Malango 12:5 - Amazwi Yakwe Leza 2013

⁵ Muce mwapepela Leza winu pa ncende ino umwisikulu alasolola ukufuma mukasi ka mitundu inu pakuti apano yonsi yakakonganila ku kumulumbanya.

Malango 12:5 Kruisverwysings

1 Yamwene 12:27

ukumulandu wakuti antu ndi cakuti yatwalilila kutumbela ukuya ku Ng'anda ikulu yakwe Yawe ku kupepa nu kukupeela impolelwa, ale amano yao yalaswilila ku mwene wao Leoboamu, umwene waku Yuda. Lyene yalankoma nu kuswilila ku mwene Leoboamu.”

1 Yamwene 14:21

Leoboamu umwana umonsi wakwe Solomoni wali umwene waku Yuda. Wene wali ni myaka amakumi yani na onga lino watandike ukuteeka, nga wateesile imyaka ikumi na cinimbali mu Yelusalemu, umusumba uno Yawe wasolola pakasi ka mitundu yonsi yamu Izlaeli pakuti amuno yangamupepela. Nyina wali a Naama, umwina Amoni.

1 Yamwene 8:16

‘Ukutandika sile lino ne Yawe nafumizye antu yane, aina Izlaeli mu Eguputo, ntatala nasolola umusumba uwa kukuula mwenemo Ng'anda ikulu ya kumpepela mwenemo. Lelo nakusolola wewe Davidi kuti wateeka nu kutungulula antu yane aina Izlaeli.’ ”

1 Yamwene 8:20

“Ali cino fwandi lyene Yawe watafikilizya ulayo wakwe. Pasi pano nene napyana Davidi, kuti nateeka aina Izlaeli ndi muno walavile, nga natinkuulila Yawe Ng'anda ikulu, Leza wa ina Izlaeli, umwakuti izina lyakwe lyauvwika.

1 Yamwene 8:27

“Uzye we Leza wewe ungikala na antu pa mpanga ya pano nsi? Nga vino iyulu ilitaikulila litange likukumane foo. Ale fwandi, uzye ing'anda ino ninkuula ali ino ingakukumana?

1 Yamwene 8:29

Uwalu kusumba amanso apa ng'anda ino ya kukupepela mwenemo usiku nu musanya, umu ncende ino twatitusolola ukuti twakupepela mwenemo. Sungala unguvwe likwene lino nkukupepa mu ng'anda yako.

2 Yamwene 18:22

Aina Asilya iyatwalilila na mazwi iyati, “Limwi mukulonda mutunene ukuti mukutaila muli Yawe Leza winu. Nga awiyo wene umutupu watamozile incende zyakupepela mwenemo utuluwi kumwi nu tuvuwa, zino Hezekiya wakuuzile nu kunena antu aku Yuda na amu Yelusalemu ati, ‘Mwapepela apa kavuwa kaa, kaku Yelusalemu.’

1 Milandu 22:1

Acino Davidi avwanga ati, “Pa ncende ii, apalinzile kuya Ng'anda ikulu yakwe Yawe Leza, nga pakwene apalinzile kuya kavuwa ka mawila yakoca ya ina Izlaeli.”

2 Milandu 7:12

Yawe wamulolekile usiku nga amunena ati, “Natinuvwa ipepo lyako nupya natimpokelela Ng'anda ii ikulu ukuti apano mumampeelelanga impolelwa.

Ezila 3:2

Nga lino Yesyua umwana wakwe Yozadaki pamwi na yasimapepo yauze na Zelubabeli umwana wakwe Syeatieli nga na aomvi yauze iyatandika uku kuula kavuwa kakwe Leza wa ina Izlaeli apa kocela impolelwa ndi vino calembwa umu mpapulo zyakwe Mose umuntu wakwe Leza wilya.

Ezila 6:12

Yawe umwisikulu uwasolwile ukuti izina lyakwe likasyalilile uku Yelusalemu, angavwintila ukutali wiyo wensi uwaca wasuula isunde lii, nu kupanga ukuti akonone ng'anda ii yakwe Leza nupya. Nene ne Dalyusi nati akawe nalyo! Napeela ni cipope cii. Fwandi inkuti kacalondelwa ningo.”

Ezila 7:17

“Impiya zyonsi ni vyuma ivingazanwa ivyakukalila ingo'mbe, imfwele, ivyakulya, ivyakumwa nu kuvipeela vyonsi pyu apa kavuwa ka Ng'anda ikulu yakwe Leza umu Yelusalemu.

