Filipi 2:13 - Amazwi Yakwe Leza 2013

¹³ pano lyonsi Leza akaomba munomuli kuti mwalonda kuomba vivyo vingamuzanzya.

Filipi 2:13 Kruisverwysings

1 Yamwene 8:58

Nupya uleke ukuti twakutontela, apakuti twaikala ndi muno wemwisikulu ukalondela, twasunga na masunde yako yonsi ni vyeo vyako vino wapile ivikolwe vitu.

2 Milandu 30:12

Ikasa lyakwe Yawe lyali na pa antu aku Yuda, kuti aleke ukuti yonsi yakwate amapange na kampingu wa mpomvu umu kulondela iceo cakwe na mazwi ya malombwe yakwe.

Ezila 1:1

Umu mwaka wakutandikilapo uwa kuteeka kwakwe Kilusi umwene waku Pesya, izwi lyakwe Yawe lyafikiliziwe lino kasema Yelemiya wavwanzile. Lyene Yawe aleka Kilusi mwene waku Pesya akuntikilwa pakuti anguma imbila mu mpanga yakwe yonsi nu kulemba yakalata umwali amazwi akuti,

Ezila 1:5

Lyene intunguluzi zya ng'anda zya mitundu yakwe Yuda na Benjamini, yasimapepo na ina Levi, iyakatuka pamwi nu muntu wensi wino wakuntikilwe na Leza iyaiteyanya ukuya ku kukuula cipya cipya Ng'anda ikulu yakwe Yawe uku Yelusalemu.

Ezila 7:27

Ezila avwanga ati, “Alumbanyiwe Yawe, Leza wa vikolwe vitu, wino wika ilango mu mwenzo wa mwene kuti mu musango ukwene wakuitemelwa amuno acindikile Ng'anda ikulu yakwe Yawe yamu Yelusalemu.

Neemiya 2:4

Umwene ali pakunguzya ati, “Icani fwandi cino wemo ukulonda?” Lyene intala impepa kuli Leza wa kwiyulu,

Yobo 33:29

“Fwandi vivyo vyonsi, ali vino Leza wacitila antunze amaila avule umu wikazi wao.

Masamu 110:3

Antu yako yalaipelesya, apa wanda uno wemo ulalwisya anisi yako. Ucindami wa wene, waukwasile lilya kwene lino wavilwe ala watuyemviwa nu kuyemviwa. Ali cino fwandi wemo, ukutandikila sile uku unya wako, waya nu wene wa pa mwamba wamuzilo.

Masamu 119:36

Umpeele umwenzo uwakulondesya ukuyela amasunde yako ukuluta ukuya umukama.

Masamu 141:4

Utaleka umwenzo wane ulole ukukucita ivintu iviipe nu kuomba imilimo ya ukakasi pamwi na yano yakacita ivyamusalula. Nupya utaleka indye ivyakulya vyao nanti viye ivyamalila uli.

Mapinda 21:1

Yawe aliwe akatungulula imyenzo yakwe yakateeka, wakwe vino akatungulula uluzi nu kulutwala kuno atemilwe.

Ezaya 26:12

We Yawe, awewe ukampela ulongo, pano vyonsi vino tukalola umu kuomba, awewe ukalenga ukuti tuvilole.

Yelemiya 31:33

Upangano uno ndapangana na ang'anda yakwe Izlaeli, amanda ndi yapita ali uu: indika amasunde yane mu nda zyao, ndayalembela nu mu myenzo yao. Ndaya Leza wao, nayo yalaya antu yane.

Yelemiya 32:38

Alino lyene yalaya umutundu wane, nani ndaya Leza wao.

Luka 12:32

“Mutoopa, mwe ufyo unono wa mfwele, pano So camuzanzya kuti amupeele Uwene wakwe.

Luka 2:14

“Ululumbi kuli Leza mwiyulu papelapela, nu mutende pali yano Leza akuzangilamo.”

Yoane 3:27

Yoane nawe aasuka ati, “Kusi cimwi wakwe cii cingacitikila umuntu, suka Leza ndi waleka kuti cicitike.

