Malango 2:23 - Amazwi Yakwe Leza 2013

²³ Kulanda pa ina Aavi, yano yatenzi mu misumba yonsi mpaka ukufika nu ku Gaza, impanga yao yaposilwe na ina Kafitoli afumile ku Kafitoli, yayo ayakomile nu kwikala mu mpanga yao.)

Malango 2:23 Kruisverwysings

Utandiko 10:14

Patulusi, Kasilu, na Kulete (uwali cikolwe ca ina Filisti) na ina Kafitoli.

Utandiko 10:19

cakuti umupaka wa ina Kenani wafisile ukufuma ku Sidoni ukuya ku Gelali nu ku Gaza kufika ku ufumondaka, ulunga na Sodoma na Gomola, Adima nu ku Zeboimu mpaka kufika na Lasya.

1 Yamwene 4:24

Pano wene wateekanga amawene yonsi ayela lwaku uwondaka wa luzi lwaku Yufulate, ukutandikila ku Tifisa mpaka ukufika ku Gaza, nupya mwali umutende mu mpanga yakwe ni mpanga zyonsi izyamuzingulwike.

2 Yamwene 18:8

Ali wino wakomozile na ina Filisti, nu kucimvya ivifulo vyao ukufika nu ku Gaza, nu konona impanga yao, ukutandikila sile pa cimpinda cao ukufika nu ku misumba inono mu mpanga yao yonsi iyayazinguluka.

1 Milandu 1:12

Patulusi, Kasilu na Kulete (yao ali ivikolwe vya ina Filisti).

Yelemiya 25:20

alino na maumba yonsi aenyi yao, yamwene yonsi a mpanga ya Uzi, yamwene yonsi a mpanga ya Filisti, Asyikeloni, Gaza, Ekiloni na yano yasiile mu Asyidodi.

Yelemiya 47:4

Pasi pano lyene uwanda watiwiza uwakulovya aina Filisti yonsi, uwanda wakucilikilako asyala yonsi yano yangazwilizya aina Tuli na Sidoni. Yawe ali pipi nu konona aina Filisti, insyazi zyamu nkumba yakwe Kulete.

Amosi 9:7

“Uzye mwe ina Izlaeli mutakoline na ina Kusyi? Avino Yawe wavwanga. Uzye asi nene nafumizye aina Izlaeli ku Eguputo? Uzye asi nene nafumizye aina Filisti ku Kafitoli na ina Asilya ku Kili?

Zefaniya 2:4

Umusumba wa Gaza mutalasyala umuntu, nu wa Asyikeloni ulasyala icipompa. Lino ilanzi lilafika umutwe pakasi umusumba wa Asyidodi mutalasyala nanti cimwi, na ikazi yamu musumba wa Ekiloni yalazingwa mwenemo.

Zakaliya 9:5

Aikazi amu Asyikeloni yalailolela na manso yao kuno cii cilacitika, ni ntete zilayalema. Aikazi amu Gaza nayo yalacula wakwe cimwi. Avino cilaya ku amu musumba wa Ekiloni, pano vino yataila yatalavilola foo. Umwene uwamu Gaza alalowa, na Asyikeloni alasanguka itongwa.

Milimo 17:26

Ukufuma ku muntu wenga, waumvileko imitundu yonsi iya antu nu kuleka kuti ikale mu nsi yonsi. Wisile utusita utwalinga na yanande ya vifulo vyao vya kwikalamo.

Yoswa 10:41

Yoswa ayacimvya ukutandikila ku Kadesyi Banea ukufika nu ku Gaza nga nu kutandikila ku mpanga yonsi iya Gosyeni ukufika nu ku Gibyoni.

Yoswa 11:22

Kutali umwina Anaki uwasile mu mpanga yonsi iya ina Izlaeli, suka sile mu Gaza, mu Gati, nu mu Asyidodi.

Yoswa 13:3

ukufuma ku Luzi lwa Syioli lwaku ufumondaka wa Eguputo ukufika nu ku mpanga ya Ekiloni ku katutu, yonsi kwene ino ikapendwa wa mpanga ya ina Kenani (ili mpanga yakwe yamwene yasano ya ina Filisti ateekanga mu Gaza, mu Asyidodi, mu Asyikeloni, mu Gati nu mu Ekiloni, impanga ya ina Avimu.)

Yoswa 15:47

Na Asyidodi, kumwi ni misumba ni mizi yakweyo. Na Gaza, kumwi ni misumba ni mizi yakweyo ukufika nu ku Luzi lwa Eguputo nga ni mpanga yamu nkumba yakwe Yemba wa Adiliya.

Yakapingula 1:18

Aina Yuda iyapoka ni misumba ya Gaza, Asyikeloni na Ekiloni, cila musumba ni mpanga yakweo.