Filipi 1:7 - Amazwi Yakwe Leza 2013

⁷ Lyonsi nkaelengenya pali mwemwe mu mwenzo wane. Pano namutemwa cuze. Pano mwensi mwakumako pamwi nani muli vino Leza wancitila, pali ndakai lino indi mu ng'anda yaminyololo nga na lilyo lino nali kunzi kuti ncingilile Ilandwe Lisuma nu kulikosola na maka.

Filipi 1:7 Kruisverwysings

Milimo 20:23

Namanya sile ukuti mu misumba yonsi Mupasi Wamuzilo wansoka ukuti ukunyepwa mu mang'anda yaminyololo ni ntazi vikundolela.

Milimo 21:33

Lyene musika mukalamba aya kuli Paulo, amulema, nga apeela ilamulo kuti yamunyepe mu minyololo iili. Lyene auzya ati, “Uzye umuntu wii, aweni, nupya icani cino watacita?”

1 Kolinto 13:7

Kutemwa kusyanenuka, nupya insita zyonsi kukataila nu kupaalila nga nu kuteeka mwenzo.

1 Kolinto 9:23

Nkacita vii vyonsi pamulandu wi Landwe, pakuti ningakumako ku kupolelelwa ukwaya mwi Landwe.

2 Kolinto 3:2

Kalata witu amwemwe, uwalembwa mu myenzo itu kuti muntu wensi angawelenga nu kuvwa.

2 Kolinto 7:3

Ntakulanda cii pakuti mupele mulandu. Lelo wakwe vino nalanzile nkolelo, mwemo tutalatala tumwilile lyonsi lino tuli nu umi nanti mu mfwa.

Galatiya 5:6

Pano lino twaya yakwe Klistu Yesu, lyene kusilamulwa nanti kuntasilamulwa kusyalanga kupusana kumwi. Lelo cintu cino mulinzile kusakamala utailo winu ungamulenga kutemwana.

Efeso 3:1

Caleka ne Paulo, munyepwe pamulandu wa kutumikila Klistu Yesu nkumupepela kuli Leza mwe Akulukuwa.

Efeso 4:1

Caleka nemo, ne munyepwe pamulandu wa kutumikila Umwene, nkumupapata kuti wikazi nu umi winu viye kulingana nu mwata wa lwamo luno mwamilwe.

Efeso 6:20

Pamulandu wi Landwe Lisuma nasololwa kuya nkombe, nanti ndakai indi mu n'ganda yaminyololo. Acino mwampepelako kuti nje mupame pa kukosola Ilandwe Lisuma wakwe vino ndinzile kucita.

Filipi 1:12

Inane nkulonda kuti mumanye ukuti vintu vino vyancitikile, mucumi vyacitike kuti mulimo wakusalanganya Ilandwe Lisuma uye nkolelo.

Filipi 1:13

Caleka yakalinda yonsi amwi sano pali pamwi na antu yauze yonsi ali pano yamanyile ukuti nemo indi mu ng'anda yaminyololo pamulandu wakuti nene muomvi wakwe Klistu.

Filipi 1:14

Nupya cii cati cilenga kuti aina itu aingi yakule mu utailo yakosola ilandwe insita zyonsi kwaula intete.

Filipi 1:5

pamulandu wa musango uno mwangazwilizye mu mulimo wakusalanganya Ilandwe Lisuma kufuma pa wanda wakutandika kutaila kufika na ndakai.

Filipi 2:22

Lelo mweisikulu mumanyile vino Timoti waya ni cumi, na vino wene nani twaombanga pamwi wa mwana ni si pamulandu wi Landwe Lisuma.

Filipi 4:14

Lelo mwacisile cisuma pa kungazwa lino nali mu nsita ya ntazi.

Filipi 4:15

Mwe ina Filipi mumanyile ningo ukuti lino nafumile ku Makedoniya mu manda yano natandike kukosola Ilandwe Lisuma, mwemwe sile mwali iuvi lino lyangazwilizye. Mwemwe mwakumile ku mawila yano napokelile nga na yano napeelanga.

Filipi 4:3

Nawe kwene, we cuza wa cumi pa mulimo witu, nkulonda kuti wazwe yamama yaa. Pano yene yaombisye cuze pamwi nani mukusalanganya Landwe Lisuma, pamwi na Klementi nga na aomvi yanji yonsi yano ndakai mazina yao yalembwa mu lupapulo lwa umi.

Kolose 4:18

Ni kasa lyane nemwisikulu nalemba cii. Ulau kufuma kuli ne Paulo. Mutailila ukuti nemo indi mu ng'anda yaminyololo! Cikuku cakwe Leza ciye namwe.

Kolose 4:3

Pa nsita ili imwi kwene naswe kwene mwatupepelako, pakuti Leza atupeele kasita kasuma aka kukosola ilandwe lyakwe ilya nkama yakwe Klistu. Pano uli mulandu uno nemo ndakai nayalilwa mu ng'anda yaminyololo.

1 Tesalonika 5:5

Mwensi kwene mwemwe antu amu luswepo nupya mukapita musanya. Swemo tusi antu yano yakapita mu usiku nanti mu mfinzi.

2 Timoti 1:8

Acino lyene utuvwa insonyi izya kupeela umboni pamulandu wa Mwene witu. Nupya utuvwa insonyi pamulandu wane, ne munyepwe pamulandu wakwe Klistu. Lelo wakumako ku kuculila Ilandwe Lisuma, lino Leza akukupeela maka akucita cii.

2 Timoti 2:9

Pamulandu wa kukosola Ilandwe Lisuma, nemo nkacula nu kunyepwa mu minyololo kwati nene cipondo. Lelo mazwi yakwe Leza yene yatanganyepwa mu minyololo.

Filimoni 1:13

Nemo ningatemwa kuti nsunge Onesimasi kuno, lino indi mu ng'anda yaminyololo pamulandu wa kusalanganya ilandwe lisuma. Ningatemwa kuti wene angazwe mu cifulo cakuti wewe ungazwe.

Ayebulai 3:1

Mwe inane aina Klistu, mwe muno Leza waama, nkuti mwaelenganya pali Yesu. Leza wamutumile kuti aye Simapepo Mukulu nu mutumwa wa utailo uno tukulanda.

1 Petulo 4:13

Lelo zangini pano mukukumako ku macuzi yakwe Klistu, kuti muce muye nu luzango cuze lino alaloleka mu lulumbi.

1 Petulo 5:1

Mwe ikolo ya mauvi, nkumulembela kuti imukomelezye. Nani kwene nene wikolo wi uvi, nupya nene kambone wa kucula kwakwe Klistu. Nemo nkupaalila kukumako ku lulumbi lwakwe luno lulasokololwa. Nkumupapata

2 Petulo 1:13

Lyonsi lino ncili nu umi canzipila kuti ntwalilile kumwiusya vintu vii.

1 Yoane 3:14

Twamanya ukuti kutemwana kwitu kukasininkizya vino twafuma mu mfwa nu kuya mu umi. Wino wensi asyatemwa antu yauze wene acili mu mfwa.