Kolose 1:4 - Amazwi Yakwe Leza 2013

⁴ Pano tuvwa vya pa utailo winu uno mwakwata muli Klistu Yesu nga nu kutemwa kuno mwakwata pa antu yakwe Leza onsi.

Kolose 1:4 Kruisverwysings

2 Kolinto 7:7

Asi kwiza kwakwe Tito ukwatukomelizye sile, lelo na mazwi yano watunenyile pali vino mwamukomelizye. Wene watunenyile ukuti mwemo mukulondesya kulolana nani, na pa ulanda uno mukuuvwa nga nu kusakamala kuno mukweti pali nene ukwa kuncingilila. Na cii, candenzile kuya nu luzango lukulu.

Galatiya 3:26

Mwensi kwene mwemwe ana yakwe Leza pa kutaila muli Klistu Yesu.

Galatiya 3:28

Caleka pasi upusano pakasi ka Ayuda na Akulukuwa, azya na antungwa, aonsi na anaci. Mwensi mwaya wenga pa kutaila kwinu muli Klistu Yesu.

Galatiya 5:6

Pano lino twaya yakwe Klistu Yesu, lyene kusilamulwa nanti kuntasilamulwa kusyalanga kupusana kumwi. Lelo cintu cino mulinzile kusakamala utailo winu ungamulenga kutemwana.

Efeso 1:15

Caleka nani kwene kufuma lino nuvwile vya pa utailo uno mukweti mu Mwene witu Yesu nga nu kutemwa kuno mwakwata pa antu yakwe Leza onsi,

Efeso 6:18

Mwacita vii vyonsi mu mapepo, ala mukuuzya Leza kuti amwazwe. Pepini lyonsi, ndi vino Mupasi Wamuzilo akumutungulula. Muye apempukile, nupya aula kunenuka. Nsita zyonsi mwapepela antu yakwe Leza onsi.

Kolose 1:9

Pamulandu kwene uu swemo tukamupepela, kufuma pa wanda uno tuvwile vya pali mwemwe. Tukulenga Leza kuti amupeelesye umanyililo wa kucita kulonda kwakwe, mu mano yonsi nu kuvwikisya vino Mupasi Wamuzilo akapela.

1 Tesalonika 1:3

Pano tukaiusya kunena Leza Tata pa utailo winu nu mulimo uwa kutemwa nga na pa upaalilo winu ukome mu Mwene Yesu Klistu.

1 Tesalonika 3:6

Ndakai Timoti wataweluluka, nupya watatunena vya pa utailo winu nu kutemwa kwinu. Wene watunenyile ukuti mwemo lyonsi mukatwelenganya ningo nga nu kuti mukalondesya kutulola, wakwe vino naswe tukalondesya kumulola.

2 Tesalonika 1:3

Mwe ina itu, tulinzile kutaizya Leza nsita zyonsi. Catuzipila kucita cii, pamulandu wakuti utailo winu ukukula cuze nga nu kutemwana pakasi kinu kukukulilako.

Filimoni 1:5

Pano nkauvwa kutemwa kuno wakwata ku antu yakwe Leza nga nu utailo uno wakwata mu Mwene Yesu.

Ayebulai 6:10

Leza asi wa lufyengo. Wene atalilila mulimo uno mwaomba nanti kutemwa kuno mwalanga kunoli pa kwazwa kuno mucili mukwazwa aina Klistu yauzo.

1 Yoane 3:14

Twamanya ukuti kutemwana kwitu kukasininkizya vino twafuma mu mfwa nu kuya mu umi. Wino wensi asyatemwa antu yauze wene acili mu mfwa.

1 Yoane 3:23

Ilamulo lino watupeela ilyakuti tutaile mu Mwana wakwe Yesu Klistu nga nu kutemwana ndi vino Klistu watupile ilamulo.

1 Yoane 4:16

Naswe sweisikulu twamanya nu kutaila ndi vino Leza watutemwa. Leza ukutemwa, na wino akaikala mu kutemwa akaikala muli Leza na Leza akaikala munoli.