Malango 1:17 - Amazwi Yakwe Leza 2013

¹⁷ Mutaya na kasoozi lino mukupingula. Mwapingula cila muntu kwaula kunyomela mbali, cisi cimwi vino umuntu wiyo ali. Mutaoopa umuntu nanti umwi, pano upinguzi uno mumacita ukafuma kuli Leza. Ndi umulandu umwi wakomesya cuze kunomuli, muulete kunondi nga nani ndapingula.’

Malango 1:17 Kruisverwysings

Utandiko 18:25

Cumi utangonona antu akacita vyawololoke pamwi na ankota. Citangaya, wemo utangacita cico. Ndi avino ungacita, ale lyene antu akacita vyawololoke yangavunukilwa kumwi na ankota. Awe, citangaya! Kapingula wa antu amu nsi yonsi asi uwalufyengo.”

2 Samueli 14:14

Swensi pano sweswe ina kufwa. Twaya wa manzi yano yitika pansi, atange yazyolwe. Lelo Leza asicita utazi wa katwe, wene angalonda inzila iya kuwezezyamo umuntu ukufuma kuno utukila.

2 Milandu 19:5

Wene aika yakapingula umu mpanga yaku Yuda umu musumba uli onsi uwakuuzilwe ni linga.

2 Milandu 19:6

Alino wapile ilamulo kuli yakapingula ati, “Mwatala imwelenganya ningo pakucita upinguzi pano umulimo uno mukuomba usi wa muntu. Lelo uwakwe Yawe. Lyonsi lino mukapingula ala Yawe ali namwe.

Yobo 31:34

Nsiuvwilila ivya kunzi vino antu yakulandalanda. Nanti ukulondelela amazwi ya misula ukufuma ku akazi. Nkuposiwa ukusula nu kwikala cele, icakuti inkuposiwa nu kufumila apanzi.

Masamu 82:2

Wene akuti, “Uzye ukufika lilaci lino mwemo mulata ukupokolola antu alufyengo? Uzye pacani cino mwemo mwatemwa ukuvwangila antu aipe?

Kufuma 18:18

Umatontanga zuwa pamwi na antu yako kwene. Milimo kwene ii, ikulu kuluta maka yako, nupya utangaomba wenga.

Kufuma 18:22

Leka yaa yapingula imilandu amanda yonsi. Yangaleta sile imilandu ikome kunuli. Lelo tumilandu tunono aliyo yapingula. Mu musango uu, utalaombesya ndi waleka kuti yakwazwa.

Kufuma 18:26

Intunguluzi zii zyapingulanga antu amanda pe. Imilandu ikome itupu iyatwala kuli Mose, lelo tumilandu tunono aliyo yapingulanga.

Mapinda 18:5

Cisi cisuma ukuvwangila umuntu mwipe, nanti ukufyenga uwakaele pakumuputwila umulandu.

Mapinda 24:23

Ivyalondelela penepo, imvwango zino zyafuma uku antu ya malango. Ukuya nu muncizyanya apa kuputula imilandu kutazipa foo.

Mapinda 28:21

Umuncizyanya waipa. Lelo kwene antu yangifya apamulandu wakulondesya amafukakanwa.

Mapinda 29:25

Ukoopa antu cili wa citeyo, Lelo ukutaila muli Yawe kukapususya.

Yelemiya 1:17

Ali cino fwandi wemo Yelemiya posya sile, nyepa nu musipi mu musana. Katuka uye ukayanene vyonsi vino namakunena. Utayoopa foo, pano limwi ningiza nkoofye apa manso yao.

Aina Levi 19:15

Uye umufumacumi lino ukupingula imilandu. Utacita kasoozi pakasi ka muntu mupina nu mukama. Lelo wapingula umuntu muzo mu ulungami.

Malaki 2:9

Acino nani, pakumuswilizizya cico, ndaleka aina Izlaeli yamusuule pamulandu wakuti mutakuyela vino nkalonda kuti mwacita, nga nupya mukafyenga antu pa kuyaputwila imilandu na kasoozi.’ ”

Mateo 22:16

Yatuma alondezi yao nga na antu yakwe Helodi kuli Yesu yamuzya yati, “Kasambilizya twamanya vino ukavwanga icumi. Lelo ukasambilizya Masunde yano Leza akalonda kuti antu yayela. Wemo usioopa umuntu nupya utaya na kasoozi.

