Filipi 1:26 - Amazwi Yakwe Leza 2013

²⁶ Mulaya ni nsansa lino ndaya namwe nupya pakuti mwailumba pamulandu wane nu umi winu muli Klistu.

Filipi 1:26 Kruisverwysings

Lwimbo lwakwe Solomoni 5:1

We mutemwikwa wane, nawinga wane, ala nemo natimfika mu calo cane. Nkuzombola usule wane ni vintu vyane vya mununko usuma. Nkulya uci wane na nacisenga wane uwa uci. Nkumwa waini wane ni ziya lyane. Mwemuno mwakundana, lyangini nu kumwa. Mwemuno mwakundana mwangini sile wakwe cimwi.

Yoane 16:22

Vii avino cili kunomuli. Ndakai muli nu ulanda, lelo ndiza mulole nupya, nga ni myenzo inu ilazulamo ni nsansa zino pasi umuntu nanti umwi angazisisya kufuma kunomuli.

Yoane 16:24

Kufika na ndakai mutali mulenge cimwi mwi zina lyane. Lengini nga mulapelwa, kuti muzange cuze.

2 Kolinto 1:14

wakwe vino mwatuvwa sile mbali. Lyene lino Mwene Yesu alawela, mulaya ni cilumba pamulandu witu wakwe vino twaya ni cilumba pamulandu winu.

2 Kolinto 5:12

Tusyakuitumika kuno muli lelo tukuvwanga kuti mungaya ni cakwasuka yano akailumba pali vino muntu akaloleka, ukuluta pali vino muntu waya mu mwenzo wakwe.

2 Kolinto 7:14

Namunenyile vino nkailumba pali vino mwaya, nga namwe mutandenga kuya uwa nsonyi. Ndi vino lyonsi tukulanda cumi kuno muli, avino cili pali vino nanenyile Tito ivya pali mwemwe.

2 Kolinto 7:4

Mwemo namutaila cuze. Lyonsi nkaya ni cilumba pamulandu winu, nga nupya nkakomeleka cuze. Mu ntazi zyane zyonsi nemo ncili nu luzango.

2 Kolinto 7:6

Lelo Leza akakomelezya antu atonte myenzo nupya watukomelizye lino watumile Tito kuno tuli.

Galatiya 6:4

Cila muntu aicecete pa vicitwa vyakwe. Ndi visuma, lyene angaya ni cilumba pali vino umwisikulu watacita, kwaula kukolanya ni vintu vino umuze wacita.

Filipi 3:1

Mukumalila inane, muye nu luzango mu Mwene. Ntasakamile ndi namulembela nupya vintu vino namulembile nkolelo. Endi, cingamuzipila kuti ncite vii.

Filipi 3:3

Swemo tusi wakwe alio, pano twasilamulwa mucumi, tukapepa Leza kupitila mu maka yakwe Mupasi Wamuzilo nga nu kuitumika muli Klistu Yesu. Swemo tusyataila vino yakacita ku mili.

Filipi 4:10

Mu umi wane mu Mwene, caya ica luzango cuze kunondi ukuti pacisila ca nsita ntali mwemo alino mwatandike nupya kunsakamala. Ntakusenula ukuti mwemo mwatile kunsakamala. Mutakweti sile insita yakucita vivyo.

Filipi 4:4

Mwazanga mu Mwene. Nupya kwene nkuti mwazanga!