Yoane 6:45

Yakasema yalemvile yati, ‘Onsi yalasambiliziwa na Leza.’ Wino wensi akauvwa nu kusambilila kuli Tata wene akaiza kunondi.

Yoane 6:65

Nupya Yesu ayanena ati, “Uu, uli mulandu kwene uno nali namunena vino kusi umwi angiza kunondi, suka sile Tata ndi waleka kuti alonde kwiza kunondi.”

Milimo 11:21

Amaka ya Mwene yali nao, na antu aingi cuze yataila yaseleukila ku Mwene.

Loma 12:3

Pamulandu wa wila uno Leza wampeela mu cikuku cakwe, nkumunena mwensi kuti mutaikuzya kuluta vino mwaya. Lelo muye atekele mu kwelenganya nu kuipima mweisikulu kulingana ni cipimo ca utailo uno Leza wapela cila muntu.

Loma 9:11

Lelo lino ana yaa yatali kuti yavyalwe nanti kucita cisuma nanti ciipe, Leza wanenyile Labeka ati, “Silenzi alatumikila muto.”

Loma 9:16

Caleka cisi pali cino umuntu akasi nanti cino akaezya kucita, lelo cili pali Leza wino akayela mizu.

1 Kolinto 12:6

Kwaya maka apusane akutumikilamo, lelo Leza ali umwi akapeela maka kuli yonsi akatumikila.

1 Kolinto 15:10

Lelo ku cikuku cakwe, Leza wancita kuya vino ndi, ni cikuku cakwe citali caula milimo kunondi kuluta atumwa yauze, nanti angala asi anene naombanga, lelo maka yakwe Leza akankomelezya.

2 Kolinto 3:5

Tutakweti nsambu zyakulanda ukuti twati tucita cintu cili consi swenga pa lwitu. Leza uwatupela maka akucita vyonsi vino tukacita.

Efeso 1:11

Vintu vyonsi vikacitwa kulingana na vino Leza wateyanya. Wene watusolwile kuti tuye antu yakwe muli Klistu. Wene wacisile cii pamulandu wi pange lyakwe, lino limikwa pali vino wasolwile kufuma nu ku utandiko.

Efeso 1:5

Leza wasolola mpiti kutucita ana yakwe kupitila muli Klistu. Cii camuzanzizye umwisikulu mwi pange lyakwe.

Efeso 1:9

nga kupitila muli vino Klistu wacita, Leza watulanga mapange yakwe ankama.

Efeso 2:8

Pano mwatuuzilwe ni cikuku cakwe Leza lino mwataile.

2 Tesalonika 1:11

Uli mulandu uno tukamupepela lyonsi. Swemo tukalenga Leza witu kuti amucite kuya alingane kwikala umi uno wene wamwamako. Lekini Leza mu maka yakwe yonsi, afikilizye kulonda kwinu kwakucita visuma nga nu kuti utailo uleke mucite vivyo.

2 Timoti 1:9

Wene watutuula nupya watwama kuti tuye antu yakwe, asi pamulandu wa vintu vino twacita. Lelo apamulandu wi pange ni cikuku cakwe. Wene wali ni cikuku kwene cii kunotuli muli Klistu Yesu lino kutali kuye kutandika kwa nsita.

Ayebulai 13:21

Leza wino akapeela mutende amupeele visuma vyonsi vino vikalondekwa pakuti mucite kulonda kwakwe. Nkupepa kuti muli Yesu Klistu, wene acite munotuli vyonsi vino vingamuzanzya. Lulumbi lupelwe kuli Klistu manda pe! Ameni.

1 Petulo 1:3

Lekini tutaizye Leza Isi wa Mwene witu Yesu Klistu! Wene watupeela umi upya pamulandu wa mizu yakwe akulu cuze. Wene wacisile cii lino walenzile kuti Yesu azyukuke kufuma ku afwe. Wene watupeela umi upya nga nu upaalilo uno usyasila.