Malango 1:7 - Amazwi Yakwe Leza 2013

⁷ Pangululini insakwe zinu nga muye ku nkolelo. Yangini ku mpanga ya myamba iya ina Amoli nga nu ku ncende zyonsi izizingulwike lwaku Cifoloma ca Yodani, ku mpanga ya myamba nu ku mpanga zitambalale, lwaku kaeya, nga nu ku nkumba yakwe Yemba wa Adiliya. Yangini ku mpanga ya Kenani mupitilile kucila pa Myamba ya Lebanoni mufike nu ku luzi lukulu lwa Yufulate.

Malango 1:7 Kruisverwysings

Utandiko 12:9

Lyene Abulamu atenuka nga atwalilila kwendezya impanga aya ku kaeya afika ku Lwanga lwa Negebu.

2 Samueli 8:3

Davidi acimvya nu mwene kwene uwa mpanga iya Asilya ino ikaamwa ukuti Zoba. Nga acimvya na Hadadezeli umwana umonsi wakwe Leobu lino wali pa ulendo kuti aswilile pa wene wa mpanga yonsi iyalondelela Luzi lwa Yufulate.

1 Milandu 18:3

Ukulundapo, Davidi alwisya Hadadezeli umwene waku Zoba, apipi nu ku Hamati, apa nsita ino waile ku kukomya uwene wakwe lwaku Luzi lwa Yufulate.

1 Milandu 27:29

Syitilai waku Syaloni wawakanga amaufyo ya iviteekwa ivya cemelwanga ku Syaloni. Syafati umwana umonsi wakwe Adilai wawakanga amaufyo ya viteekwa umu vifoloma.

1 Milandu 5:9

Lwa ku ufumondaka nako yatenzi mu mpanga ilya mpaka ukufika umwapelela ulwanga lwamu nkumba ya Luzi lwa Yufulate, pamulandu wakuti iviteekwa vyao alanga vyasanduluka mu Gileadi.

Kufuma 23:31

Ndapanga mumpaka ukufuma kuli Yemba Muyenzu mpaka nu kufika kuli Yemba Mukulu wa ina Filisti. Nupya ukufuma ku lwanga mpaka kufika nu kuluzi lwa Yufulate. Ndalenga kuti muye na maka pa antu amu mpanga iyo nu kuyazinga.

Amosi 2:9

“Lelo manyini ukuti nononyile aina Amoli pamulandu winu, kumwi nu wa mbezu, nanti angala yene yali atali wa miti imikelide, nanti angala yene yali na maka wa miti imioko.

Mpendwa 10:12

Lyene aina Izlaeli ali pa kutenuka yafuma mu Lwanga lwa Sinai iyazeuluka ku cifulo ni cifulo, suka lino ikumbi lyaya limilila mu Lwanga lwa Palani.

Malango 1:19

“Lyene wakwe vino Yawe watupeezile ilamulo kuti tucite, twafumile pa Mwamba wa Holebu nga tusalala ulwanga lulu lukulu ulwakofya itulungama ku mpanga ya myamba iya ina Amoli. Alino tufika ku Kadesyi Banea.

Malango 11:11

Lelo impanga ino mwatimwaingila mwenemo impanga ya myamba ni vifoloma, ino ikatapililwa ni mvula.

Malango 11:24

Ponsi pano mulalyata palaya pa ncende inu. Impanga inu ilatandikila ku lwanga ku kaeya ukufika nu ku Myamba ya Lebanoni ku katutu, nu kufuma ku Luzi lwa Yufulate ukufika kuli yemba waku uwondaka.

Yoswa 1:4

Impanga inu ilatandikila ku lwanga ku kaeya ukufika nu ku Myamba ya Lebanoni mpaka nu ku Luzi lwa Yufulate alino nu kwiza senuka ku mpanga yonsi iya ina Hiti mpaka nu kwizasinta kuli Yemba wa Adiliya, yonsi ii ilaya impanga inu.

Yoswa 10:40

Acino Yoswa acimvya impanga ilya yonsi, ukwika kumwi ni mpanga ya myamba, ni ya Negebu, ni misana ya twamba yaku uwondaka, ni mitentemuko ya myamba, kumwi na yamwene yonsi. Atasile umuntu nanti umwi umupuma. Wene wononyile consi icikafuta, wakwe vino Yawe, Leza wa ina Izlaeli wapile ilamulo.

Yoswa 24:15

Lelo ndi mutakasi ukutumikila Yawe, lyene sololini ilelo kwene wino mumatumikilanga, nga cakuti a tuleza tuno ivikolwe vinu vyatumikilanga ku mbalama ya Luzi lwa Yodani, nanti tuleza twa ina Amoli, yano pali ndakai mukwikala mu mpanga yao. Lelo nemo na amu ng'anda yane, tumatumikilanga Yawe.”

Yoswa 9:1

Lyene yamwene yonsi aikalanga ku uwondaka wa Luzi lwa Yodani yuvwa ivintu vii vyonsi, yano yonsi aikalanga mu mpanga ya myamba, nu mu misana ya twamba yaku uwondaka, nu mu nkumba yonsi yakwe Yemba wa Adiliya kufika na lwaku katutu ku Lebanoni, nga na yamwene ya ina Hiti, na ina Amoli, na ina Kenani, na ina Pelizi, na ina Hivi, nga na ina Yebusi

Umbwilo 9:14

Izwi livwanga ku mungeli uwali ni ntandala uwalenga mutanda liti, “Sapula angeli yani anyepwa pa luzi lukalamba Yufulate.”