Malango 10:20 - Amazwi Yakwe Leza 2013

²⁰ Mwaoopa Yawe Leza winu nu kumutumikila. Muye akutailwa kunoli nu kucita amalayo inu mwi zina lyakwe aliwe wenga sile.

Malango 10:20 Kruisverwysings

2 Yamwene 18:6

Na cico cali umukuti aliwe wenga sile wasakamalanga Yawe ukwaula ukumusangukila. Wene wayelanga amasunde yano Yawe wapile Mose.

Masamu 63:11

Lelo umwene umusambazi wa mpanga ino, wene alakuzangila we Leza. Na yao yonsi akalondela we Leza, yalasansamuka. Lelo utulomo twakwe yayo akatumpoka, twene yalatumatilizya.

Kufuma 20:7

“Utalumbula izina lyakwe Yawe Leza wako mu mwata wipe. Pano Nene, ne Yawe Leza wako, ndavunuka ali wensi akalumbula izina lyane mu mwata wipe.

Kasambilizya 12:13

Fwandi vyonsi vyativyuvwika. Izwi lyakumalilila umulandu aili: uwaoopa Leza nu kuyela amasunde yakwe, pano acino antunze yaumbilwe.

Ezaya 45:23

Nkulapa nemwisikulu umwi zina lyane, akanwa kane kakavwanga amazwi ampomvu, yano yatangeyasenulwe, akuti, ‘Ikokola lyonsi lilamfukamila, na antu yonsi yalalapa umwi zina lyane.’

Yelemiya 4:2

Ndi cakuti mwalapa umu cumi, mu ufumaluke nu mu ulungami umwi zina lyane ne Leza waumi, ale lyene antu amu mitundu yonsi yasyala yalapolelelwa ukufuma kunondi. Nupya ukupitila munondi ali muno yalalumbanya izina lyane.”

Mateo 4:10

Yesu amunena ati, “Senka pano Ciwa, pano calembwa mu malembelo cati, ‘Wapepa Mwene Leza wako, wene wenga sile awino uwatumikila.’ ”

Luka 4:8

Yesu aasuka ati, “Calembwa mu malembelo cati, ‘Wapepa Mwene Leza wako, wene wenga sile awino watumikila.’”

Milimo 11:23

Lino wafisile nu kulola vino Leza wapolelile antu, aya nu luzango nga ayanena yonsi kuti mu myenzo yao yatwalilile mu utailo ni cumi ku Mwene.

Loma 12:9

Kutemwa kutayamo usomvi. Musule vintu viipe vyonsi. Lemasyini visuma vyonsi.

Malango 11:22

“Ndi cakuti mwayela amalamulo yonsi yaa yano nkumupeela kuti mwayalondela, ukutemwa Yawe Leza winu, nu kuyela amasunde yakwe yonsi nu kuya acumi kunoli,

Malango 13:4

Fwandi muce mwalondela Yawe Leza winu nu kumupeela umucinzi. Sungini amasunde yakwe nu kumuyela. Mwamuombela nu kuya akutailwa kunoli.

Malango 30:20

Muce mwatemwa Yawe Leza winu, mwamuyela nu kuya akutailwa kunoli, nga nawe alaleka mwemwe na amu mupanda winu mwikale amanda avule mu mpanga ino walavile ukupeela ivikolwe vinu, Abulaamu, Isaki, na Yakobo.”

Malango 4:4

lelo mwemuno mwali acumi kuli Yawe Leza winu mucili nu umi apilelo.

Malango 5:11

“‘Utalumbula izina lyakwe Yawe Leza wako mu mwata wipe. Pano Nene, Ne Yawe Leza wako, ndavunuka ali wensi akalumbula izina lyane mu mwata wipe.

Malango 5:29

Endi, si cizipe imyenzo yao avino iye iyakoopa nene nu kusunga amasunde yane yonsi insita zyonsi, pakuti vyonsi viyazipile kumwi na ana yao amanda pe!

Malango 6:13

“Mwaoopa Yawe Leza winu. Mwamupepa aliwe wenga sile nu kucita ivilayo umwi zina lyakwe mpo.

Yoswa 23:7

Mutaezya ukusakana na antu amu nko zi zyonsi izyasyala pakasi kinu. Mutaezya ukulumbula amazina yakwe tuleza twao nanti ukuomvya amazina yatuko nu mulapo. Mutaezya kufukamila nanti kupepa tuleza tuto.

Yoswa 23:8

Lelo mulinzile kuya acumi kuli Yawe Leza winu, wakwe vino mwacita kufika ni lelo kwene.

1 Samueli 7:3

Samueli anena aina Izlaeli ati, “Ndi cakuti mwawelela kuli Yawe ni myenzo inu yonsi, fwandi mulinzile ukusumba tuleza twa inamasi na maunkolanya yakwe tuleza twa inamasi na yakwe Asyitaloti. Muipelesye sile kuli Yawe wenga mpo, awino mwatumikila. Nawe alamutuula ku maka ya ina Filisti.”