Neemiya 1:9

Lelo ndi cakuti mwaca mwawela kunondi mwalondela na masunde yane nu kuyasunga lyene antu inu, yayo aya umu uzya nanti yangikala uku mpela ya nsi, ndayakolonganika nu kuyawezezya apa ncende iyo ino nasonsile ukuti yampepelamo.’

Masamu 78:68

Aluko lwakwe Yuda ayano wene wasolola, nga nu mwamba Zioni ali uno watemilwe wakwe cimwi.

Kufuma 15:2

Yawe akalenga kuti inje na maka, ali wino wampususya ku anisi yane. Wene ali Leza wane, wino namalumbanyanga, Leza wino tata wapepanga, nupya namamucindikanga.

Kufuma 20:24

Nemo mwankuulila kavuwa kivu apano mwampeelela amawila inu akoca na autandano, imfwele ni mbuzi nga ni ng'ombe zinu. Pa ncende yonsi ino namunena kuti mwampepelapo, apano Nene namaizanga ku kumupolelela.

Kufuma 25:22

Ndakomenkana nawe kuku kwene, nupya papela ya ntupiko, pakasi kakwe yakelubi, indakunena malamulo ya antu yane aina Izlaeli.

Yelemiya 26:2

“Imilila mu musolo wa ng'anda ya Mwene nu kuvwanga vino ninkunena ku antu yano yafuma mu misumba yaku Yuda, nu kwiza kuno ku kupepa. Utasya nanti conga pa kuyanena.

Yelemiya 7:12

Pitini muye ku ncende imwi yaku Syilo, umusumba uno pakutandika wamanyikwe pamulandu wi zina lyane. Mumaya mukalole vino nacisile ku antu yane aina Izlaeli apamulandu wa uyi wao.

Yelemiya 7:14

Acino, ivintu vino nacitile Syilo avino ndacitila Ng'anda ikulu ii iyakwane, ino mwemo mwataila mwenemo, incende ino napiile ku vikolwe vinu.

Aina Levi 17:4

mu cifulo cakumuleta pa mulyango wi Taalu lya Ukongano, kuti apeele masaye wiyo wa mawila kuli Yawe ku nkolelo yi Taalu lya Ukongano lyakwe Yawe, umuntu wiyo alinzile kupelwa mulandu wa katwe. Wene watazwisya uwazi nupya wene alinzile kusukulwa mu antu yane.

Mpendwa 7:89

Lino Mose wingile mwi Taalu lya Ukongano ku kulanda na Yawe, wene uvwile izwi ukufuma pakasi kakwe yakelubi, papela ya ntupiko ya Mbokosi ya Upangano, ala likulanda kunoli. Nga nawe avwanga na aliwe.

Malango 12:11

Yawe umwisikulu aliwe alasolola incende pakuti mwamupepela. Papo kwene ali pano mulatwala vyonsi vino ne Mose namukonkomezya. Ni vintu vivyo vili wa mawila inu akoca nga ni mpolelwa zinu zyuze. Alino ni vikumi na mawila inu, nga na mawila yauze aiyele yano mwalaya ukupeela kuli Yawe.

Malango 12:13

Mutakezye ukutuula amawila inu akoca pa ncende yonsi ino mwaitemelwa.

Malango 12:18

Mwemwe kwene kumwi na ana inu, aomvi inu alino na ina Levi akaikala ku misumba inu muce mwavilila vivyo vyonsi pa manso yakwe Yawe Leza winu, pa ncende yonga mpo iyakupepela penepo. Papo kwene ali pano muce mwaliila nu kusansamuka pa vintu vyonsi visuma vino Yawe Leza winu wamupeela.

Malango 12:4

“Mutakezye ukupepa Leza winu mu musango uno antu yayo yakapepela tuleza twao.

Malango 14:23

Alino muce mwaya pa ncende yonga sile ino Yawe wasolola ukuti ingaya incende ya cifulo ci zina lyakwe. Kuko kwene pa manso yakwe Yawe Leza winu ali kuno mungaliila icipande conga pa vintu ikumi ivya uzombozi winu, ivili wa vilimwa, waini, amafuta ya miolivi alino na mayeli ya ng'ombe zinu ni mfwele. Muce mwacita vivyo pakuti musambilile ukulanga icoopo kuli Yawe Leza winu mu nsita zyonsi.