Mako 12:14

Izile kuli Yesu yamunena yati, “Kasambilizya, twamanya vino ukavwanga icumi. Nupya usioopa umuntu. Wemo utaya na kasoozi. Lelo ukasambilizya Masunde yano Leza akalonda kuti antu yayela. Uzye ciine na Masunde yakwe Leza kuti twasonka kuli Kesa nanti foo?”

Luka 20:21

Caleka inengu zimuzya ziti, “Kasambilizya, twamanya vino ukalanda nga nu kusambilizya ivya cumi. Nupya twamanya vino utaya na kasoozi, lelo ukasambilizya Masunde yano Leza akalonda kuti antu yayela.

Loma 2:11

Pano Leza ataya na kasoozi.

Efeso 6:9

Namwe mwe asambazi, mwacita cili conga ku azya inu. Mutaezya kuyoofya. Iusyini ukuti mwemo na azya inu kwene, mwemwe antu ya Mwene ali umwi uwa mwiyulu, wino ataya na kasoozi pa kupingula umuntu.

Malango 10:17

Acino lyene mumanye ndi vino Leza winu ali Leza uwaluta yaleza yonsi. Wene umukulu nupya uwamaka nu wakoofya, wino ataya na kasoozi nupya asizumila kutoola amafukakanwa.

Malango 16:19

Yene yasi nu kuya nu lufyengo nanti akasoozi pa kupingula. Nupya yatalinzile ukutoola amafukakanwa, pano amafukakanwa yakapafuzya antu ya mano na acumi kwene, nu kuleka kuti yatapingula ningo.

Malango 24:17

“Mutaezya kufyengelekezya ainamasi na ana asyale pa nsambu zyao. Nupya mutaezya kutoola cakuzwala cakwe mukamfwilwa kuti ciye kamukole pa nkongole zino amukwatile.

Malango 25:1

“Ndi cali aina Izlaeli yamwi yaili yapusana nga yatwala umulandu ku cilye ca milandu pakuti yayapingwile, nga lyene wenga wazanwa ukuti asi nu mulandu lelo umuze ali wa mulandu.

Kolose 3:25

Muntu wensi wino akacita viipe alavunukwa kulingana pa viipe vyakwe, pano Leza atakwata kasoozi.

1 Tesalonika 2:4

Mu cifulo cakwe cii, swemo lyonsi tukalanda wakwe vino Leza akalonda kuti tucite, pano wene walola ukuti twati tulinga kupelwa mulimo wa kukosola Ilandwe Lisuma. Tusyaezya kuzanzya antu, lelo tukaezya kuzanzya Leza, wino akaezya melenganyo itu.

Yakobo 2:9

Lelo ndi mukucitila antu kulingana ni milolekele yao yaku mwili, ale lyene muli nu mulandu uwa kwifya, nupya mulaya nu mulandu uwa kuntayela masunde.

1 Petulo 1:17

Lino mukupepa mukaama Leza muti, “Tata.” Wene ataya na kasoozi. Lelo akapingula antu yonsi kulingana na vino cila muntu wacita. Acino lyene mwacindika Leza lino mucikweti umi muno nsi.

1 Samueli 16:7

Lelo Yawe anena Samueli ati, “Utalola pa milolekele yakwe isuma nanti ukutalimpa kwakwe, pano asi wino nsonsile foo. Antu yene yakalola imilolekele ya kunzi, lelo ne Yawe nkalola ivili mu mwenzo.”

1 Samueli 2:25

Ndi umuntu umwi wifya ku muntu muze, Leza angamuvwangila. Lelo ndu muntu wifya kuli Yawe, uzye aweni angamupapatila?” Lelo ana yakwe yatatezizye ukukalipa kwakwe isi wao, pano cali ukulonda kwakwe Yawe kuti ayaponyezye imfwa yafwe.