Filipi 1:23 - Amazwi Yakwe Leza 2013

²³ Cili icitale kusolola. Nkulonda ukufwa kuti nje pamwi na Klistu, pano cii cazipisya kuluta.

Filipi 1:23 Kruisverwysings

2 Samueli 24:14

Davidi nawe aasuka Gadi ati, “Ntamanyile ivyakucita! Lelo ntakasi ukuvunukwa na antu. Si Yawe umwisikulu ale atuvunuke, pano wene uwa mizu.”

Masamu 17:15

Lelo nemo umu ulungami wane, ndiza nkulole. Lino ndakatuka ndiza ndole icata cako, nupya ndaya nu luzango wakwe cimwi.

Masamu 49:15

Lelo nemo, Leza alapususya umwenzo wane, alansompola kuti ntaponela umwi lindi, nu kumpokelela.

Luka 12:50

Lelo indi nu kucula cuze, nupya mwenzo wane ulikala kufika lino vilacitika.

Luka 23:43

Yesu nawe amunena ati, “Nakunena vino ilelo kwene umaya nani mu Paladaise.”

Luka 8:38

Lyene umuntu wino mipasi yankota yafumilemo, apapata Yesu ati, “Leka nkulondele.” Lelo Yesu amukanya ati,

Yoane 12:26

Wino wensi akulonda kuntumikila alinzile kundondela, kuti kuno naya, nu muomvi wane kwene aye nani. Tata alacindamika wensi akantumikila

Yoane 13:1

Kwasile sile uwanda onga kufika ku kuzevya kwa Cimulo ca Ucilo. Yesu wamanyile vino kasita kati kafika ka kufuma mu nsi kuya kuli Isi. Pano insita zyonsi watemilwe akwakwe yano ali mu nsi. Wene wayatemilwe cuze.

Yoane 14:3

Lyene ndi napita kukumuteyanyizizya ncende, ndawela kwiza mutola kuti kunondi akuno namwe mukaye.

Yoane 17:24

“Tata! Wayampela, nga nani nkasi kuti yaye nani kunondi, kuti yangalola lulumbi lwane luno wampile. Pano wemo wantemilwe lino insi itali icitwe.

Milimo 7:59

Alino yatwalilila kutama Sitivini na mawe. Ala akulenga Umwene ati, “Mwene Yesu, pokelela mupasi wane!”

2 Kolinto 5:8

Tulinzile kuya akomeleke, pamulandu wakuti catuzipila kusya mili ii kuti tuye mu wikalo wa Mwene.

2 Kolinto 6:12

Asi sweswe twayala myenzo kuno muli. Lelo mwemwe mwayala myenzo inu kuno tuli.

Filipi 1:24

Lelo pamulandu winu cazipa kuti ntwalilile kuya nu umi.

1 Tesalonika 2:1

Mwe ina itu, mweisikulu mumanyile ukuti tutaisumbile nsita lino twamutandalile.

1 Tesalonika 2:13

Nupya kuli mulandu nauze uno swemo tukataizya Leza lyonsi. Lino twamuletile mazwi yakwe Leza, mwemo mwayuvwile nu kuyapokelela, asi wa mazwi ya muntu lelo wa mazwi yakwe Leza, nu mucumi akwakwe. Ndakai Leza akuomba muno muli mwe muno mwataila.

1 Tesalonika 4:17

Lyene swemo, swe muno tulaya aumi pa nsita ilya, tulasendwa pamwi nao mwiyulu mupela mu makumbi ku kukomanya Mwene. Alino kufuma pa nsita ilya tulaya pamwi nu Mwene lyonsi pe.

2 Timoti 4:6

Ndakai insita yatifika yakuti nkomwe wa mpolelwa. Nsita yatifika yakuti nemo insye umi uu.

Umbwilo 14:13

Nupya nuvwa izwi kufuma mwiyulu likuti, “Lemba ukuti, Alongo ayao yano kufuma ndakai yakufwila mu kutumikila Mwene!” Mupasi Wamuzilo nawe ati, “Endi! Yene yalailyokezya kupuza ku kuombesya kwao, pano milimo yao isuma ikuyalondela.”