Luka 1:8 - Amazwi Yakwe Leza 2013

⁸ Wanda umwi Zakaliya waombanga mulimo wa usimapepo pa manso yakwe Leza. Lwali uluti lwi umba lyakwe ilya usimapepo lwakutumikila.

Luka 1:8 Kruisverwysings

1 Milandu 24:19

Umulimo wa antu kwene yaa wali uwakutumikila mu Ng'anda ikulu yakwe Yawe, ukulingana ni vipope vino Aaloni icikolwe cao cayasilile, ndi muno Yawe, Leza wa ina Izlaeli wamupelile ilamulo.

1 Milandu 24:2

Lelo Nadabu na Abiu yafwile ala isi acili nu umi, nga yatakweti ana aonsi awe. Acino Eleaza na Itamali yatumikilanga wakwe yasimapepo.

2 Milandu 11:14

Icalenzile kuti yasimapepo yakwate ukusya imfwele zyao umu ncende zyao zyakucemelamo kumwi ni mpanga yao nu kuya ku kwikala umu Yuda nu mu Yelusalemu, umulandu wakuti umwene Yeloboamu uwaku Izlaeli, walesizye yasimapepo yonsi aina Levi ukuomba umulimo wao uwa usimapepo, uku kucindika Yawe Leza wa ina Izlaeli.

2 Milandu 31:19

Yasimapepo, ana yakwe Aloni, yano yikalanga umu mpanga zya mulemvwe umu misumba yao, yakweti antu yao yano yalemvile amazina, apakuti yayazwilizya kweneko umonsi ali wensi uwamuli yasimapepo apakuti angapokelela icipande cino alinzile kukwata nga na wensi uwalemvilwe umu mupanda wa ina Levi.

2 Milandu 31:2

Umwene Hezekiya ali pakupanga cipya cipya impuka zyakwe yasimapepo na ina Levi. Cila muntu umu mpuka yakwe ukulingana ni milimo yakwe, ciye a simapepo nanti umwina Levi. Limwi angaya a simapepo uwa kupeela amawila yakoca nanti amawila ya utandano. Limwi imilimo yakuomba ivyakwazwilizya apa kutaizya nu kwimbila inyimbo apa mpongolo zya Ng'anda ikulu yakwe Leza.

2 Milandu 8:14

Solomoni wawakanga sana ivyacitanga isi Davidi. Fwandi nawe wankinye impuka zyakwe yasimapepo umwakuombela incito zyao amanda yonsi. Wankinye na ina Levi aazwilizyanga yasimapepo umu kwimba inyimbo nu kuomba imilimo yuze.

Ezila 6:18

Nupya yisile yasimapepo ukulingana na maumba yao, na ina Levi nayo umwayelile amaumba yao, muno yakatumikila Leza umu Yelusalemu, ukulingana ni vyalembwa mu Lupapulo lwakwe Mose.

Kufuma 28:1

Yawe apeela ilamulo kuli Mose ati, “Tuma akwama munyonko Aaloni pamwi na ana yakwe aonsi, Nadabu, Abiu, Eleaza, nga na Itamali. Ali antu yano natinsolola ukufuma mu ina Izlaeli pakuti yangantumikila wakwe yasimapepo.

Kufuma 28:41

Vyakuzwala kwene vii, uzwike munyonko Aaloni na ana yakwe aonsi, lyene uyapake amafuta nu kuyalasika, nga uyapaatule kuti yantumikila wakwe yasimapepo.

Kufuma 29:1

Yawe anena Mose ati, “Lino wapaatula Aloni, vii avino ucite ku ana yakwe aonsi kuti yaye yasimapepo akuntumikila: Utoole kacipambasi konga, nga na yasuuku yaili aula ulema.

Kufuma 29:44

Itaalu lya Ukongano indalilenga kuti liye lyamuzilo pamwi na kavuwa kwene. Aaloni ndamupaatula pamwi na ana yakwe aonsi pakuti yaye yasimapepo yane akuntumikila.

Kufuma 29:9

Nupya uyazwike ni cisote ca ucindami nga na tulibani Mu musango uu yaya yalaya ayasimapepo yane pakulondela ilamulo lyane lya manda pe. Mu musango uu ali muno umapaatwila Aaloni na ana yakwe aonsi.

Kufuma 30:30

Lyene upake Aaloni amafuta pamwi na ana yakwe aonsi nu kuyapaatula kuti yaye yasimapepo akuntumikila.

Mpendwa 18:7

Fwandi wewe sile pamwi na ana yako aonsi muce mwaomba umulimo wakwe usimapepo. Mwasakamala kavuwa na vyonsi ivyaya mu Ncende Yamuzilo. Muce mwaomba umulimo uli onsi wakwe usimapepo. Lelo umuntu wasilesile ndi wapalamila kweneko, alafwa.”

Luka 1:5

Mu manda yakwe Helodi umwene wa Yudeya, kwali simapepo umwi izina lyakwe a Zakaliya, uwamu mpuka yakwe yasimapepo yakwe Abiya. Nu muci nawe kwene wali uwamu luko lwakwe Aloni, izina lyakwe a Elizabeti.

Luka 1:7

Lelo yatakweti umwana, pano Elizabeti wali ng'umba, nupya yonsi oili yali akoloci.