Malango 1:33 - Amazwi Yakwe Leza 2013

³³ nanti angala wene wamukolelelanga kuti amulondele cifulo pakuti mukuule insakwe. Apa kuti amulange inzila, wene wamukolelelanga mu mvumba ya moto usiku nu mu mvumba yi kumbi umusanya.

Malango 1:33 Kruisverwysings

Neemiya 9:12

Umusanya wene wayatungululanga umwi kumbi, alino usiku uku cimbilimbili ca moto, icayakozezyanga inzila umwakupita.

Masamu 105:39

Leza ali pakwika ikumbi uku nkolelo lya kuyacingilila nga nu moto uwaku yapeela uluswepo uku usiku.

Masamu 77:20

Endi mwandi, avino watungulwile antu yako wakwe kacema wa mfwele, pamwi ni ntunguluzi zyao, Mose na Aaloni.

Masamu 78:14

Umu nsita ya kasanya, wayatungulwilanga ukwi kumbi, nu mu nsita ya usiku namo wayatungulwilanga umu cimbilimbili ca moto.

Kufuma 14:24

Ku macaca Yawe wino wali mwi kumbi nu mu cimbilimbili ca moto alolekesya pa vita vya ina Eguputo, alenga kuti yuvwe intete nga yalonda kupuuka.

Yelemiya 31:2

Yawe wavwanga wati, “Umutundu uno wasyala impondo ulalola uluse mu lwanga. Izlaeli amapelwa kupuza.”

Ezekelo 20:6

Apa wanda kwene uo lino nayalavile nu kulundapo ukulapa ukuti ndayafumya mu Eguputo, nu kuyatwala mu mpanga ino nemo nasolwile, ali mpanga ikankala nupya iya muvundo iyaluta impanga zyuze zyonsi ku usuma.

Zakaliya 2:5

Yawe wavwanga ukuti aliwe umwisikulu alaya ilinga lya moto ukulizizya umusumba ulya, nu kuti acingilile umusumba nga nu kwikala mwenemo mu lulumbi lwakwe.”

Mpendwa 10:33

Lyene lino antu yatenuka, yasya Mwamba wa Sinai, yapita ulendo wa manda yatatu. Pa manda yonsi yaa yatatu ala Mbokosi ya Upangano yakwe Yawe ikuyakolelela kuti yayalondele incende pakuti yangakuula insakwe.

Mpendwa 14:14

lyene ali vino yalalandila antu akaikala mu mpanga kwene ii. Antu yaa yamanya ukuti we Yawe uli naswe, nu kuti mukalolana na antu ntontonto pa manso lino ikumbi lyako lyaya pa cifulo cino yakaikala mwenemo. Nu kuti ukayakolelela pa nkolelo musanya mu mvumba yi kumbi, nu usiku namo mu mvumba ya moto.