Malango 1:28 - Amazwi Yakwe Leza 2013

²⁸ Uzye pacani cino tungaila kukwa? Tukuuvwa intete. Antu yano twatumile kweneko yakutunena ukuti antu aya kukwa yaya namaka cuze nupya amalamba ukutuluta, nu kuti yakaikala mu misumba ya malinga atali kufika nu mwiyulu. Yene yaweni aina Anaki kukwa!’

Malango 1:28 Kruisverwysings

Utandiko 11:4

Lyene yati, “Twikuulile umusumba nga nu lupungu lwakufika kwiyulu. Ndi twacita vii, tulalumbuka nupya tutalasalangana monsi mu nsi.”

Kufuma 15:15

Ndakai intunguluzi zyamu mpanga ya Edomu zyatizisakamikwa. Intunguluzi zyamu mpanga ya Moabu zyatizitandika kuzakaza. Antu yonsi amu mpanga ya Kenani iciyaputula umusana.

Ezaya 13:7

Apamulandu wakwe cii, antu yonsi yalatolompoka mu makasa, nu muntu wensi alatovoka mu mwenzo.

Ezekelo 21:7

Ndi yakuuzya umulandu uno ukutolomela, uyasuke uti, ‘Apamulandu wa vintu vino vyasya vicitike.’ Yanene ukuti kwatikwiza izwi lyakuti imyenzo yonsi ilakulukunta pamulandu ni ntete, amakasa yao yalatolompoka, amano yao yalapela, mu nteo zyao mulapomponteka. Icali nu kufikila, ala cafikila. Ivyalanda ne Yawe Simwandalali.”

Malango 1:29

“Lelo namunenyile inti, ‘Mutoopa antu yaya.

Malango 2:10

(Apa mpiti aikalanga mu musumba wa Ali aina Emimu, ivi yantu ivituuluke ivyali umutundu uwamaka cuze. Yali ivipombolo wa ina Anaki, umutundu uze uwa vipombolo.

Malango 20:20

Lelo imiti yuze iyasyala, ino isyaseeka viseekwa, yene mungaikomola nu kuiomvya ku mulimo wa kukuula insakwe navyuze pa nsita ino mucili mukulwisya ukupoka umusumba uwo.”

Malango 20:8

Yamusika akalamba ya vita nayo kwene yalalanda ku antu yati,

Malango 7:17

“Mutakezye ukuvwanga ukuti antu yaa avule ku mpendwa ukutuluta nu kuti mutangayazinga mu mpanga ilya.

Yoswa 11:22

Kutali umwina Anaki uwasile mu mpanga yonsi iya ina Izlaeli, suka sile mu Gaza, mu Gati, nu mu Asyidodi.

Yoswa 14:8

Nga aina yane aile kweneko pamwi nani iyatovola antu. Lelo nemo nu mwenzo onsi nacisile ivyalondanga Yawe.

Yoswa 15:14

Ukufuma ku Hebuloni Kalebu azinga aina Anaki yatatu, amazina yao a Syesyai, Aiimani, na Talimai, amu mupanda wakwe Anaki.

Yoswa 2:11

Lino tuvwile cii, ituya na miiku nga imyenzo itu izakaza ku ntete pamulandu wa kwiza kwinu, pano Yawe Leza winu ali Leza ukwiyulu na pano pansi kwene.

Yoswa 2:24

Inengu zizi izinena Yoswa ziti, “Icumi kwene Yawe watapeela impanga ilya yonsi mu makasa itu. Aikazi yakweneko yonsi yakuizakazila sile ku ntete pamulandu witu.”

Yoswa 2:9

nga azinena ati, “Manyile ukuti Yawe watapeela impanga ii kunomuli nu kuti ingofyo izya pali mwemwe zyatizituponela, cakuti umuntu wensi mu mpanga ii akuzakaza ku ntete pamulandu winu.

Yakapingula 1:10

Nupya iyaya iyalwisya aina Kenani aikalanga mu musumba wa Hebuloni uno yamanga yati Kilyati Aliba. Kuku akuno yacimvizye inko zyakwe Syesyai, Aiimani na Talimai.

Yakapingula 1:20

Wakwe vino Mose walavile, yapeela umusumba wa Hebuloni kuli Kalebu, wino wazinzilemo ana aonsi yatatu yakwe Anaki.