Malango 16:19 - Amazwi Yakwe Leza 2013

¹⁹ Yene yasi nu kuya nu lufyengo nanti akasoozi pa kupingula. Nupya yatalinzile ukutoola amafukakanwa, pano amafukakanwa yakapafuzya antu ya mano na acumi kwene, nu kuleka kuti yatapingula ningo.

Malango 16:19 Kruisverwysings

Masamu 15:5

Wiyo asilonda ukukwilila umu mpiya zino wakongwesya. Wiyo asipokelela amafukakanwa pakuti yafyenge uwakaele. Muntu wino akacita ivintu vii, pasi icintu nanti conga icingamuponya.

Kufuma 18:21

Lelo kulunda pali vii, ulinzile kusola aonsi yamwi ampomvu nu kuyasonta kuti yaye wa ntunguluzi zya antu. Mu musango uu, intunguluzi zya antu mazimbi, na yamwi antu imyanda, na yamwi antu amakumi yasano, na yamwi antu ikumi. Yalinzile ukuya antu akaopa Leza. Yalinzile ukuya atailwe nupya atangazumilizya mafukakanwa.

Kufuma 23:2

Utawila kuli cele wensi lino yakucita iviipe. Utazumilizyanya nayo lino yakuvwanga umboni waufi uno ukaonona ulungami pakuti uzanzye aingi.

Kufuma 23:3

Pakupingula umuntu mupina utaya na kasoozi.

Mapinda 15:27

Umuntu wino akakumbwa ivyuma vya lufyengo akaletelela sile ing'anda yakwe, lelo wino wapata amafukakanwa alakwata uumi.

Mapinda 17:23

Umwipe akapoka amafukakanwa, afisa umwilaya lyakwe, ali pakunyonganika upinguzi.

Mapinda 18:5

Cisi cisuma ukuvwangila umuntu mwipe, nanti ukufyenga uwakaele pakumuputwila umulandu.

Mapinda 24:23

Ivyalondelela penepo, imvwango zino zyafuma uku antu ya malango. Ukuya nu muncizyanya apa kuputula imilandu kutazipa foo.

Mapinda 24:28

Utaya nu umboni wakusinila umuzo ndi cakuti utasininkizye umulandu, nupya utezya wavwanga ivintu ivya kumufyengelekezya umulandu.

Mapinda 31:5

Pano limwi ndi yamwa, yangakoleka icakuti yilile vino yangapingula, yasuule ni nsambu zyakwe yayo akucula.

Kasambilizya 7:7

Umuntu angaya uwamano, lelo ndi watumpoka umuntu umwi ala waicita wa ciwelewele. Ukupokelela amafukakanwa kukaonona umwenzo wa muntu.

Ezaya 1:17

Tiini ukwifya. Sumbini amano ku kuzifya. Sumbini amano inu ku kucita ivya ulungi. Mwaazwilizya antu akafyengwa. Mwapingula ningo ana asyale. Mwaazwilizyako yamukamfwilwa.”

Ezaya 1:23

Intunguluzi zyako zyatizitalama, iziya a yacuza ya ivi. Lyene yakazumilizya utwawila na mafukakanwa. Yatangeyezye lyene ukuvwangila ana yasyale mu cilye nanti ukuvwa ku ntazi zyakwe yamukamfwilwa.

Ezaya 33:15

Ala mungapusuka ndi mwatandika ukucita ivyaololoke nu kulanda ivyacumi. Fwandi mutaya nu lwiswa umu kulonka ivyuma ku alanda, nupya mutapokelela amafukakanwa. Mutaezya ukuvwana na yacikoma, nanti yayo akacita iviipe.

Yelemiya 5:28

Yaya antu yamwi aine nupya atozoke indilwa, nga ni vicitwa vyao iviipe wakwe cimwi. Yene yasipela ana asyale insambu zyao nanti kucita vyaulungi kuli yao azunyiwa.’ ”

Ezekelo 18:8

Asiliila muli vino wazimisya, asipoka nsonse, akafuntusya iminwe yakwe ku viipe, akapingwila na antu mu ulungi.

