Luka 1:14 - Amazwi Yakwe Leza 2013

¹⁴ Lyene ulaya nu luzango ni nsansa, na antu aingi yalazanga pa kuvyalwa kwakwe,

Luka 1:14 Kruisverwysings

Utandiko 21:6

Sala avwanga ati, “Leza watandetela insansa ni nseko nu muntu wensi wino aluvwa ukuti navyalila Abulaamu umwana alaseka pamwi nani.”

Mapinda 15:20

Umwana wa mano akasansamusya isi, lelo iciwelewele cikasuula nyina.

Mapinda 23:15

Mwanane, ndi waca wakwata amano, lyene nemo ndatemwa wakwe cimwi.

Mapinda 23:24

Isi wa mwana umulungame akasansamuka sana. Wino wavyala umwana wamano akazangila munoli.

Yelemiya 20:15

Atipwe umuntu wino wasansamwisye tata apakumumanyisya ati, “Iyakuvyalila umwana umonsi.”

Luka 1:13

Lelo mungeli amunena ati, “Utoopa Zakaliya, pano ipepo lyako lyati lyuvwika. Muci wako Elizabeti alakuvyalila umwana umonsi, alino naawe ulamutemela izina uti a Yoane.

Luka 1:15

pano alaya mukulu pa manso ya Mwene. Wene atalamwa waini nanti cikakola lelo alaya na maka ya Mupasi Wamuzilo kufuma lino atali avyalwe.

Luka 1:58

Auze na akazi kakwe yuvwile vino Mwene wamuyela mizu, nga yazangila pamwi nawe.