya sile nu kucimvya mutangacimvya foo!”

2 Milandu 20:17

Citalingine kuti mukalwisye pakwene. Mwemo mukikale celu, ale mukuceleka nu kulolelela vino Yawe alamulwila ulwi uu mwensi mwe ikazi aku Yuda nu ku Yelusalemu. Mutuvwa intete nanti kutovoka. Mutondo muce mufume mukalwe nayo, nga Yawe nawe alaya namwe pee.’”

2 Milandu 20:29

Lyene yamwene yonsi ayazingulwike yuvwa intete wakwe cimwi apa kuuvwa ukuti Yawe uwalwile inkondo pa anisi ya ina Izlaeli.

Neemiya 4:20

Ali cino fwandi konsi kuno mumauvwila ukulila kwa ntandala, akuno mulinzile mwasimwilila zuwa. Leza witu aliwe amatulwisizyanga.”

Masamu 44:3

Visi vyanzo vyao foo, kuno yacimvizye impanga. Nanti asi uku vyanzo vyao foo, kuno yapokile impanga. Lelo uku maka yako nu ku kukalala kwako sile. Pano lyonsi sile wayanga nayo, nu kuyatemwa wayatemilwe.

Kufuma 14:14

Yawe aliwe amamulwila ulwi. Mwemo mwikale sile myaa.”

Kufuma 14:25

Yawe alenga kuti mipeto ya maceleta yao isokozoke, cakuti iyapita panono panono. Aina Eguputo yavwanzyanya yati, “Yawe akulwila aina Izlaeli yaa. Acino lekini tuutuke ukufuma kunoyali.”

Mpendwa 21:34

Yawe anena Mose ati, “Utamoopa, pano namakupeela ucimvyo pali aliwe, na pa antu yakwe onsi, nga na pa mpanga yakwe. Ucite kunoli wakwe vino wacisile kuli Siooni umwene wa ina Amoli, uwatesile mu Hesyiboni.”

Malango 1:30

Yawe Leza winu amamutungulula, nga amamulwisizya, wakwe vino mwaweni akucita mu Eguputo

Malango 20:1

“Ndi mwaya ku kulwa inkondo, mwalola ukuti anisi inu pamwi ni vilwilo vyao ivya nkondo ivili wa maceleta, ni mfwalasi, vyaluta iviinu ku wingi, mutakuvwe intete. Pano Yawe Leza winu, uwamufumizye mu Eguputo alaya namwe.

Malango 20:4

Yawe Leza winu amapita namwe, amamupeela na maka akucimvya.’

Malango 3:21

“Lyene napeezile Yoswa ilamulo, inti, ‘We mwisikulu wailolile vyonsi vino Yawe Leza wako wacisile kuli yamwene yaya yaili, Siooni na Ogi. Ali vino ali nu kucita ku mwene ali wensi uwikala mu mpanga ino mulasawanga nu kwikala mwenemo.

Malango 3:23

“Pa nsita ilya napefile nu mwenzo onsi inti,

Yoswa 10:42

Yoswa wacimvizye yamwene yaa yonsi ni mpanga yao pa nsita ili yonga, pamulandu wakuti Yawe, Leza wa ina Izlaeli walwisizyanga aina Izlaeli.

Yoswa 23:10

Wenga uwa munomuli angacocovya antu izimbi lyonga, pamulandu wakuti Yawe aliwe akamulwisizya wakwe vino wene walavile.