Ezekelo 22:12

Antu yako yamwi yakalipilwa impiya ndi yakoma umuntu. Yamwi yakapokelela amafukakanwa pali vino yakakopesya aina Izlaeli yauze, yakasanguka akama pamulandu nu kucenjezya auze. Lelo kunondi iyanjilila sile. Ivyalanda ne Yawe Simwandalali.

Aina Levi 19:15

Uye umufumacumi lino ukupingula imilandu. Utacita kasoozi pakasi ka muntu mupina nu mukama. Lelo wapingula umuntu muzo mu ulungami.

Mika 7:3

Yene a yafundi apakucita iviipe. Intunguluzi zikalenga amawila, na yakapingula nayo yakalonda amafukakanwa. Antu yamaka nayo yanena antu iviipe vino yakasi. Avili vino yene yakaumana akapi.

Habakuku 1:4

Caleka amasunde yatacikweti amaka, nu ulungami utakweti incito awe. Antu aipe yakafyenga antu asuma, caleka ulungami wavulunganyiziwa.

Milimo 10:34

Petulo atandika ukuvwanga ati, “Ndakai namanya vino ica cumi Leza ataya na kasoozi pa muntu ali wensi.

Milimo 16:37

Lelo Paulo anena asilika ati, “Tutazanyilwe nu mulandu nanti umwi, lelo yatumile ivikoti apaswe, nupya sweswe ikazi yamu Loma! Lyene yatusumbila mu ng'anda yaminyololo. Uzye ndakai yakulonda uli kuti yatuleke mu nkama? Awe citangaya vivyo! Yakapingula ya milandu a Ciloma aisikulu yalinzile kwiza tufumya.”

Milimo 23:3

Lyene Paulo amunena ati, “Nawe Leza alakuma we lung'umba we muno wapakwa umula. Utenzi papo kuti umpingule kulingana na Masunde yakwe Mose, lelo ukuvuna masunde pa kupeela ilamulo kuti yangume!”

Malango 10:17

Acino lyene mumanye ndi vino Leza winu ali Leza uwaluta yaleza yonsi. Wene umukulu nupya uwamaka nu wakoofya, wino ataya na kasoozi nupya asizumila kutoola amafukakanwa.

Malango 16:18

“Mu misumba inu yonsi ino Yawe Leza winu alamupeela muce musonte mwenemo yakapingula ya milandu pali pamwi na makombe ukufuma mu nko zinu zyonsi. Antu yao, ali yano yalapingula auze ukwaula kasoozi.

Malango 24:17

“Mutaezya kufyengelekezya ainamasi na ana asyale pa nsambu zyao. Nupya mutaezya kutoola cakuzwala cakwe mukamfwilwa kuti ciye kamukole pa nkongole zino amukwatile.

Malango 27:19

“ ‘Katipwe kuli Leza wiyo wensi akafyenga umwinamasi, ana asyale, na yamukamfwilwa.’ “Lyene antu yonsi yalalanda yati, ‘Ee mukwai! Kaciye vivyo kwene!’

Malango 27:25

“ ‘Katipwe kuli Leza wiyo wensi aalatola mafukakanwa kuti akakome umuntu asi uwa mulandu.’ “Lyene antu yonsi yalalanda yati, ‘Ee mukwai! Kaciye vivyo kwene!’

1 Samueli 12:3

Anene apanondi, munsinile pa manso yakwe Yawe na pa manso ya muntu wino watansonta ukuya umwene winu. Uzye aweni wino natazile intolela masaye wakwe nanti punda wakwe? Nanti wino natolile ivintu mu ucenjezi? Uzye aweni wino nacuzizye? Akuli weni kuno natoozile amafukakanwa? Ndi cakuti akunoli wino nacitile cimwi pali vii, mukwai namamuwezezya.”

1 Samueli 8:1

Walanga Samueli wakota, wasonsile ana yakwe aonsi kuti alio yangaya yakapingula pakasi ka ina Izlaeli.

1 Samueli 8:3

Lelo yene yatatozile imiyele yakwe isi. Yene yalondelile sile ukupanga ulupiya. Avili vino yapokelelanga amafukakanwa nu kuipingula ukwaula ukulondela icisinka.