Malango 14:24

Ndi cakuti incende iya kupepela penepo ili ukutali na kuno mukaikala, cakuti mungaposiwa ukutwala icikumi cinu kweneko ica pali vino Yawe watamupolelela, lyene mucite vii.

Malango 15:20

Cila mwaka mwemwe pamwi na amu ng'anda zinu muce mwazifyula nu kuzilila pa manso yakwe Yawe pa ncende yonga ino wene wasolola.

Malango 16:11

Muce mwasansamuka pa manso yakwe Yawe Leza winu, mwemwe pali pamwi na ana inu, na aomvi inu, na ina Levi, na inamasi, na ana asyale, alino na yamukamfwilwa yano mukaikala nayo. Muce mucite cii pa ncende yonga iyakupepela penepo.

Malango 16:15

Muce mwacindika Yawe Leza winu pa kuzevya icimulo cii pa manda cinimbali pa ncende yonga ino Yawe alasolola. Mulinzile mwaya ansansa pano Yawe watamupolelela ni vyauzombozi alino ni milimo inu.

Malango 16:2

Muce mwaya pa ncende ili yonga kwene iyakupepela penepo. Ali pano muce mwafyulila imfwele yonga pa mfwele zinu nanti ing'ombe, wa mpolelwa ya Cimulo ca Ucilo kuli Yawe Leza winu.

Malango 16:6

Muce mwazifyulila sile pa ncende ino wene alasolola iyakupepela penepo. Nupya insita ya kufyulila penepo alilya lino ilanzi lyatilyawa, pa kulinganya insita ilya kwene ino mwafumile mu Eguputo.

Malango 16:7

Muce mwaeleka nu kuilila pa ncende ilya kwene yonga mpo iyakupepela penepo. Alino lyene akatondo imuswilila kumwinu.

Malango 17:8

“Limwi mungazana ukuti imilandu imwi iyacikaya yatala wakwe cimwi ukupingulwa kuli yakapingula akaya. Imilandu iyo ili wa nsambu zya cuma ca muntu, ukucisa umuntu, nga nu kukoma umuntu ukumufulo nanti ukwaula umufulo. Lino icamusango ndi uwo cacitika, cakuti cacuzya yakapingula, muce mwaya ku ncende iya kwene iya kupepela penepo.

Malango 18:6

“Umwina Levi ali wensi wino akasi angiza ku ncende yonga iyakupepela penepo ukufuma ku musumba uli onsi mu Izlaeli.

Malango 26:2

cila muntu panomuli alinzile watola umuse nga aikemo iviseekwa vyankolelo ivya pa vilimwa vyonsi vino alazombola. Lyene muvisende nu kuvitwala ku ncende ino Yawe Leza winu alasolola ukwa kumupepela.

Malango 31:11

mulinzile kuwelengela aina Izlaeli isunde lii pa Cimulo ca Nsakwe lino yiiza ku kupepa Yawe pa ncende ino wene wasolola.

Kolose 2:9

Mwata wakwe Leza onsi waya muli Klistu, mu untu wakwe,

Ayebulai 12:22

Lelo mwemo mwiza ku Mwamba wa Zioni nu ku musumba wakwe Leza uwa umi, Yelusalemu uwa kwiyulu, muno mwaya angeli mintapendwa.

Yoswa 18:1

Pacisila lino iuvi lyonsi lya ina Izlaeli lyapokolola impanga yonsi pyu, lyakongine ku Syilo kuko kuno lyasimfile ni Taalu lya Ukongano.

Yoswa 22:11

Aina Izlaeli asile iyuvwa ukuti amu mutundu wakwe Lubeni, na wakwe Gadi, nga nu mutundu pakasi wakwe Manase yatiyakuula kavuwa pa mupaka wa Kenani pa Geliloti, pipi nu Luzi lwa Yodani ku mbalama ya ina Izlaeli.

Yoswa 9:27

Ukufuma pa wanda kwene ulya, Yoswa apeela aina Gibyoni umulimo wa kutiya inkwi nu kusembela iuvi na kavuwa kakwe Yawe amanzi. Ukufika na pilelo kwene yene yakaomba umulimo uwo pa ncende ino Yawe wasolola.

Umbwilo 14:1

Nupya ndola Mwana wa mfwele aimi pa mwamba wa Zioni. Wene wali pamwi na antu mazimbi mwanda onga makumi yani na yani (144,000) yano pa mausyu yao palemvilwe izina lyakwe nga ni zina lyakwe Isi.